Mosfellsbær auglýsir laus til umsóknar sumarstörf, sumarátaksstörf og störf í vinnuskóla fyrir sumarið 2012.
- Umsóknarfrestur er til 28. mars 2012
- Sótt er um störfin í gegnum þjónustugátt Mosfellsbæjar
- Þau ganga fyrir um sumarstörf sem eiga lögheimili í Mosfellsbæ
Sumarstörf
Eingöngu fyrir 18 ára og eldri.
- Yfirlokksstjóri í Vinnuskóla Mosfellsbæjar (lágmarksaldur 23 ára á árinu)
- Umsjónarmaður sumarstarfs fatlaðra barna og ungmenna (lágmarksaldur 23 ára á árinu)
- Flokksstjóri í Vinnuskóla Mosfellsbæjar (lágmarksaldur 20 ára á árinu)
- Flokksstjóri í garðyrkjudeild (lágmarksaldur 20 ára árinu)
- Sundlaugavörður í íþróttamiðstöð (lágmarksaldur 20 ára á árinu)
- Verkefnastjórn menningar- og tómstundaviðburða í Mosfellsbæ (lágmarksaldur 20 ára á árinu)
- Aðstoð vegna ráðninga sumarstarfsmanna (lágmarksaldur 20 ára á árinu)
- Aðstoð við launavinnslu sumarstarfsfólks (lágmarksaldur 20 ára á árinu)
- Skönnun gagna og almenn aðstoð á Bæjarskrifstofu Mosfellsbæjar (lágmarksaldur 18 ára á árinu)
- Aðstoð við fötluð börn og ungmenni (lágmarksaldur 18 ára á árinu)
- Aðstoðarflokksstjóri í garðyrkjudeild (lágmarksaldur 18 ára á árinu)
- Starf í íþrótta- og tómstundaskóla Mosfellsbæjar (lágmarksaldur 18 ára á árinu)
- Starf í áhaldahúsi (lágmarksaldur 18 ára á árinu)
Sumarátaksstörf
20 tímar í heild – eingöngu 17 ára á árinu til 20 ára á árinu.
- Starf í leikskóla
- Aðstoðarflokksstjóri í Vinnuskóla
- Baðvarsla og afgreiðsla í íþróttamiðstöð
- Garðyrkjustörf
- Golfvöllurinn Bakkakot
- Golfklúbburinn Kjölur
- Hestamannafélagið Hörður
- Knattspyrnuskóli Aftureldingar
- Tungubakkar
- Rauði krossinn
- Skátafélagið Mosverjar
- Skógræktarfélag Mosfellsbæjar
Nánari upplýsingar um störfin er að finna á mos.is en einnig er hægt að hringja í þjónustuver Mosfellsbæjar í síma 525-6700 milli kl. 08:00 og 16:00.
Launakjör eru samkvæmt kjarasamningi Starfsmannafélags Mosfellsbæjar og Sambands íslenskra sveitarfélaga.
Vakin er athygli á því að umsóknarfrestur er til og með 28. mars 2012.
Öllum umsóknum verður svarað fyrir 20. apríl 2012.
Vinnuskóli Mosfellsbæjar
Opnað hefur verið fyrir umsóknir um Vinnuskólann fyrir sumarið 2012. Foreldrar eða forráðamenn þurfa að sækja um Vinnuskólann í gegnum íbúagátt. Þar er hægt að velja hvaða tímabil unglingurinn vinnur. Þeir sem að sækja um á réttum tíma fá vinnu en þó með þeim fyrirvara að ekki geta allir átt von á fá vinnu það tímabil sem að þeir óska eftir. Allir umsækjendur munu fá póst sendan þegar að raða hefur verið niður í flokka.
Vinnuskólinn sumarið 2012 verður starfræktur á tímabilinu 7. júní til 30. júlí.
Vinnutímabil:
8. bekkur – tvö tímabil (52 klst)
- A. 7. júní – 29. júní
- B. 2. júlí – 25. júlí
9. bekkur: tvö tímabil (94 klst)
- A. 7. júní – 5. júlí
- B. 2. júlí – 30. júlí
10. bekkur – tvö tímabil (110 klst)
- A. 7. júní – 5. júlí
- B. 2. júlí – 30. júlí
Umsóknafrestur er til 28. mars 2012.
Daglegur rekstur Vinnuskólans skólans er í höndum tómstundarfulltrúa.
Markmið skólans eru að:
- kenna nemendum að vinna og hegða sér á vinnustað
- kenna nemendum að umgangast bæinn sinn
- auka skynjun og virðingu nemenda fyrir umhverfinu
- veita nemendum vinnu yfir sumartímann
Vinnuskólinn sér um snyrtingu og fegrun bæjarins ásamt því að starfa á athafnasvæðum félaga og klúbba sem staðsett eru í bænum. Flest störf sem eru í boði eru útistörf, svo sem snyrting og umhirða á opnum svæðum, létt viðhald og önnur störf í þeim dúr. Starfsmönnum er skipt upp í hópa, yfirleitt eftir búsetu en við lítum svo á allir þurfi að læra að vinna með hverjum sem er svo að skipting í hópa fer ekki eftir bekkjum eða vinahópum.
Skólasetning vinnuskólans fer fram fimmtudaginn 7. júní kl. 08:30 í félagsmiðstöðinni Ból við Varmárskóla og hefst vinna strax að henni lokinni.
Nemendum vinnuskólans ber að fylgja reglum skólans sem að meginmarkmiðum eru þessar:
- Mæta stundvíslega og vinna samviskusamlega
- Fara vel með eignir Vinnuskólans og bera virðingu fyrir eignum annarra
- Ef að um veikindi er að ræða skal forráðamaður tilkynna þau
- Ekki skal talað í farsíma á vinnutíma
- Vinnuskólinn er reyklaus vinnustaður
Tengt efni
Sumarstörf hjá Mosfellsbæ 2024 - Umsóknarfrestur er til og með 13. mars
Mosfellsbær auglýsir sumarstörf fyrir ungt fólk í Mosfellsbæ.
Sumarstörf hjá Mosfellsbæ 2024
Mosfellsbær auglýsir sumarstörf fyrir ungt fólk í Mosfellsbæ.
Sumarstörf hjá Mosfellsbæ 2023 - Umsóknarfrestur til og með 13. mars
Mosfellsbær auglýsir sumarstörf fyrir ungt fólk í Mosfellsbæ.
