Mosfellsbær vinnur nú að umferðaröryggisáætlun fyrir sveitarfélagið.
Markmið hennar að búa til aðgerðaráætlun svo auka megi öryggi í bænum, fækka slysum og auka lífsgæði bæjarbúa sem og annarra sem um bæinn ferðast.
Mikilvægur grundvöllur vinnunnar er að kortleggja hætturnar í umferðinni. Kortlagningin hættustaða mun ekki bara byggja á hvar slysin haf átt sér stað heldur einnig taka mið af mikilvægri upplifun vegfarenda á varasömum stöðum og mögulegum hindrunum í gatna- og stígakerfinu.
Því hefur Mosfellsbær ákveðið að efna til stafræns íbúasamráðs þar sem öllum íbúum gefst tækifæri á að senda okkur sínar ábendingar svo tryggja megi öryggi gangandi, hjólandi og akandi vegfarenda í sveitarfélaginu. Við viljum fá ábendingar ykkar varðandi hættustaði sem þið upplifið í umferðinni ásamt kortlagningu á staðsetningum þeirra.
Sérstök ábendingagátt verður opin til 1. nóvember nk.
Láttu í þér heyra því þú þekkir þitt nærumhverfi best!
Tengt efni
Endurnýjun og fjölgun hleðslustöðva í Mosfellsbæ
Í sumar var boðin út uppsetning, rekstur og fjölgun hleðslustöðva í Mosfellsbæ.
Kynningarfundur um Sundabraut fyrir íbúa og hagaðila í Mosfellsbæ 12. október 2023
Vegagerðin, í samvinnu við Reykjavíkurborg, vinnur að undirbúningi Sundabrautar frá Sæbraut að Kjalarnesi.
Næturstrætó hefur aftur akstur til Mosfellsbæjar
Helgina 25. – 27. ágúst 2023 mun næturstrætó hefja akstur til Mosfellsbæjar á leið 106.