Vegna verkfallsboðunar Eflingar og VR hjá rútufyrirtækjum föstudaginn 22. mars 2019 (frá miðnætti til miðnættis).
Skólaakstur mun falla niður í Mosfellsbæ þó með þeirri undantekningu að eftirfarandi ferðir verða eknar þar sem viðkomandi bílstjóri er ekki í þeim stéttarfélögum sem hafa boðað verkfall.
- Akstur í skóla: Morgunferðin úr Mosfellsdal og Helgafellshverfi í Varmárskóla.
- Akstur úr skóla: Heimakstur frá Varmárskóla í Helgafellshverfi og Mosfellsdalinn kl. 13:45 og 16:00.
Vert er að taka fram að það verður ekki ljóst fyrr en á miðnætti í kvöld hvort af verkfalli verður og eru aðstandendur beðnir um að fylgjast með fjölmiðlum og vef Mosfellsbæjar. Ef ekki kemur til verkfalls aka skólarútur eins og venjulega.