Fimmtudaginn 13. janúar nk. kl. 20:00 verður haldið hóf í íþróttamiðstöðinni að Varmá þar sem lýst verður kjöri íþróttafólks Mosfellsbæjar árið 2010.
Við sama tilefni er þeim einstaklingum sem hafa orðið Íslands-, deildar-, bikar- eða landsmótsmeistarar 2010 veittar viðurkenningar ásamt þeim sem hafa tekið þátt og/eða æft með landsliði á liðnu ári.
Íþróttafélög í Mosfellsbæ hafa ávallt komið upplýsingum um einstaklinga innan sinna vébanda sem unnið hafa til þessara afreka til íþróttafulltrúa. Það er þó ávallt þannig að nokkur fjöldi Mosfellinga stunda ekki íþrótt sína með félögum í bænum og langar íþrótta- og tómstundanefnd að leita til allra Mosfellinga með að koma ábendinum til íþróttafulltrúa um þá sem unnið hafa til þeirra afreka sem tilgreind eru hér að ofan og eru í félögum utan bæjarins. Vinsamlega hafið samband við íþróttafulltrúa í síma 660-0750 eða sendið honum línu á sg@mos.is.
Allir Mosfellingar eru hjartanlega velkomnir á kjörið!
Tengt efni
Tilnefningar til íþróttafólks Mosfellsbæjar 2024
Hægt er að senda inn tilnefningar til 19. nóvember 2024.
Íþróttafólk Mosfellsbæjar 2023 heiðrað við hátíðlega athöfn í Hlégarði fimmtudaginn 11. janúar
Tilnefningar voru 21 og eins og áður gafst bæjarbúum kostur á, ásamt íþrótta- og tómstundanefnd, að kjósa úr hópi tilnefndra íþróttafólk ársins 2023. Á sama tíma var þjálfari, lið og sjálfboðaliði ársins heiðruð.
Kjör íþróttafólks Mosfellsbæjar 2023
Átta konur og ellefu karlar hafa verið tilnefnd af íþrótta- og tómstundanefnd Mosfellsbæjar til íþróttafólks Mosfellsbæjar 2023.
