Mosfellsbær hefur útnefnt Davíð Þór Jónsson píanóleikara og tónskáld bæjarlistamann Mosfellsbæjar 2017.
Viðurkenningin var afhent við hátíðlega athöfn í Hlégarði sunnudaginn 27. ágúst.
Davíð Þór hefur verið búsettur í Álafosskvos síðan 2013 en er fæddur á Seyðisfirði 1978. Davíð Þór er fjölhæfur og skapandi listamaður með sérstaka ástríðu fyrir spunatónlist. Hann hefur frá unga aldri leikið með allflestum þekktari tónlistarmönnum landsins og spilað á tónlistarhátíðum um heim allan. Hann stundaði nám í Tónlistarskóla FÍH og útskrifaðist vorið 2001. Árið eftir gaf hann út sína fyrstu sólóplötu, Rask. Auk þess að vera afkastamikill sem hljóðfæraleikari á margvísleg hljóðfæri, píanóleikari, tónskáld, útsetjari og upptökumaður fyrir fjölda tónlistamanna hefur hann einnig unnið náið með sviðslistarfólki, myndlistarmönnum, fyrir leikhús, við útvarpsleikrit og sjónvarpsverk.
Davíð Þór hefur hlotið margvísleg verðlaun, til dæmis Íslensku tónlistarverðlaunin, Grímuverðlaunin auk þess sem að tónlist hans úr kvikmyndinni Hross í Oss hefur verið verðlaunuð á kvikmyndahátíðum í Evrópu.
Menningarmálanefnd Mosfellsbæjar telur Davíð Þór vera vel af þessari viðurkenningu kominn og hlakkar til samstarfs við Davíð Þór, fjölhæfan og hæfileikaríkan tónlistarmann sem vill gjarnan hafa áhrif og láta gott af sér leiða í heimabyggð. Nefndin óskar Davíð Þór til hamingju með tilnefninguna og vel unnin störf og óskar honum jafnframt velfarnaðar í sínum störfum.
Tengt efni
Hljómsveitin Gildran bæjarlistamaður Mosfellsbæjar 2023
Á sérstakri hátíðardagskrá í lok bæjarhátíðarinnar Í túninu heima var hljómsveitin Gildran útnefnd bæjarlistamaður Mosfellsbæjar árið 2023.
Bæjarlistamaður Mosfellsbæjar 2023 - Hægt að sækja um og tilnefna til og með 13. ágúst
Menningar- og lýðræðisnefnd óskar eftir umsóknum og tilnefningum frá Mosfellingum um einstakling eða samtök listafólks í Mosfellsbæ sem bæjarlistamaður ársins 2023.
Bæjarlistamaður Mosfellsbæjar 2023
Menningar- og lýðræðisnefnd óskar eftir umsóknum og tilnefningum frá Mosfellingum um einstakling eða samtök listafólks í Mosfellsbæ sem bæjarlistamaður ársins 2023.
