Lóð­ir við Úu­götu 2025

Mos­fells­bær er vax­andi og fjöl­skyldu­vænt sveit­ar­fé­lag sem rek­ur fjöl­breytta þjón­ustu fyr­ir þá tæp­legu 14.000 íbúa sem þar búa. Í Mos­fells­bæ er heil­mik­il verslun og þjón­usta og má þar finna mat­vöru­versl­an­ir, kjöt­búð, fisk­búð, bak­arí, hót­el og ým­is­legt fleira.

Í bæn­um er fjöl­breytt frí­stunda- og íþrótt­ast­arf, með­al ann­ars á veg­um Aft­ur­eld­ing­ar, Golf­klúbbs Mos­fells­bæj­ar, Hesta­manna­fé­lags­ins Harð­ar og öfl­ugs skáta­fé­lags. Menn­ing­ar­líf er blóm­legt í bæn­um þar sem Hlé­garð­ur, bóka­safn­ið, Lista­sal­ur Mos­fells­bæj­ar, Leik­fé­lag Mos­fells­sveit­ar og Lista­skól­inn eru í burð­ar­hlut­verki.

Í bæn­um eru fimm grunn­skól­ar ásamt frí­stunda­heim­il­um og átta leik­skól­ar, þar af tveir sam­rekn­ir með grunn­skól­um. Ní­undi leik­skól­inn í Helga­fells­hverfi opn­ar haust­ið 2025.

Helga­fell­skóli er sam­þætt­ur leik- og grunn­skóli fyr­ir börn á aldr­in­um 2–15 ára. Skól­inn tók til starfa árið 2019 og mun full­set­inn rúma um 700 börn. Við Helga­fells­skóla er einn­ig frí­stunda­heim­ili og fé­lags­mið­stöð fyr­ir eldri börn­in.

Skól­inn er stað­sett­ur í miðju hverf­inu og ligg­ur hann að grænu belti þann­ig að nem­end­ur hafa greið­an að­g­ang að um­lykj­andi úti­vist­ar­svæð­um og opnu landi.

Helga­fells­skóli legg­ur áherslu á að börn þrói með sér vaxt­ar­hug­ar­f­ar þar sem hæfni, þekk­ing og færni er breyt­an­leg. Þau læra því að mik­il­vægt sé að leggja sig fram, hafa í huga að ferl­ið sjálft skipt­ir meira máli en loka­út­kom­an, fagna áskor­un­um og sýna þraut­seigju, þol­in­mæði og já­kvæðni.

Öll heima­svæði í skól­an­um heita eft­ir fell­um og fjöll­um í ná­grenni skól­ans. Nem­end­ur fara upp á ár­ganga­fell­ið sitt í lok skóla­árs og kynn­ast þann­ig jafnt og þétt fell­um og fjöll­um í sínu nærum­hverfi.

Bygg­ing á íþrótta­húsi við skól­ann stend­ur nú yfir ásamt bygg­ingu á nýj­um 120 – 150 barna leik­skóla í þessu barn­marga hverfi og verða leik­skól­arn­ir þá orðn­ir tveir í hverf­inu.

Í Helga­fells­hverfi er að rísa nýr leik­skóli við Vefara­stræti 2-6. Leik­skól­inn verð­ur fyr­ir allt að 150 börn á aldr­in­um 1 árs til 5 ára. Gert er ráð fyr­ir að starf­semi hans hefj­ist í ág­úst 2025.

Lóð	Hæð­ir	Hús­gerð	Fjöldi íbúða	Lóð­ar­stærð	Bygg­ing­armagn	Lág­marks­verð
Úugata 31	2	Ein­býli	1	535,4	360	21.100.000 kr
Úugata 33	2	Ein­býli	1	652,1	360	21.100.000 kr
Úugata 35	2	Ein­býli	1	615,9	360	21.100.000 kr
Úugata 37	2	Ein­býli	1	615,7	360	21.100.000 kr
Úugata 39	2	Ein­býli	1	640,5	360	21.100.000 kr
Úugata 41	2	Ein­býli	1	598	360	21.100.000 kr
Úugata 43	2	Ein­býli	1	572	360	21.100.000 kr
Úugata 45	2	Ein­býli	1	572	360	21.100.000 kr
Úugata 47	2	Ein­býli	1	637,4	360	21.100.000 kr
Úugata 63	2	Ein­býli	1	588,6	240	14.100.000 kr
Úugata 65	2	Ein­býli	1	580,8	240	14.100.000 kr
Úugata 67	2	Ein­býli	1	594	240	14.100.000 kr
Úugata 73	2	Ein­býli	1	594	240	14.100.000 kr
Úugata 80	2	Ein­býli	1	507,7	240	14.100.000 kr
Úugata 84	2	Ein­býli	1	599,1	240	14.100.000 kr
Úugata 88	2	Ein­býli	1	573,2	240	14.100.000 kr

 

Hverf­ið er af­markað af Vest­ur­lands­vegi til vest­urs, Helga­felli til norð­urs, Varmá og Skamma­dalslæk og vernd­ar­svæð­um þeirra til suð­urs og aust­urs.

Hverf­ið er byggt í áföng­um og eru lóð­irn­ar sem nú eru til út­hlut­un­ar við Úu­götu sem er hluti af seinni hluta fimmta áfanga hverf­is­ins en áfang­arn­ir eru alls sjö.

Hverf­ið er í grennd við stór og fjöl­breytt úti­vist­ar­svæði, má þar nefna hverf­is­vernd­ar­svæði með­fram Varmá og Skamma­dalslæk, Stekkj­ar­flöt, Æv­in­týra­garð­inn og ósnortna nátt­úru í hlíð­um Helga­fells.

Sótt er um á Mín­um síð­um Mos­fells­bæj­ar.

16 ein­býl­is­hús – ein­býl­is­húsa­lóð­ir við Úu­götu eru ólík­ar að stærð og gerð vegna að­stæðna í landi. Skil­mál­ar um hæð­ir húsa og bygg­ing­ar­heim­ild­ir eru því breyti­leg­ir.

Um er að ræða bygg­ing­ar­rétt á leigu­lóð­um. Lóð­ir verða af­hent­ar í nú­ver­andi ástandi með óhreyfðu landi og því er brýnt að áhuga­sam­ir kynni sér ástand þeirra. Göt­ur eru frá­gengn­ar með teng­ing­um við veitu­kerfi og raf­magn.

Ekki eru tak­mörk á því í hve marg­ar lóð­ir um­sækj­andi gera til­boð í en að­eins er hægt að fá út­hlutað tveim­ur ein­býl­is­húsa­lóð­um.

Reyn­ist sami um­sækj­andi með hæsta til­boð í fleiri lóð­ir en tvær er hann bund­inn við tvö hæstu boð sín.

Gatna­gerð­ar­gjald er lagt á í sam­ræmi við fer­metra­fjölda þeirra bygg­inga sem heim­ilt er að reisa á við­kom­andi lóð sam­kvæmt gild­andi deili­skipu­lagi og verð­ur lagt á við sam­þykki bygg­ingaráforma. Gatna­gerð­ar­gjald er til við­bót­ar við bygg­ing­ar­rétt sem er í eðli sínu svo­kallað til­boðsverð lóð­ar­inn­ar.

Greiða þarf heimæð­ar­gjöld veitu­stofn­ana, bygg­ing­ar­leyf­is­gjald, skipu­lags­gjald, út­tekt­ar­gjöld og önn­ur slík gjöld sem varða til­tekna lóð og mann­virki reist á henni í sam­ræmi við þær gjald­skrár sem gilda hverju sinni. Um­rædd gjöld eru ekki innifalin í greiðslu fyr­ir bygg­ing­ar­rétt.

At­hug­ið að heimæð­ar­gjöld hita­veitu eru greidd við fok­heldi. Gjöld vegna kalds vatns og frá­veitu skulu greidd við sam­þykkt bygg­ingaráforma hjá bygg­ing­ar­full­trúa Mos­fells­bæj­ar. Gjöld vegna raf­magns og síma eru inn­heimt af Orku­veitu Reykja­vík­ur.

Frest­ur til að skila inn til­boð­um í lóð­ir er kl. 16:00 þriðju­dag­inn 22. apríl 2025. Til­boð verða opn­uð og tekin fyr­ir á fundi bæj­ar­ráðs 23. apríl 2025.

Sér­stak­ir út­hlut­un­ar­skil­mál­ar auk skipu­lags- og bygg­ing­ar­skil­mála gilda um út­hlut­un og upp­bygg­ingu lóð­anna.

Bygg­ing­armagn og stað­setn­ing bygg­ing­ar­reit­ar hverr­ar lóð­ar ræðst af deili­skipu­lagi.

Deili­skipu­lag lóð­anna er að­gengi­legt á korta­vef bæj­ar­ins.

Hægt er að nálg­ast deili­skipu­lag á Skipu­lags­gátt Skipu­lags­stofn­un­ar.

Lóð­ir verða seld­ar í því ásig­komu­lagi sem þær eru í og eru þeg­ar bygg­ing­ar­hæf­ar.

Lóð­ir verða af­hent­ar í nú­ver­andi ástandi með óhreyfðu landi og því er brýnt að til­boðs­gjaf­ar kynni sér ástand þeirra. Göt­ur eru frá­gengn­ar með teng­ing­um við veitu­kerfi og raf­magn.

Ein­býl­is­hús­in á lóð­un­um skulu vera á tveim­ur hæð­um eft­ir að­stæð­um. Nán­ar má sjá um kröf­ur um hönn­un húsa í skipu­lags- og bygg­ing­ar­skil­mála fyr­ir fimmta áfanga Helga­fells­hverf­is. Í deili­skipu­lagi má einn­ig sjá frek­ari upp­lýs­ing­ar um legu og hæð bygg­inga.