Helga­fells­skóli - Leik­skóla­deild

Dag­legt starf markast af föst­um at­höfn­um sem miða að því að sinna lík­am­leg­um og and­leg­um þörf­um barn­anna. Leik­ur­inn er aðal náms- og þroska­leið leik­skóla­barna og við leggj­um áherslu á að gefa hon­um tíma og rými í dags­skipu­lag­inu. Lögð er áhersla á hlýju, ör­yggi, til­lits­semi og virð­ingu í sam­skipt­um barna á milli og á milli starfs­fólks og barna.

Í Helga­fells­skóla er lögð áhersla á að hafa skipu­lag þann­ig að það ýti und­ir sjálf­stæði og frelsi barna. Við vilj­um biðja ykk­ur um að senda börn­in í skól­ann í þægi­leg­um föt­um sem þola óhrein­indi þar sem skól­inn er vinnu­stað­ur barn­anna og við­kvæm­ur fatn­að­ur get­ur skemmst.

Sam­veru­stund­ir eru dag­lega. Þar fer fram málörvun, spjall, söng­ur, lest­ur, leik­ir o.fl.

Við leggj­um mikla áherslu á lest­ur og les­um dag­lega fyr­ir börn­in. Við hvetj­um for­eldra jafn­framt til að lesa fyr­ir börn­in dag­lega heima.

Í hópa­tím­um vinna börn­in að skipu­lögð­um verk­efn­um í ald­urs­skipt­um hóp­um.

Jóga og at­hygl­is­þjálf­un – öll­um börn­um er boð­ið upp á jóga­tíma í hverri viku.

Úti­vera er dag­lega. Börn­in þurfa að vera til­bú­in til að fara út í hvaða veðri sem er, í klæðn­aði sem hæf­ir veðri á hverj­um tíma.

Söng­ur er dag­lega og sam­eig­in­leg söngst­und er viku­lega. Þá safn­ast deild­irn­ar sam­an og syngja m.a. óska­lög frá öll­um ald­urs­hóp­um. Í söng­stund­inni er einn­ig sung­ið fyr­ir af­mæl­is­börn vik­unn­ar.

Aþena Kara­ol­ani
at­hena.kara­ol­ani@mos­mennt.is

Eva Rún Þor­steins­dótt­ir
eva.run.thor­steins­dott­ir@mos­mennt.is

Guð­björg Þor­geirs­dótt­ir
gudbjorg.thor­geirs­dott­ir@mos­mennt.is

Hafrún Erla Jó­hanns­dótt­ir
hafrun.erla.johanns­dott­ir@mos­mennt.is

Karl Alex Árna­son
karl.alex.arna­son@mos­mennt.is

Linda Þor­leifs­dótt­ir
linda.thor­leifs­dott­ir@mos­mennt.is

Sara Lind Krist­björns­dótt­ir
sara.lind.krist­bjorns­dott­ir@mos­mennt.is

Hólm­fríð­ur Björns­dótt­ir
hol­m­fridur.bjorns­dott­ir@mos­mennt.is

Af­mæl­is­barn­ið er með ís­lenska fán­ann á borð­inu hjá sér í mat­máls­tím­um og skreyt­ir af­mæliskór­ónu sem það fær með sér heim. Eldri börn­in segja eitt­hvað fal­legt við af­mæl­is­barn­ið og af­mæl­is­barn­ið fær skjal heim með fal­leg­um um­mæl­um frá vin­um sín­um.

Ein­ung­is er leyfi­legt að dreifa af­mæl­is­boð­skort­um í skól­an­um ef bjóða á öll­um börn­um á deild barns­ins eða öll­um stúlk­un­um/drengj­un­um.

Að­lög­un er alltaf ein­stak­lings­bund­in og skipu­lögð í sam­starfi for­eldra og teym­is­stjóra. Skól­inn legg­ur ákveðn­ar lín­ur til grund­vall­ar en for­eldr­ar þurfa að ætla sér u.þ.b. eina viku í að­lög­un yngri barna. Ágætt er að gera ráð fyr­ir að heildarað­lög­un barns­ins geti tek­ið nokkr­ar vik­ur eða þar til barn­ið er orð­ið ör­uggt í skól­an­um. Börn sem eru vön að vera í vist­un yfir dag­inn eru oft­ast fyrr að að­lag­ast en þau sem eru óvön, þó að það sé ein­stak­lings­bund­ið.

Áætlan­ir til við­mið­un­ar í að­lög­un barna

Að­lög­un 2ja-3ja ára barna:

• Dag­ur 1: Barn­ið kem­ur í fyrstu heim­sókn með for­eldr­um í eina klukku­st­und, kl. 9-10.
• Dag­ur 2: Barn­ið kem­ur í 2 klst, kl. 8:30-10:30.
• Dag­ur 3: Barn­ið kem­ur á um­sömd­um vist­un­ar­tíma og dvel­ur 3-4 klst. Borð­ar há­deg­is­mat í skól­an­um. For­eldri skrepp­ur frá stutta stund og fær kynn­ingu á skól­an­um.
• Dag­ur 4: Barn­ið kem­ur á sín­um tíma og dvel­ur 3-4 klst. Barn­ið borð­ar há­deg­is­mat í skól­an­um og fer í hvíld. For­eldri skrepp­ur frá í 2-3 klst og fær fund með teym­is­stjóra. Barn­ið sótt eft­ir hvíld.
• Dag­ur 5: Styttri dag­ur þar sem skipu­lag velt­ur því á hvern­ig fyrstu dag­arn­ir hafa geng­ið, sum börn þurfa lengri að­lög­un á með­an önn­ur börn eru til­bú­in. Áfram­hald­ið er met­ið í sam­ráði við teym­is­stjóra. Gott er að sækja barn­ið fyrr, fyrstu daga þess í skól­an­um.

Að­lög­un 4-5 ára barna:

• Dag­ur 1: Barn­ið kem­ur í fyrstu heim­sókn með for­eldr­um í eina klukku­st­und, kl 9-10.
• Dag­ur 2: Barn­ið er í skól­an­um frá kl. 9-11:30, fram að há­deg­is­mat. For­eldr­ar fá kynn­ingu á skól­an­um og skreppa frá.
• Dag­ur 3: Barn­ið kem­ur á um­sömd­um vist­un­ar­tíma og dvel­ur fram yfir há­degi.
• Dag­ur 4: Styttri dag­ur þar sem for­eldr­ar fylgja barn­inu í byrj­un og lok dags.

Eft­ir að­lög­un

Fram­hald­ið velt­ur á því hvern­ig fyrstu dag­arn­ir hafa geng­ið, sum börn þurfa lengri að­lög­un á með­an önn­ur börn eru til­bú­in. Gott er að sækja barn­ið fyrr, fyrstu daga þess í skól­an­um. For­eldr­ar fá sam­tal við teym­is­stjóra.

Með að­lög­un­inni er lagð­ur horn­steinn að góðu sam­starfi for­eldra og starfs­fólks skól­ans. Það er mik­il­vægt að góð sam­vinna tak­ist strax í byrj­un og að gagn­kvæm­ur trún­að­ur, traust og sam­vinna ríki, sem er for­senda þess að barn­inu líði vel. Ef breyt­ing­ar verða á að­stæð­um eða líð­an barns heima eða í skól­an­um er mik­il­vægt að koma skila­boð­um á milli því oft geta lít­il at­vik í lífi barns vald­ið breyt­ing­um á hegð­un þess. Börn­um geng­ur al­mennt bet­ur ef sam­vinna skóla og for­eldra er góð og hegð­un­ar­vanda­mál gera síð­ur vart við sig.

At­hug­ið að allt starfs­fólk skól­ans er bund­ið þagn­ar­skyldu og þær upp­lýs­ing­ar sem starfs­menn fá um börn eru trún­að­ar­mál. Þagn­ar­skylda helst þó lát­ið sé af starfi.

Skól­inn út­veg­ar bleyj­ur og blaut­bréf gegn gjaldi sem leggst ofan á dval­ar­gjöld­in mán­að­ar­lega.

Velja þarf föt eft­ir árs­tíma og veð­ur­fari.

Úti­föt:

• húfu og/eða lambhús­hettu
• tvö pör af vett­ling­um – lopa­vett­ling­ar og polla­vell­ing­ar eru best­ir fyr­ir kald­ar hend­ur
• ull­ar­sokka
• flís- eða ullarpeysu
• hlýj­ar bux­ur
• kuldagalla
• pollagalla
• kulda­skó
• stíg­vél
• striga­skó eða aðra létta skó þeg­ar hlýna fer í veðri
• inniskó

Auka­föt (sem má geyma í auka fata­körfu í fata­klefa):

• nær­bol
• nær­bux­ur
• sokka­bux­ur eða gammosí­ur
• peysu
• bux­ur
• sokka

Mik­il­vægt er að fara reglu­lega í yfir auka föt til að vera viss um að föt­in passi á barn­ið þeg­ar á þarf að halda.

Við ósk­um eft­ir að fatn­að­ur barn­anna fari heim dag hvern af m.a. hrein­læt­is­ástæð­um.

Nauð­syn­legt er að merkja all­an fatn­að.

Þeg­ar barn hef­ur skóla­göngu sína í Helga­fells­skóla eru for­eldr­ar boð­að­ir í við­tal hjá teym­is­stjóra á að­lög­un­ar­tím­an­um en for­eldra­við­töl eru auk þess að hausti og ann­að að vori.

For­eldr­ar geta auk þess óskað eft­ir við­tali/sím­tali hvenær sem þörf er á og skól­inn get­ur einn­ig óskað eft­ir að fá for­eldra á sinn fund ef ástæða þyk­ir til.

Ef kveðju­stund­ir verða of lang­ar get­ur það skap­að óör­yggi hjá barn­inu sem veit ekki ná­kvæm­lega hvort mamma eða pabbi ætla að fara eða ekki. Vegna þessa hvetj­um við for­eldra til að hafa kveðju­stund­ir stutt­ar, ör­ugg­ar en full­ar af trausti. Mun­um að kveðju­stund­in leng­ir ekki já­kvæða sam­veru fjöl­skyld­unn­ar held­ur leng­ir á skiln­að­ar­stund sem get­ur ver­ið barn­inu erf­ið. For­eldr­um er þó að sjálf­sögðu vel­kom­ið að spjalla við starfs­fólk þeg­ar tæki­færi gefst.

Öll leik­föng og hlut­ir að heim­an eiga að vera heima. Ef barn kem­ur með hlut að heim­an skap­ar það bæði óþæg­indi og truflun fyr­ir börn og kenn­ara. Gott er að barn­ið venj­ist því strax í byrj­un að leik­föng og hlut­ir eigi að vera heima en börn­um er þó alltaf vel­kom­ið að taka bók með í skól­ann.

Mik­il­vægt er að barn sé klætt í sam­ræmi við veð­ur­far og að það hafi við­eig­andi aukafatn­að með­ferð­is.

Dæmi nauð­syn­leg­an fatn­að:

• Nær­föt, sokk­ar, bol­ur, peysa og bux­ur
• Regn­föt og stíg­vél
• Húfa, vett­ling­ar, ull­ar­sokk­ar

Börn sem sofa í skól­an­um hafa með kodda að heim­an, snuð og bangsa ef þau eru vön að sofa með snuð eða bangsa.

Á mánu­dög­um er gott að koma með fatn­að fyr­ir vik­una, taka tösk­una með heim og koma með á föstu­degi til að tæma fata­hólf á föstu­dög­um.

Æski­legt er að for­eldr­ar komi með fjöl­nota poka til að taka heim blaut og/eða skít­ug föt þar sem við bjóð­um ekki upp á plast­poka und­ir slíkt.

Lyf eru ekki gef­in í skól­an­um nema í neyð­ar­til­fell­um. Vin­sam­lega reyn­ið að stýra lyfja­gjöf þann­ig að hún fari fram heima.

Ef barn er með fæðu­of­næmi eða óþol þarf að skila inn vott­orði frá lækni.

Leik­skóla­deild Helga­fells­skóla er lok­uð í 20 virka daga í júlí. Öll börn þurfa að taka sam­fellt sum­ar­leyfi í fjór­ar vik­ur eða í a.m.k. 20 virka daga, á or­lofs­tíma­bil­inu 15. maí – 31. ág­úst. Skila þarf sum­ar­leyf­isósk­um fyr­ir 15. mars ár hvert til skól­ans vegna skipu­lagn­ing­ar sum­ar­leyfa.

Svefn og hvíld er barni nauð­syn­leg, ekki síst á fyrstu árum æv­inn­ar þeg­ar vöxt­ur og þroski er sem mest­ur. Þreytt barn á erfitt með að takast á við dag­inn í skól­an­um. Hvíld­ar­tími er eft­ir há­deg­is­mat­inn þar sem all­ir eiga ró­lega stund sam­an, ým­ist sof­andi eða vak­andi. Börn sem sofa í skól­an­um, fá að sofa í það minnsta til kl. 13. Börn sem sofa koma með kodda að heim­ana og ann­að sem þau eru vön s.s. snuð eða bangsa.

Veik­indi ber að til­kynna í skól­ann og gott er að miða við að börn séu hita­laus heima í einn til tvo daga eft­ir veik­indi. Al­gengt er að börn sem ekki hafa áður ver­ið í dag­vist­un fái fjöl­marg­ar pest­ir fyrstu mán­uði eft­ir að þau hefja skóla­göngu. Nauð­syn­legt er að barn­ið jafni sig vel af veik­ind­um sín­um heima og mæti aft­ur frískt í skól­ann svo það geti tek­ið þátt í allri dag­legri starf­semi, jafnt úti sem inni.

Slys og óhöpp geta alltaf átt sér stað. Ef slíkt kem­ur fyr­ir höf­um við strax sam­band við for­eldra svo að unnt sé að fara með barn­ið til lækn­is ef þörf kref­ur.