Bygg­ing­ar­mál

Öll gögn í vörslu embætt­is bygg­ing­ar­full­trúa Mos­fells­bæj­ar, sem hlot­ið hafa form­lega af­greiðslu, eru op­in­ber skjöl. Sem slík eru þau að­gengi­leg al­menn­ingi. Þar á með­al eru teikn­ing­ar að mann­virkj­um inn­an borg­ar­inn­ar. Í 6. grein upp­lýs­ingalaga Ís­lands er fjallað um tak­mark­an­ir á upp­lýs­inga­rétti vegna al­manna­hags­muna. Þar kem­ur fram í 1. tl. 1. mgr. að heim­ilt sé að tak­marka að­g­ang al­menn­ings að gögn­um þeg­ar mik­il­væg­ir al­manna­hags­mun­ir krefj­ist, enda hafi þau að geyma upp­lýs­ing­ar um ör­yggi rík­is­ins eða varn­ar­mál. Al­menn­ingi er því ekki veitt­ur að­gang­ur að teikn­ing­um af hús­næði sem eru þess eðl­is. Íbúð­ar­hús teljast ekki á með­al þeirra og eru teikn­ing­ar af þeim því að­gengi­leg­ar al­menn­ingi, sem fyrr seg­ir, í papp­írs­formi og ra­f­rænt.

Aðal- og sérupp­drætt­ir, svo sem lagna- og burða­þol­steikn­ing­ar af op­in­ber­um bygg­ing­um, s.s. fjár­mála­stofn­an­ir, versl­an­ir, skól­ar og skrif­stofu­hús­næði eru ekki að­gengi­leg­ir á teikn­inga­vef en afrit af þeim er hægt að fá í þjón­ustu­veri Mos­fells­bæj­ar eft­ir sam­komu­lagi. Í sum­um til­vik­um má einn­ig bú­ast við að ekki séu til teikn­ing­ar af eldri bygg­ing­um í Mos­fells­bæ.

Ef óskað er eft­ir teikn­ing­um í raun­stærð eru teikn­ing­arn­ar send­ar við­kom­andi í tölvu­pósti. Hægt er að snúa sér til prent­stofu fyr­ir út­prent­an­ir.

Í 1. gr. sam­þykkt­ar um gatna­gerð­ar­gjald á deili­skipu­lögð­um svæð­um í Mos­fells­bæ seg­ir að greiða skuli gatna­gerð­ar­gjald af öll­um ný­bygg­ing­um og við­bygg­ing­um í Mos­fells­bæ. Gatna­gerð­ar­gjald er greitt í eitt skipti, fyr­ir hvern byggð­an fer­metra.

Í 3. gr. sam­þykkt­ar­inn­ar er fjallað um gjald­stofn gatna­gerð­ar­gjalds. Gatna­gerð­ar­gjald er tví­þætt, ann­ars veg­ar vegna ný­bygg­inga og hins veg­ar vegna stækk­un­ar á eldra hús­næði. Stofn til álagn­ing­ar er fer­metra­fjöldi bygg­ing­ar á til­tek­inni lóð, ann­að hvort sá fer­metra­fjöldi sem heim­ilt er að byggja eða raun­veru­leg­ur fjöldi. Um nán­ari út­reikn­inga á fjár­hæð gatna­gerð­ar­gjalds vís­ast til 3. gr. sam­þykkt­ar­inn­ar og gild­andi gjald­skrár gatna­gerð­ar­gjalds, en gjald­stofn­inn er upp­færð­ur á 6 mán­aða fresti í sam­ræmi við bygg­ing­ar­vísi­tölu. Í gjaldskrá Mos­fells­bæj­ar fyr­ir gatna­gerð­ar­gjald má finna upp­hæð gjald­stofns fyr­ir hvert tíma­bil.

Gatna­gerð­ar­gjald kallast sá skatt­ur sem lagð­ur er á lóð­ar­hafa eða bygg­ing­ar­leyf­is­hafa, hvort held­ur sem við á. Um lög­bund­inn gjald­stofn sveit­ar­fé­laga er að ræða sbr. lög um gatna­gerð­ar­gjald nr. 153/2006. Um gatna­gerð­ar­gjald gild­ir einn­ig reglu­gerð nr. 543/1996, og sam­þykkt nr. 496/2017 um gatna­gerð­ar­gjald á deili­skipu­lögð­um svæð­um í Mos­fells­bæ, birt á vef Stjórn­ar­tíð­inda 2. júní 2017.

Í 3. gr. lag­anna seg­ir „Sveit­ar­stjórn skal inn­heimta gatna­gerð­ar­gjald af fast­eign­um í þétt­býli. Um skil þétt­býl­is og dreif­býl­is vís­ast til sam­þykkts deili­skipu­lags eða stað­fests að­al­skipu­lags á hverj­um tíma.“

Í Stjórn­ar­skrá lýð­veld­is­ins Ís­lands, lög nr. 33/1944, seg­ir í 1. mgr. 77. gr. að skatta­mál­um skuli skip­að með lög­um og ekki megi fela stjórn­völd­um ákvörð­un um hvort leggja skuli á skatt, breyta hon­um eða af­nema hann. Sveit­ar­fé­lag­ið Mos­fells­bær er stjórn­vald og gatna­gerð­ar­gjald er lagt á sam­kvæmt lög­um. Af þessu leið­ir að sam­kvæmt skýr­um laga­bók­staf get­ur Mos­fells­bær ekki veitt af­slátt af, eða fellt nið­ur gatna­gerð­ar­gjald, nema heim­ild til þess komi fram í sett­um lög­um frá Al­þingi.

Í sam­þykkt um gatna­gerð­ar­gjöld í Mos­fells­bæ er að finna ákvæði annn­ars veg­ar um und­an­þág­ur frá greiðslu gatna­gerð­ar­gjalds, sbr. 5. gr., og hins veg­ar um af­slátt af gjald­inu, sbr. 6. gr., og eiga þau sér stoð í lög­um um gatna­gerð­ar­gjald.

Bygg­ing­ar­leyfi – Um­fangs­flokkar 2 og 3

Und­ir um­fangs­flokk 2 falla mann­virki sem eru „með­al­stór þar sem ekki er mik­il hætta á mann­tjóni, efna­hags­leg­ar, sam­fé­lags­leg­ar og um­hverf­is­leg­ar af­leið­ing­ar tjóns á mann­virki eru við­un­andi“. Í um­fangs­flokki 2 eru mann­virki þar sem mið­að er við að fólk geti haft fasta bú­setu, án þess endi­lega að þekkja flótta­leið­ir – en geti þó bjarg­að sér sjálft út úr mann­virk­inu. Í þenn­an flokk falla m.a. eft­ir­far­andi mann­virki:

• Íbúð­ar­hús­næði
• Gisti­heim­ili
• At­vinnu­hús­næði
• Iðn­að­ar­hús­næði
• Bíla­stæða­hús

Sé mann­virki hærra en 8 hæð­ir og stærra en 10.000 fer­metr­ar flokk­ast það al­mennt í um­fangs­flokk 3.

Í um­fangs­flokk 3 falla „mann­virki þar sem gert ráð fyr­ir að mik­ill fjöldi fólks geti safn­ast sam­an eða að notk­un þeirra sé þannig að fólk geti ekki bjarg­að sér sjálft úr mann­virk­inu“.

Séu mann­virki ekki hærri en fjór­ar hæð­ir og ekki stærri en 2.000 fm er heim­ilt að fella þau und­ir um­fangs­flokk 2 ef flækj­u­stig hönn­un­ar­inn­ar er ekki því meira. Í um­fangs­flokk 3 falla eft­ir­tal­in mann­virki:

• Versl­un­ar­mið­stöðv­ar
• Skól­ar
• Íþrótta- og menn­ing­ar­mann­virki
• Stærri veit­ur og virkj­an­ir
• Lok­að­ar stofn­an­ir, s.s. sjúkra­hús, dval­ar- og hjúkr­un­ar­heim­ili, lög­reglu­stöðv­ar og fang­elsi.

Sótt er um leyf­is­skyld­ar fram­kvæmd­ir á sama eyðu­blað­inu inni á þjón­ustugátt Mos­fells­bæj­ar.

Bygg­ing­ar­full­trúi tek­ur af­stöðu til um­sókn­ar og met­ur hvort hún flokk­ast sem um­sókn um bygg­ing­ar­leyfi eða bygg­ing­ar­heim­ild.

Bygg­ing­ar­heimild – Um­fangs­flokkur 1

Bygg­ing­ar­heim­ild er nýtt hug­tak sem varð til við breyt­ingu á bygg­ing­ar­reglu­gerð 123/2010 í árs­lok 2021 (nr. 1321/2021).

Breyt­ing bygg­ing­ar­reglu­gerð­ar­inn­ar fólst fyrst og fremst í því að bygg­ing­ar­fram­kvæmd­um var skipt upp í 3 flokka eft­ir um­fangi þeirra, í þeim til­gangi að skýra stjórn­sýslu í mann­virkja­mál­um og gera um­sókn­ar­ferl­ið skil­virk­ara. Kröf­ur um hönn­un og bygg­ing­ar­eft­ir­lit eru þær sömu hvort sem um er að ræða bygg­ing­ar­heim­ild eða bygg­ing­ar­leyfi. Kröf­ur um yf­ir­ferð sérupp­drátta og skil á þeim áður en við­kom­andi verk­þátt­ur er unn­inn er þó rýmri á mál­um sem fá bygg­ing­ar­heim­ild, sérupp­drætt­ir þurfa að liggja fyr­ir áður en sótt er um ör­ygg­is- og loka­út­tekt. Á mál­um sem fá bygg­ing­ar­heim­ild er auk þess ekki skylda að skrá iðn­meist­ara verks­ins hjá bygg­ing­ar­full­trúa – en þó er skylda að bygg­ing­ar­stjóri verks­ins haldi utan um þær upp­lýs­ing­ar í sínu gæða­kerfi.

Um­sókn og veit­ing bygg­ing­ar­heim­ild­ar á við um þau mann­virki sem falla í um­fangs­flokk 1 skv. bygg­ing­ar­reglu­gerð. Í þess­um um­fangs­flokki eru „minni mann­virkja­gerð þar sem lít­il hætta er á mann­tjóni, efna­hags­leg­ar og sam­fé­lags­leg­ar af­leið­ing­ar mögu­legs tjóns á mann­virki eru litl­ar og um­hverf­isáhrif eru tak­mörk­uð“ – eins og seg­ir í grein 1.3.2 bygg­ing­ar­reglu­gerð­ar­inn­ar. Haft er til við­mið­un­ar að í þess­um um­fangs­flokki séu mann­virki þar sem ekki safn­ast sam­an mik­ill fjöldi fólks og fólk hef­ur ekki fasta bú­setu. Í um­fangs­flokk 1 falla t.d. eft­ir­tald­ar bygg­ing­ar­fram­kvæmd­ir:

• Geymslu­hús­næði
• Land­bún­að­ar­bygg­ing­ar
• Frí­stunda­hús (sum­ar­hús)
• Sælu­hús
• Stak­stæð­ir bíl­skúr­ar
• Gesta­hús
• Skál­ar og við­bygg­ing­ar við þeg­ar byggð mann­virki.
• Nið­urrif mann­virkja (að há­marki 4 hæð­ir og/eða minna en 2.000 fer­metr­ar)

Sótt er um á þjón­ustugátt Mos­fells­bæj­ar.

Ferli um­sókn­ar um bygg­ing­ar­leyfi eða bygg­ing­ar­heim­ild skipt­ist í tvo meg­in­þætti.

1. Sam­þykkt bygg­ingaráforma

Öll bygg­ing­ar­mál byrja þann­ig að um­sækj­andi ósk­ar eft­ir bygg­ing­ar­heim­ild / bygg­ing­ar­leyfi með því að sækja um í gegn­um ra­f­ræna þjón­ustugátt embætt­is­ins.

Mik­il­vægt er að sam­þykki allra eig­enda bygg­ing­ar­lóð­ar­inn­ar liggi fyr­ir eða séu skráð­ir um­sækj­end­ur um bygg­ing­ar­leyf­ið / bygg­ing­ar­heim­ild­ina.

Með um­sókn­inni þurfa að fylgja eft­ir­far­andi gögn:

• Til­kynn­ing um hönn­un­ar­stjóra mann­virk­is­ins ásamt stað­fest­ingu hans á verk­ið í gegn­um þjón­ustugátt. (Á að­eins við um­sókn um bygg­ing­ar­leyfi).
• Full­unn­ir að­al­upp­drætt­ir sem gerð­ir eru af lög­gild­um hönn­uði, s.s. arki­tekt, bygg­inga­fræð­ingi, tækni­fræð­ingi eða verk­fræð­ingi.
• Út­fyllt­ur gátlisti eða önn­ur stað­fest­ing hönnuð­ar á eig­in yf­ir­ferð að­al­upp­drátta.
• Skrán­ing­ar­tafla á að­al­upp­drætti og á ra­f­rænu formi (excel).

Ef um­sókn og fylgigögn eru full­nægj­andi fara starfs­menn bygg­ing­ar­full­trúa yfir þau, nið­ur­staða yf­ir­ferð­ar er send verk­kaupa og hönn­uði. Ef ekki er í gildi deili­skipu­lag á lóð vís­ar bygg­ing­ar­full­trúi því til um­sagn­ar skipu­lags­nefnd­ar.

Ef um­sókn er ekki í sam­ræmi við gild­andi skipu­lag er um­sókn hafn­að eða mál­ið sent áfram á skipu­lags­full­trúa.

Þeg­ar yf­ir­ferð um­sókn­ar og fylgi­gagna er lok­ið án at­huga­semda er mál­ið af­greitt á af­greiðslufundi bygg­ing­ar­full­trúa.

Eft­ir af­greiðsluf­und er um­sækj­andi upp­lýst­ur um nið­ur­stöð­una form­lega með birt­ingu af­greiðslu­bréfs.

Sam­þykkt bygg­ingaráform jafn­gild­ir ekki bygg­ing­ar­heim­ild / bygg­ing­ar­leyfi held­ur gef­ur að­eins til kynna að bygg­ingaráformin séu í sam­ræmi við ákvæði bygg­ing­ar­reglu­gerð­ar og skipu­lags­skil­mála og senda megi inn frek­ari gögn, s.s. sérupp­drætti og skrán­ing­ar fag­að­ila, til að fá bygg­ing­ar­heim­ild / bygg­ing­ar­leyfi út­gef­ið. Óheim­ilt er að hefja fram­kvæmd­ir áður en bygg­ing­ar­heim­ild / bygg­ing­ar­leyfi hef­ur ver­ið gef­ið út.

2. Út­gáfa bygg­ing­ar­leyf­is eða bygg­ing­ar­heim­ild­ar

For­send­ur fyr­ir út­gáfu bygg­ing­ar­leyf­is eða bygg­ing­ar­heim­ild­ar eru:

• Skil á full­nægj­andi teikn­ing­um, þ.e. að­al­upp­drátt­um af fyr­ir­hug­aðri fram­kvæmd
• Skil á skrán­ing­ar­t­öflu mann­virk­is­ins
• Skil á upp­lýs­ing­um um bygg­ing­ar­stjóra ásamt stað­fest­ingu starfs­ábyrgð­ar­trygg­ing­ar.
• Skil á upp­lýs­ing­um um iðn­meist­ara
• Bygg­ing­ar­leyf­is­gjöld hafa ver­ið greidd

Skil sérupp­drátta vegna bygg­ing­ar­leyf­is: Sérupp­drátt­um af burð­ar­virki, pípu­lögn­um og raf­lögn­um skal skilað til bygg­ing­ar­full­trúa áður en við­kom­andi verk­þátt­ur hefst.

Skil sérupp­drátta vegna bygg­ing­ar­heim­ild­ar: Sérupp­drátt­um af burð­ar­virki, pípu­lögn­um og raf­lögn­um skal skilað til bygg­ing­ar­full­trúa áður en óskað er eft­ir loka­út­tekt.

Minni­hátt­ar mann­virkja­gerð und­an­þeg­in bygg­ing­ar­heim­ild og -leyfi.
(2.3.5. gr. í bygg­ing­ar­reglu­gerð).

Eft­ir­far­andi minni­hátt­ar mann­virki og fram­kvæmd­ir eru und­an­þegn­ar bygg­ing­ar­leyfi. Þær eru einn­ig und­an­þegn­ar bygg­ing­ar­heim­ild og til­kynn­ing­ar­skyldu skv. 2.3.6. gr. enda séu þær í sam­ræmi við deili­skipu­lag og önn­ur ákvæði reglu­gerð­ar þess­ar­ar sem við eiga hverju sinni.

1. Allt við­hald inn­an­húss og utan, þ.m.t. end­ur­nýj­un léttra inn­veggja.
2. Upp­setn­ing mót­tökudiska, allt að 1,2 m að þver­máli, vegna mót­töku út­send­inga út­varps eða sjón­varps eða mót­töku­loft­nets.
3. Allt við­hald lóða, girð­inga, bíla­stæða og inn­keyrslna.
4. Gerð palla og ann­ar frá­gang­ur á eða við jarð­vegs­yf­ir­borð.
5. Skjól­vegg­ir og girð­ing­ar sem eru allt að 1,8 m að hæð og eru ekki nær lóð­ar­mörk­um en 1,8 m. Enn­frem­ur girð­ing­ar eða skjól­vegg­ir sem eru nær lóð­ar­mörk­um en 1,8 m og eru ekki hærri en sem nem­ur fjar­lægð­inni að lóð­ar­mörk­um. Einn­ig allt að 2,0 m lang­ir og 2,5 m háir skjól­vegg­ir sem eru áfast­ir við hús og í a.m.k. 1,8 m fjar­lægð frá lóð­ar­mörk­um. Lóð­ar­höf­um samliggj­andi lóða er heim­ilt án bygg­ing­ar­leyf­is að reisa girð­ing­ar eða skjól­veggi allt að 1,8 m að hæð á lóð­ar­mörk­um, enda leggi þeir fram hjá leyf­is­veit­anda und­ir­ritað sam­komulag þeirra um fram­kvæmd­ina. Mið­að skal við jarð­vegs­hæð lóð­ar sem hærri er ef hæð­armun­ur er á milli lóða á lóða­mörk­um.
6. Smá­hýsi sem er að há­marki 15 m² og mesta hæð þaks er 2,5 m mælt frá yf­ir­borði jarð­vegs. Sé smá­hýs­ið minna en 3,0 m frá aðliggj­andi lóð þarf sam­þykki eig­enda aðliggj­andi lóð­ar. Slík smá­hýsi eru ekki ætluð til gist­ing­ar eða bú­setu. Smá­hýsi úr létt­um bygg­ing­ar­efn­um til geymslu garð­áhalda o.þ.h. á lóð, inn­an eða utan bygg­ing­ar­reits, þeg­ar eft­ir­far­andi kröf­ur eru upp­fyllt­ar, enda sé slík bygg­ing ekki óheim­il.

Á vef Hús­næð­is- og mann­virkja­stofn­un er að finna frek­ari leið­bein­ing­ar um grein 2.3.5.

Sam­kvæmt lög­um nr. 26/1994 um fjöleign­ar­hús er eig­end­um fjöleign­ar­húsa skylt að láta gera eigna­skipta­yf­ir­lýs­ingu fyr­ir hús­ið, enda liggi ekki fyr­ir þing­lýst­ur full­nægj­andi og glögg­ur skipta­samn­ing­ur.

Frá 1. janú­ar 2001 verð­ur þing­lýs­ing eigna­yf­ir­færslu fyr­ir eign­ar­hluta í fjöleign­ar­húsi bund­in því skil­yrði að þing­lýst eigna­skipta­yf­ir­lýs­ing liggi fyr­ir og að eigna­yf­ir­færsl­an sé í sam­ræmi við hana.

Hvað er eigna­skipta­yf­ir­lýs­ing?

Eignaskiptayfirlýsing er lögboðinn skriflegur gjörningur eigenda fjöleignarhúss sem gerður er á grundvelli fyrirmæla fjöleignarhúsalaga og geymir lýsingu á húsinu og lóð þess og mælir fyrir um skiptingu þess í séreignir, sameign allra og sameign sumra og ákvarðar hlutdeild hvers eiganda í sameign og markar með því grundvöll að réttindum og skyldum eigenda innbyrðis og gagnvart einstökum hlutum húss og lóðar. Eignaskiptayfirlýsing er m.ö.o. skjal sem kveður á um skiptingu fjöleignarhúss í eignarhluta. Hverjum séreignarhluta er lýst og tilgreint hvað honum fylgir sérstaklega. Þá kemur fram hvaða hlutar húss séu í sameign og hvort sú sameign tilheyri öllum eigendum eða einungis sumum og þá hverjum. Þá er kveðið á um atriði eins og hlutfallstölur, kvaðir, réttindi til bílskúra, bílastæða og byggingar. Eignaskiptayfirlýsing er því aðalheimildin um skiptingu fjöleignarhúss í séreign og sameign og getur komið í veg fyrir margvíslegan ágreining milli eigenda.

Eignaskiptayfirlýsingu er þinglýst og á grundvelli hennar ganga eignarhlutar kaupum og sölum, eru veðsettir, kvaðabundnir, á þá lögð opinber gjöld, tilteknum kostnaði í húsinu skipt niður, vægi atkvæða metið á húsfundum í vissum tilvikum o.fl.

Hvað er fjöleign­ar­hús?

Fjöleignarhús eru þau hús sem skiptast í séreignir í eigu fleiri en eins aðila og í sameign sem getur bæði verið allra og sumra.

Hvæ­nær er ekki þörf á sér­stakri eigna­skipta­yf­ir­lýs­ingu?

Það er ekki þörf á að gera sérstaka eignaskiptayfirlýsingu þegar skipting húss og réttarstaða eigenda liggur ljós fyrir og engin nauðsyn, hvorki hvað eigendur né húsið snertir, kallar á að slík yfirlýsing sé gerð. Í þessu tilviki er eingöngu átt við einfaldari gerðir fjöleignarhúsa þar sem skipting húsa og lóða og sameignin og hlutdeild í henni liggur ljós fyrir, svo sem parhús, raðhús og önnur sambyggð og samtengd hús.

Hvers vegna er mik­il­vægt að hlut­fallstöl­ur séu rétt­ar?

Eignarhluti í sameign er reiknaður út eftir hlutfallstölu. Hlutfallstalan er því mikilvæg varðandi réttindi og skyldur eigenda. Ástæða þess að mikilvægt er að hlutfallstölur séu réttar er að hlutfallstalan segir til um eignarhlutdeild í sameign og hefur þýðingu m.a. við skiptingu sameiginlegs kostnaðar en meginreglan er sú að sameiginlegur kostnaður skiptist á milli eigenda eftir hlutfallstölum eignarhluta. Þá skiptast tekjur af sameign eftir hlutfallstölum.

Er til eigna­skipta­yf­ir­lýs­ing fyr­ir hús­ið þitt?

Upplýsingar um það fást hjá viðkomandi sýslumannsembætti. Ef eignaskiptayfirlýsing er ekki fyrir hendi eða hún er ófullnægjandi þarf að halda húsfund um málið og taka ákvörðun um að láta gera eignaskiptayfirlýsingu fyrir húsið.

Nauðsynlegt er að húsfélög í þeim fjöleignarhúsum sem enn hafa ekki látið gera eignaskiptayfirlýsingu eða þar sem eignaskiptasamningur er ófullnægjandi bregðist skjótt við og láti sem fyrst gera eignaskiptayfirlýsingu fyrir húsið svo koma megi í veg fyrir tafir og erfiðleika í fasteignaviðskiptum þegar fresturinn rennur út 1. janúar 2001.

Hvenær er eldri þing­lýst­ur skipta­samn­ing­ur full­nægj­andi?

Samkvæmt lögum nr. 26/1994 um fjöleignarhús skal gera eignaskiptayfirlýsingu um öll fjöleignarhús, enda liggi ekki fyrir þinglýstur fullnægjandi og glöggur skiptasamningur. Í mörgum húsum er til þinglýstur skiptasamningur sem gerður var fyrir árið 1995 en þá tóku gildi núgildandi lög um fjöleignarhús. Eigendur slíkra húsa þurfa ekki að gera nýja eignaskiptayfirlýsingu ef fyrir hendi er þinglýstur skiptagerningur sem tilgreinir a.m.k. séreignir og hlutfallstölur þeirra í sameign og ekki fer augljóslega í bága við ófrávíkjanleg ákvæði fjöleignarhúsalaganna og eigendur vilja áfram hafa til grundvallar í skiptum sínum. Hins vegar getur eigandi sem telur eldri skiptagerning rangan eða ófullnægjandi krafist þess að gerð verði ný eignaskiptayfirlýsing í samræmi við núgildandi reglur.

Ef eldri þinglýstur skiptasamningur er til er eigendum bent á að fara yfir hann og kanna hvort hann sé í samræmi við núverandi eignaskipan í húsinu.

Hverj­ir gera eigna­skipta­yf­ir­lýs­ing­ar?

Þeir einir mega gera eignaskiptayfirlýsingar sem lokið hafa prófi í gerð eignaskiptayfirlýsinga og fengið til þess sérstakt leyfi félagsmálaráðuneytis. Eftir að eignaskiptayfirlýsing hefur verð gerð þurfa eigendur að undirrita hana, byggingarfulltrúi þarf að staðfesta hana og að lokum er henni þinglýst.

Kostnaður við gerð eignaskiptayfirlýsinga greiðist eftir hlutfallstölum eignarhluta.

Sótt er um á þjón­ustugátt Mos­fells­bæj­ar.

Greitt er hjá þjón­ustu­veri Mos­fells­bæj­ar, sími 525-6700 og tölvu­póst­ur mos[hja]mos.is.

Gist­i­rými heimag­ist­ing­ar þarf að upp­fylla öll við­eig­andi ákvæði bygg­ing­ar­reglu­gerð­ar. Gist­i­rými get­ur ver­ið íbúð­ar­her­bergi, íbúð­ar­hús­næði eða frí­stunda­hús sem sam­þykkt er af bygg­ing­ar­yf­ir­völd­um.

Sam­band ís­lenskra sveit­ar­fé­laga hef­ur tek­ið sam­an svör við al­geng­ustu spurn­ing­um varð­andi heimag­ist­ingu.

Teikn­ing­ar húsa, upp­lýs­ing­ar um göt­ur, stíga, lóða­mörk, veit­ur o.fl. er að finna á korta­vef Mos­fells­bæj­ar.

Að­al­upp­drátt­um þarf að skila inn í tvír­iti og und­ir­rit­að af hönn­uð­um.

Mæli­kvarði alltaf 1:100 nema af­stöðu­mynd 1:500.

Sérupp­drætti arki­tekts þarf að skila inn í tvír­iti og und­ir­rit­að af hönn­uð­um.

A: Mæli­kvarði er yf­ir­leitt 1:50. Ít­ar­legri mál sýnd á teikn­ing­um. Und­ir­rit­að af hönn­uði.

B: Burð­ar­virki, lagn­ir (raf-, neyslu­vatns-, frá­rennsl­is- og hita­lagn­ir), sér­teikn­ing­ar (glugg­ar og hurð­ir, deili o.fl.) Mæli­kvarði mis­jafn. Und­ir­rit­að af hönn­uði og að­al­hönn­uði (arki­tekt).

Þeg­ar mann­virki er tek­ið í notk­un áður en því er að fullu lok­ið skal óska eft­ir ör­ygg­is­út­tekt. Ör­ygg­is­út­tekt snýst um að gera út­tekt á ör­yggi hús­næð­is­ins í sam­ræmi við ákvæði skoð­un­ar­hand­bók­ar og skoð­un­arlista varð­andi eld­varn­ir og holl­ustu­hætti.

Óheim­ilt er að flytja inn í mann­virki eða taka það í notk­un nema ör­ygg­is­út­tekt hafi far­ið fram og leyf­is­veit­andi bygg­ing­ar­leyf­is hafi gef­ið út vott­orð um ör­ygg­is­út­tekt.

Eig­andi mann­virk­is­ins, eða bygg­ing­ar­stjóri fyr­ir hönd eig­anda, skal óska eft­ir ör­ygg­is­út­tekt áður en það er tek­ið í notk­un. Hafi bygg­ing­ar­stjóri van­rækt að óska eft­ir ör­ygg­is­út­tekt áður en mann­virki er tek­ið í notk­un skal leyf­is­veit­andi boða til slíkr­ar út­tekt­ar þeg­ar hon­um er kunn­ugt um að notk­un sé haf­in. Skal leyf­is­veit­andi til­kynna van­ræksl­una til Hús­næð­is- og mann­virkja­stofn­un­ar og get­ur slík van­ræksla leitt til áminn­ing­ar eða í versta falli leitt til svipt­ing­ar starfs­leyf­is eða lög­gild­ing­ar eft­ir því sem við á.

Upp­lýs­ing­ar um hvaða gögn þurfi að fylgja með beiðni um ör­ygg­is­út­tekt má finna í grein 3.8.2 í bygg­ing­ar­reglu­gerð.

Loka­út­tekt á mann­virki skal fara fram eigi síð­ar en þrem­ur árum eft­ir að ör­ygg­is­út­tekt hef­ur far­ið fram. Heim­ilt er að ör­ygg­is- og loka­út­tekt fari fram sam­tím­is.

Sótt er um bygg­ing­ar­leyfi/bygg­ing­ar­heim­ild á þjón­ustugátt Mos­fells­bæj­ar. Þú skrá­ir þig inn með ra­f­ræn­um skil­ríkj­um eða Ís­lykli.

Hægt er að finna um­sókn­irn­ar und­ir flip­an­um Um­sókn­ir og velja um­sókn eft­ir því sem við á:

• 09 Bygg­ing­ar­mál – Um­sókn um bygg­ingaráform og bygg­ing­ar­leyfi
• 10 Bygg­ing­ar­mál – Um­sækj­andi (eig­andi)
• 11 Bygg­ing­ar­mál – Hönn­uð­ur

Hér er valin um­sókn eig­anda (eig­andi – ein­stak­ling­ur/fyr­ir­tæki). Þeg­ar smellt er á hlekk­inn opn­ast um­sókn­in á næstu síðu.

All­ir reit­ir þurfa að vera fyllt­ir út. Stjörnu­merkta reiti er skylt að fylla út.

Upp­lýs­ing­ar um um­sækj­anda fyll­ast sjálf­krafa út en sé ver­ið að sækja um fyr­ir þriðja að­ila er hakað við í eft­ir­far­andi reit, Já = ver­ið er að sækja um fyr­ir þriðja að­ila (fyr­ir­tæki eða ein­stak­ling).

Þá hverfa upp­lýs­ing­arn­ar um um­sækj­and­ann og hægt að setja inn nafn, kenni­tölu og að­r­ar upp­lýs­ing­ar um þriðja að­il­ann.

Séu um­sækj­end­ur fleiri er smellt á hnapp­inn Bæta við um­sækj­anda og upp­lýs­ing­ar sett­ar inn um þann/þá að­ila.

Næst er nafn hönn­un­ar­stjóra sleg­ið inn. At­hug­ið að ekki er hægt að slá inn nafn nema það sé á lista Hús­næð­is- og mann­virkja­stofn­un­ar (HMS) yfir hönn­un­ar­stjóra.

Upp­lýs­ing­ar um hús­eign/lóð sem um er að ræða eru fyllt­ar út í næsta lið. At­hug­ið að heiti og núm­er lóð­ar verð­ur að vera eins og á vef Þjóð­skrár.

Þeg­ar heiti og núm­er hef­ur ver­ið rétt fyllt út fyll­ist sjálf­krafa í hina þrjá reit­ina.

Sé búið að velja bygg­ing­ar­stjóra eru eft­ir­far­andi reit­ir fyllt­ir út.

Bygg­ing­ar­stjóri fær tölvu­póst þess efn­is að hann hafi ver­ið til­nefnd­ur bygg­ing­ar­stjóri yfir þessu til­tekna verki og get­ur hann þá skráð sig inn í þjón­ustugátt­ina, sam­þykkt sig og til­nefnt iðn­meist­ara.

Hafi bygg­ing­ar­stjóri ekki ver­ið val­inn má bæta hon­um við síð­ar með því að fara aft­ur inn í þjón­ustugátt­ina og til­nefna hann.*

Í næsta skrefi er teg­und bygg­ing­ar, fram­kvæmd­ar og bygg­ing­ar­efn­is valin út frá felli­lista.

Setj­ið inn stutta lýs­ingu á fram­kvæmd­inni:

Hægt er að gefa upp að­r­ar upp­lýs­ing­ar óski um­sækj­andi þess.

Mik­il­vægt er að senda inn þau gögn sem þurfa að fylgja s.s. sam­þykki með­eig­anda o.fl.

Mun­ið að haka við stað­fest­ingu um­sókn­ar.

Bygg­ing­ar­stjóri val­inn á verk

Hafi bygg­ing­ar­stjóri ekki ver­ið val­inn þarf að skrá sig á þjón­ustugátt­ina með ra­f­ræn­um skil­ríkj­um eða Ís­lykli. Smella á flip­ann Um­sókn­ir og velja um­sókn eft­ir því hvort eig­andi eða hönn­uð­ur hef­ur sótt um:

Um­sækj­andi – eig­andi

• 10 Bygg­ing­ar­mál – Um­sækj­andi (eig­andi)
• Smella á hlekk­inn: Um­sækj­andi (eig­andi – ein­stak­ling­ur/fyr­ir­tæki) – til­kynn­ing um ráðn­ingu hönn­un­ar­stjóra og/eða bygg­ing­ar­stjóra

Um­sækj­andi – hönn­uð­ur

• 11 Bygg­ing­ar­mál – Hönn­uð­ur
• Smella á hlekk­inn: Hönn­uð­ur – til­nefn­ir bygg­ing­ar­stjóra á verk

Fara þarf inn á þjón­ustugátt Mos­fells­bæj­ar og skrá sig inn með ra­f­ræn­um skil­ríkj­um.

Þeg­ar búið er að skrá sig inn á að smella á flip­ann Um­sókn­ir.

Smelltu á hlekk­inn: 12 Bygg­ing­ar­mál – Bygg­ing­ar­stjóri

Veldu um­sókn­ina: Bygg­ing­ar­stjóri – ein­stak­ling­ur stað­fest­ir sig og til­nefn­ir iðn­meist­ara á verk

Fylltu um­sókn­ina út.

At­hug­ið að und­ir Hús­eign/lóð þarf að velja rétt verk með því að smella á ör­ina lengst til hægri og velja verk­ið úr felli­list­an­um.

Haka við: Ég stað­festi hér með að all­ar upp­lýs­ing­ar sem ég veiti vegna of­an­greinds eru gefn­ar eft­ir bestu vit­un.

Smella á hnapp­inn: Senda um­sókn

Þá fer skjalið inn í skjala­kerfi Mos­fells­bæj­ar þar sem það er vist­að á rétt­um stað. Við það upp­færist skrán­ing bygg­ing­ar­stjór­ans í kerf­um Mos­fells­bæj­ar, HMS og hjá bygg­ing­ar­stjór­an­um.

Fara þarf inn á þjón­ustugátt Mos­fells­bæj­ar og skrá sig inn með ra­f­ræn­um skil­ríkj­um.

Þeg­ar búið er að skrá sig inn á að smella á flip­ann Um­sókn­ir.

Smelltu á hlekk­inn: 13 Bygg­ing­ar­mál – Iðn­meist­ari

Veldu um­sókn­ina: Iðn­meist­ari – til­kynn­ir sam­þykki sitt fyr­ir ráðn­ingu á verk

Fylltu um­sókn­ina út.

At­hug­ið að und­ir Hús­eign/lóð þarf að velja rétt verk með því að smella á ör­ina lengst til hægri og velja verk­ið úr felli­list­an­um.

Haka við: Stað­festi að all­ar veitt­ar upp­lýs­ing­ar eru rétt­ar.

Smella á hnapp­inn: Senda um­sókn

Þá fer skjalið inn í skjala­kerfi Mos­fells­bæj­ar þar sem það er vist­að á rétt­um stað. Við það upp­færist skrán­ing iðn­meist­ar­ans bæði í kerf­um Mos­fells­bæj­ar og hjá bygg­ing­ar­stjóra.