Miðvikudaginn 25. júní frá kl. 09:00 til 16:00 verður unnið við malbiksyfirlagnir í Álfatanga, frá Baugshlíð fram hjá innkeyrslu að Brekkutanga. Þessi hluti Álfatanga verður lokaður meðan á framkvæmd stendur. Íbúum er bent á að haga ferðum sínum þannig að á framkvæmdartíma sem áætlaður er milli kl. 09:00-16:00 sé notast við vistvænar samgöngur að eins miklu leyti og hægt er þar sem umferð bíla er ekki heimiluð meðan á framkvæmdum stendur. Möguleg aðkoma að heimilum sem falla undir þessar lokanir er um gönguleiðir aðliggjandi gatna.
Beðist er velvirðingar á þeim truflunum sem þessar framkvæmdir geta valdið. Vegfarendur eru beðnir um að sýna framkvæmdaraðilum tillitssemi.
Athugið að þessi áætlun er veðurháð og getur því tekið breytingum.
