Umhverfisviðurkenningar Mosfellsbæjar fyrir árið 2022 voru afhentar við hátíðlega athöfn í Hlégarði.
Umhverfisnefnd veitti í ár fjórar viðurkenningar auk þess sem tré ársins var valið.
Súluhöfði 31
Anna M. Höskuldsdóttir og Gunnar Kristjánsson fá viðurkenningu fyrir fallegan og fjölskrúðugan garð að Súluhöfða 31.
Dalatangi 6
Ragnheiður Þ. Waage og Valgeir Jónasson fá viðurkenningu fyrir fallegan garð að Dalatanga 6 þar sem hugað er að smáatriðum.
Reykjadalur 2
Bára Sigurðardóttur og Guðlaug Sigurðardóttir fá viðurkenningu fyrir fallegan og rótgróinn garð að Reykjadal 2.
KFC
Veitingastaður KFC í Mosfellsbæ fær viðurkenningu fyrir sérlega fallega aðkomu og snyrtilega umhirðu lóðar.
Tré ársins 2022
Alaskaösp – Reykjabyggð 30
Alaskaösp (Populus trichocarpa) á ættir sínar að rekja til Alaska og með vesturströnd Norður – Ameríku. Öspin er náskyld víðitegundum sem eru ræktaðar víða á Íslandi. Alaskaöspin getur orðið mjög há planta en á Íslandi er hæsta plantan um 20 m. há. Öspin er einstaklega harðgert og hraðvaxta tré sem veitir mörgum Íslendingum gott skjól.
Öspin sem stendur við Reykjabyggð 30 er tignarleg með stóra fallega og heilbrigða krónu. Öspin gefur umhverfinu hlýlega ásýnd og vekur athygli þegar keyrt er inn Reykjabyggðina.
