Mosfellsbær hefur fengið verkfræðistofuna Vatnaskil til að annast vatnafarsrannsókn í Mosfellsdal.
Í tengslum við rannsóknina er nauðsynlegt að bora rannsóknarholur á Mosfellsheiði og efst í Mosfellsdal, til mælinga á grunnvatnshæð. Boraðar verða alls 5 holur eins og sýnt er á teikningu sem fylgir þessari frétt.
Holurnar verða 5“ víðar og áætlað meðaldýpi þeirra um 60 m.
Fyrirtækið Vatnsborun ehf. mun annast boranir en eftirlit með borun verður í höndum Mannvits, verkfræðistofu.
Borað verður með þrýstilofti og mun svarf úr holu safnast við hlið hverrar holu og nokkurt magn grunnvatns koma upp með svarfi við lok borunar á hverjum stað. Vatn sem kemur upp við borun mun leita aftur til grunnvatns.
Að lokinni borun verður landið jafnað og frágengið og fært sem næst upprunalegu horfi svo sjónræn áhrif af borun verði hverfandi lítil til framtíðar litið.
Áætlað er að verkið taki um tvær vikur.
Tengt efni
Samningur um innréttingar íþróttahúss Helgafellsskóla undirritaður
Samningur um innri frágang og innréttingar við íþróttahús sem tilheyrir Helgafellsskóla hefur verið undirritaður við fyrirtækið Land og verk ehf.
Lokun á hluta Þverholts 24. apríl 2024
Lokun á Vefarastræti vegna framkvæmda 23. apríl 2024