Safn­anótt og Sund­laug­anótt framund­an á Vetr­ar­há­tíð 2015

Safn­anótt er hluti af Vetr­ar­há­tíð í Reykja­vík og söfn á öllu höf­uð­borg­ar­svæð­inu taka þátt í dag­skránni. Kvöld­ið eft­ir laug­ar­dag­inn 7. fe­brú­ar verð­ur hald­in Sund­laug­anótt sem einn­ig er hluti af Vetr­ar­há­tíð og tek­ur Lága­fells­laug í Mos­fells­bæ þátt í þeirri dagskrá ann­að árið í röð. Ókeyp­is að­gang­ur verð­ur í safn­ið á Safn­anótt og í Lága­fells­laug á Sund­laug­anótt.

Safn­anótt á Gljúfra­steini

Hljóm­sveit­in Pascal Pin­on held­ur tón­leika á Gljúfra­steini kl. 21 á Safn­anótt, föstu­dag­inn 6. fe­brú­ar.

Að­gang­ur er ókeyp­is og all­ir vel­komn­ir á með­an húsrúm leyf­ir.

Safn­anótt er hald­in í sam­starfi við Vetr­ar­há­tíð ár hvert. Safna­næt­ur­strætó geng­ur í öll söfn sem taka þátt og er Gljúfra­steinn eng­in und­an­tekn­ing. Strætó­inn fer frá Kjar­vals­stöð­um kl. 20:00 og til baka frá Gljúfra­steini kl. 22:00.

Safn­ið verð­ur opið um kvöld­ið frá kl. 19:00 – 24:00 og býðst gest­um að skoða það sér að kostn­að­ar­lausu.

Hljóm­sveit­in Pascal Pin­on var stofn­uð árið 2009 af tví­bura­systr­un­um Jó­fríði og Ásthildi Áka­dætr­um, þeg­ar þær voru 14 ára gaml­ar. Þær gáfu út sína fyrstu plötu sjálf­ar en skrif­uðu svo und­ir samn­ing hjá Morr Mus­ic í Berlín ári síð­ar og hafa unn­ið með þeim upp frá því. Árið 2013 kom út önn­ur breið­skífa þeirra, sem ber heit­ið Twosomeness.

Sund­laug­anótt í Lága­fells­laug

Ókeyp­is að­gang­ur verð­ur í Lága­fells­laug um kvöld­ið laug­ar­dag­inn 7. fe­brú­ar. Boð­ið verð­ur upp á skemmt­un frá kl. 19:00, þar sem hægt verð­ur að hlusta á hress lög við sund­laug­ar­bakk­ann. Hin sí­vin­sæla Wipe-Out braut verð­ur opin, Ein­ar Ein­staki sýn­ir töfra­brögð, Íþrótta­álf­ur­inn kem­ur og skemmt­ir, hin Mos­fellska hljóm­sveit VIO, koma og spila fyr­ir gesti og Basic House Ef­fet mun sjá um fjör­ið til mið­nætt­is með nota­leg lýs­ingu í sund­laug­inni fyr­ir sund­laug­ar­gesti.

Frá­bært fyr­ir fjöl­skyld­una að eiga sam­an nota­lega kvöldstund í sundi.

Pyls­ur og gos á spott­prís og ís í boði á leið­inni heim.