Mosfellingur ársins 2010
Mosfellingur ársins Steindi Jr. tekur við viðurkenningunni úr höndum Hilmars Gunnarssonar ritstjóra Mosfellings.
Steinþór Hróar Steinþórsson, betur þekktur sem Steindi jr., hefur slegið rækilega í gegn í nýrri gamanþáttaröð á Stöð 2 sem nefnist Steindinn okkar. Í kjölfarið átti hann vinsælasta lag landsins, var andlit auglýsingaherferða og er orðinn þekkt andlit í íslensku gríni.
Steindi hefur alla tíð lagt áherslu á Mosfellsbæ í sinni þáttagerð og fær bæjarbúa óhikað í lið með sér en einnig hefur leikfélagið verið honum hjálplegt.
“Þetta er einn mesti heiður sem ég hef hlotið,” segir Steindi og bætir við að hann sé stoltur Mosfellingur.