Í morgun, fimmtudaginn 22. desember, var haldinn aukafundur í bæjarstjórn.
Fyrir fundinum lá eitt mál sem var tillaga um að álagningarhlutfall útsvars fyrir árið 2023 verði 14,74% á tekjur einstaklinga. Tillagan var samþykkt einróma en hún felur í sér hækkun útsvars fyrir árið 2023 um 0,22% á tekjur einstaklinga. Samhliða þessum breytingum mun ríkið lækka tekjuskattsprósentur um sama prósentuhlutfall svo íbúar munu ekki finna fyrir breytingunni í aukinni skattheimtu.
Hækkunin er gerð í tengslum við samkomulag ríkis og sveitarfélaga um breytingu á fjármögnun á þjónustu við fatlað fólk.
Samkomulag er milli ríkis og sveitafélaga um að vinna áfram að greiningu á þróun útgjalda vegna þjónustunnar og munu aðilar leitast við að ná samkomulagi um styrkingu á fjárhagsgrundvelli hennar á árinu 2023.
Tengt efni
Opinn íbúafundur og samráðsgátt
Þann 14. febrúar sl. var haldinn opinn fundur í Hlégarði með íbúum Mosfellsbæjar, hagsmunaaðilum og fulltrúum úr atvinnulífinu og tóku um 60 manns þátt í vinnu fundarins.
Opinn íbúafundur mánudaginn 27. júní 2022
Kynningarfundur vegna deiliskipulags verslunar-, þjónustu- og athafnasvæðis að Blikastöðum.
Stefna í málaflokki fatlaðs fólks til ársins 2027
Á árinu 2020 voru drög að stefnumótun Mosfellsbæjar í málaflokki fatlaðs fólks lögð fyrir fjölskyldunefnd.