Íþrótta- og tómstundanefnd Mosfellsbæjar veitti í síðustu viku tíu ungmennum styrk til að stunda sína íþrótt- tómstund eða list yfir sumartímanna.
Í ár sóttu um, 9 stúlkur og 11 strákar. Við valið styðst nefndin við reglur sem byggja á vilja Mosfellsbæjar til að koma til móts við ungmenni sem, vegna tómstunda sinna, geta ekki með sama hætti og jafnaldrar þeirra stundað launuð störf.
Þessi meginregla auk reglunnar um að jafna beri styrkjum milli kynja, aldurshópa, list- íþrótta- og tómstundagreina er það sem að íþrótta og tómstundarnefnd styðst við þegar að valið er í þennan hóp. Umsækjendur áttu það allir sameiginlegt að þau langar og þurfa að nota sumartímann til æfinga, koma fram á viðburðum eða vera við keppni.
Í stafrófsröð eru styrkhafar þessir:
- Adam Elí Inguson Arnaldsson til að stunda Ólympíska áhaldafimleika
- Anton Hugi Kjartansson til að stunda hestamennsku
- Ari Páll Karlsson, til að stunda söng, tónlist
- Arnór Gauti Ragnarsson til að stunda knattspyrnu
- Björn Óskar Guðjónsson til að stunda golf
- Kristín Arndís Ólafsdóttir til að stunda handbolta
- Kristín Þóra Birgisdóttir, til að stunda knattspyrnu
- Marta Caraasco til að stunda dans
- Ragnar Már Ríkarðsson til að stunda golf
- Þóra Björg Ingimundardóttir til að stunda söng og tónlist
Íþrótta- og tómstundanefnd óskar þeim innilega til hamingju og vonar að styrkurinn nýtist þeim vel til frekari afreka.
Adam Elí, Anton Hugi, Ari Páll, Arnór Gauti, Kristín Arndís, Marta og Þóra Björg. Á myndina vantar Björn Óskar, Krístínu Þóru og Ragnar Már.
Tengt efni
Nýsköpunarstyrkur Mosfellsbæjar afhentur í Hlégarði
Nýsköpunarstyrkur Mosfellsbæjar var afhentur í Hlégarði fimmtudaginn 27. júní.
Styrkir úr Klörusjóði afhentir 12. júní 2024
Miðvikudaginn 12. júní voru afhentir styrkir úr Klörusjóði en markmið sjóðsins er að stuðla að nýsköpun og framþróun í skóla- og frístundastarfi í Mosfellsbæ.
Frumkvöðlar óskast!
Lumar þú á frumlegri hugmynd sem gæti gert gott samfélag enn betra?
