Umhverfissvið Mosfellsbæjar óskar eftir tilboðum í verkið: Helgafellskóli – Íþróttahús – Innri frágangur.
Verkið felur í sér innri frágang íþróttahúss Helgafellskóla við Gerplustræti. Íþróttahúsið er nýbygging sem búið er að steypa upp og ljúka ytri frágangi. Verktaki tekur við rýmum sem tilheyra íþróttahúsi ókláruðum að innan og lýkur við allan innri frágang svo íþróttakennsla geti hafist. Smávægilegur ytri frágangur í kringum loftræsistokka og handrið er jafnframt innifalin í útboðinu. Byggingin er alls um 1.000 m2 sem skiptist í 600 m2 íþróttasal og 250 m2 búningsklefasvæði og þrjú rými aðliggjandi íþróttasal sem alls eru 150 m2.
Verkið er í tveimur aðskildum áföngum og gert ráð fyrir að fyrri áfangi sé kláraður og tekinn í notkun og svo hefjist vinna við seinni áfanga.
1. áfangi: Íþróttasalur og 3 aðliggjandi rými íþróttasals, loftræsisamstæða, ásamt aðkomuleið í sal. Verklok 1.11.2024.
2. áfangi: Búningsklefar. Verklok 1.08.2025.
Helstu magntölur eru:
- Dúkgólf ásamt festingum vegna búnaðar: 600 m2
- Neysluvatnslagnir, hitalagnir og vatnsúðalagnir: 1000 m
- Hreinlætisbúnaður: 50 stk
- Loftræsting blikk: 1000 kg
- Rafstrengir og tölvustrengir: 6700 m
- Ílögn: 600 m2
- Múrhúðun: 600 m2
- Málun: 1500 m2
- Veggir, klæðningar og hljóðísogsplötur: 700 m2
Útboðsgögn verða afhent rafrænt á útboðsvefnum vso.ajoursystem.net frá og með föstudeginum 23. febrúar 2024.
Tilboðum ásamt umbeðnum fylgigögnum skal skila rafrænt gegnum útboðsvefinn eigi síðar en fimmtudaginn 14. mars 2024 kl. 14:00.
Ekki verður haldinn opnunarfundur en niðurstöður verða sendar bjóðendum og birtar á mos.is að opnun lokinni.
