Nýlega lauk vinnu við tvo nýja leikvelli í Helgafellshverfi og eru þeir staðsettir við Liljugötu og enda Snæfríðargötu.
Leikvellirnir sem eru þökulagðir eru báðir við opin svæði og afmarkaðir með göngustígum auk þess sem áhersla hefur verið lögð á gott aðgengi að þeim.
Við Liljugötu er rennibraut, klifurgrind úr tré auk leiktækis sem gert er fyrir leik með sandi. Leikvöllurinn við Snæfríðargötu hjá svokölluðum Sauðhól er einnig með klifurgrind úr tré ásamt rólu. Á báðum leikvöllum má finna bekki og borð til afþreyingar og verða svæðin gerð enn fallegri næsta vor með því að setja niður tré.
