Kjör íþróttamanns og íþróttakonu Mosfellsbæjar fór fram í Íþróttamiðstöðinni að Varmá fimmtudaginn 24. janúar.
Ásamt því að heiðra íþróttakonu og íþróttakarl Mosfellsbæjar voru veittar viðurkenningar fyrir Íslandsmeistaratitla, bikarmeistara, landmótsmeistara og fyrir þátttöku í æfingum eða keppni með landsliði. Einnig voru veittar viðurkenningar fyrir efnilegasta dreng og stúlku yngri en 16 ára í hverri íþróttagrein.
Íþróttamaður Mosfellsbæjar 2012 er knattspyrnumaðurinn Wentzel Steinarr Ragnarsson Kamban.
Steinarr er fæddur 1987 og alinn upp hér í Mosfellbænum og lék knattspyrnu með Aftureldingu í öllum yngri flokkum. Þar átti hann farsælan feril og var lykilmaður í öllum liðum.
Íþróttakona Mosfellsbæjar árið 2012 er Lára Kristín Pedersen.
Lára er framúrskarandi knattspyrnukona og eitt mesta efni sem Afturelding hefur alið hingað til. Hún er aðeins 18 ára gömul og þrátt fyrir ungan aldur, hefur hún verið lykilmaður og ein af máttarstólpum meistaraflokks kvenna síðastliðin tvö ár, hún hefur einnig verið fyrirliði liðsins í þó nokkrum leikjum.
Mosfellsbær óskar þessum glæsilegu fulltrúum sínum innilega til hamingju með titlana.
Tengt efni
Tilnefningar til íþróttafólks Mosfellsbæjar 2024
Hægt er að senda inn tilnefningar til 19. nóvember 2024.
Íþróttafólk Mosfellsbæjar 2023 heiðrað við hátíðlega athöfn í Hlégarði fimmtudaginn 11. janúar
Tilnefningar voru 21 og eins og áður gafst bæjarbúum kostur á, ásamt íþrótta- og tómstundanefnd, að kjósa úr hópi tilnefndra íþróttafólk ársins 2023. Á sama tíma var þjálfari, lið og sjálfboðaliði ársins heiðruð.
Kjör íþróttafólks Mosfellsbæjar 2023
Átta konur og ellefu karlar hafa verið tilnefnd af íþrótta- og tómstundanefnd Mosfellsbæjar til íþróttafólks Mosfellsbæjar 2023.
