Í dag 9. ágúst 2022 fagnar Mosfellsbær 35 ára afmæli sínu en bærinn fékk kaupstaðarréttindi 9. ágúst 1987.
Venju samkvæmt fögnum við afmæli bæjarins síðustu helgina í ágúst með bæjarhátíðinni Í túninu heima sem ber uppá dagana 26. -28. ágúst.
Ullarpartýið í Álafosskvos á föstudagskvöldinu og stórtónleikarnir á miðbæjartorginu á laugardagskvöldinu verða á sínum stað ásamt Tindahlaupinu og fleiri viðburðum sem hefð er fyrir á hátíðinni, en dagskráin í heild sinni verður auglýst nánar þegar nær dregur á vef bæjarins og í bæjarblaðinu Mosfellingi.
Við hvetjum íbúa til að huga tímanlega að skreytingum í hverfalitunum og huga að skipulagningu götugrilla. Upplýsingar um hverfaliti má finna í gegnum hlekkinn hér að neðan.
Eftir tveggja ára hlé sökum heimsfaraldurs verður kærkomið fyrir bæjarbúa að gleðjast saman og skreyta bæinn okkar með gleði, lífi og litum. Hver veit nema að við náum að slá þátttökumet þetta árið.
Tengt efni
Dagskrá Í túninu heima 2022
Góða skemmtun!
Bæjarhátíðin Í túninu heima 26. - 28. ágúst 2022
Loksins geta Mosfellingar komið saman á bæjarhátíðinni Í túninu heima eftir tveggja ára hlé vegna heimsfaraldurs.
Í túninu heima 2021 – afmæli Mosfellsbæjar
Engin formleg dagskrá verður á vegum Mosfellsbæjar á bæjarhátíðinni Í túninu heima.