Ósk um skipu­lagn­ingu lóð­ar í landi Sól­heima við Hólms­heiði

Af­greiðsla 425. fund­ar skipu­lags­nefnd­ar sam­þykkt á 684. fundi bæj­ar­stjórn­ar með níu at­kvæð­um.

Nefnd­in sam­þykk­ir að fela skipu­lags­full­trúa nán­ari úr­vinnslu máls­ins, skoða mögu­leika á stað­setn­ingu nýrra at­vinnusvæða og stofna nýtt máls­núm­er fyr­ir það.

Bók­un S- lista: Full­trúi Sam­fylk­ing­ar­inn­ar tel­ur það veikja ný­lega und­ir­ritað svæð­is­skipu­lag höf­uð­borg­ar­svæð­is­ins, að skipu­leggja um­rætt iðn­að­ar­svæði í landi Sól­heima. Mos­fells­bær gefi þann­ig slæmt for­dæmi þar sem ekki eru til stað­ar rík­ari al­manna­hags­mun­ir. Svæð­ið er utan vaxt­ar­marka nýs svæð­is­skipu­lags, inn­an ör­ygg­is­marka vatns­vernd­ar­svæð­is og inn­an Græna tref­ils­ins. Starf­semi iðn­að­ar­svæð­is sam­rým­ist ekki því skipu­lagi sem er á svæð­inu.
Það er ljóst að skipu­lagn­ing nýs iðn­að­ar­svæð­is við Sól­heima er til að und­ir­búa lóð und­ir gagna­ver Sím­ans í áföng­um næstu 15 árin, fyrst 2500 m2, þá 5000og svo hugs­an­lega enn meira í síð­ari áföng­um. Þarna væri ver­ið að af­henda einu fyr­ir­tæki ótiltekin verð­mæti inn í fram­tíð­ina á kostn­að íbúa. Land sem í fram­tíð­inni mun lík­leg­ast verða til muna verð­mæt­ara en það er í dag. Taka verð­ur til­lit til þess að Sím­inn hafði þeg­ar leitað eft­ir samn­ing­um á þeg­ar skipu­lögðu iðn­að­ar­svæði steinsnar frá, í landi Reykja­vík­ur þar sem ekki var fall­ist á slík­an samn­ing.
Starf­semi gagna­vers er ekki laus við meng­un, því um­tals­verð­ur há­vaði er henni sam­fara í nú ann­ars frið­sælu um­hverfi sem er skipu­lagt sem fram­tíð­ar­úti­vist­ar­svæði á höf­uð­borg­ar­svæð­inu.

Bók­un Íbúa­hreyf­ing­ar­inn­ar: Full­trúi Íbúa­hreyf­ing­ar­inn­ar undrast stór­lega að lögð sé fram tíma­áætlun sem mið­ar að því að gagna­ver verði stað­sett á vatns­vernd­ar­svæði í landi Sól­heima við Hólms­heiði. Nefnd­in hef­ur að­eins einu sinni, þann 3.5. 2016, fjallað um er­ind­ið og var þá um­ræð­an frek­ar nei­kvæð, sbr.bók­un S-lista. Sjón­ræn áhrif mörg­þús­und fer­metra gagna­vers yrði griðar­leg í dýr­mætri nátt­úruperlu höf­uð­borg­ar­svæð­is­ins í full­kom­inni and­stæðu við frið­sælt um­hverf­ið. Stað­setn­ing þessi stang­ast á við ný­lega sam­þykkt svæð­is­skipu­lag höf­uð­borg­ar­svæð­is­ins, rask­ar græna trefl­in­um svo­nefnda og er inn­an ör­ygg­is­marka vatns­vernd­ar­svæð­is­ins. Að­eins hef­ur ver­ið lögð fram skrif­leg lýs­ing á bygg­ing­unni hvað varð­ar flat­ar­mál henn­ar uppá mörg þús­und fer­metra, en ekk­ert ligg­ur fyr­ir um hæð henn­ar, út­lit hljóð­meng­un né ann­að. Hlut­verk nefnd­ar­inn­ar hlýt­ur að vera að fjalla um svona fram­kvæmd af ábyrgð og festu og með all­ar upp­lýs­ing­ar til­tæk­ar en ekki fallast orð­laust á að unn­ið sé að fram­gangi henn­ar. Íbúa­hreyf­ing­in er hlynnt gagna­veri í Mos­fells­bæ en hvet­ur til að finna því bygg­ing­ar­reit sem ekki hef­ur of­an­greind um­hverf­isáhrif.

Bók­un V og D lista:
Á fund­in­um hafa ver­ið rædd staða at­vinnu­lóða í Mos­fells­bæ og hvort þörf sé á að stækka eða fjölga at­vinnusvæð­um inn­an bæj­ar­marka Mos­fells­bæj­ar. Fyr­ir­tæki hafa leitað til bæj­ar­ins um upp­bygg­ingu við Hólms­heiði, jafn­framt er ljóst að áhugi á upp­bygg­ingu at­vinnu­fyr­ir­tækja í Mos­fells­bæ er mik­ill.Í ljósi þess tel­ur meiri­hluti V og D lista fulla ástæðu til þess að skoða hvort ekki sé þörf á nýj­um at­vinnusvæð­um inn­an bæj­ar­ins ekki er ólík­legt að það kalli á breyt­ingu á svæð­is­skipu­lagi.

Af­greiðsla 424. fund­ar skipu­lags­nefnd­ar sam­þykkt á 683. fundi bæj­ar­stjórn­ar með níu at­kvæð­um.

Frestað.

Af­greiðsla 1258. fund­ar bæj­ar­ráðs sam­þykkt á 672. fundi bæj­ar­stjórn­ar með níu at­kvæð­um.

Sam­þykkt með þrem­ur at­kvæð­um að fela bæj­ar­stjóra og skipu­lags­full­trúa að vinna áfram að mál­inu.

Bók­un M-lista Íbúa­hreyf­ing­ar­inn­ar
Bæj­ar­full­trúi Íbúa­hreyf­ing­ar­inn­ar tel­ur af og frá að gagna­ver verði stað­sett við vatns­vernd­ar­svæði í landi Sól­heima við Hólms­heiði. Sjón­ræn áhrif gagn­vers­ins eru lík­leg til að vera mik­il en svæð­ið í heild er dýr­mæt nátt­úruperla og fel­ur í sér vin­sæl­ustu úti­vist­ar­svæði höf­uð­borg­ar­svæð­is­ins Heið­mörk, Rauð­hóla, Ell­iða­vatn og lengra í burtu Bláfjalla­hring­ur­inn o.s.frv.
Íbúa­hreyf­ing­in er hlynnt gagna­veri í Mos­fells­bæ en hvet­ur meiri­hluta D- og V-lista til að finna gagna­ver­inu bygg­ing­ar­reit sem ekki hef­ur of­an­greind um­hverf­isáhrif.

Bók­un V- og D- lista
Full­trú­ar V- og D- lista eru já­kvæð­ir fyr­ir bygg­ingu gagna­vers í Mos­fells­bæ. Stað­setn­ing slík­ar starf­semi hef­ur marga kosti við Hólms­heiði. Um er að ræða ör­ygg­is­svæði vatns­vernd­ar sem heim­il­ar bygg­ing­ar með ákveðn­um skil­yrð­um. Einn­ig er rétt að benda á að um­rætt svæði er ná­lægt skipu­lögðu iðn­að­ar­svæði Reykja­vík­ur. Stað­setn­ing­in er í tölu­verðri fjar­lægð frá Heið­mörk og fleiri nátt­úruperl­um og hef­ur ekki áhrif á þau svæði.

Af­greiðsla 412. fund­ar skipu­lags­nefnd­ar sam­þykkt á 671. fundi bæj­ar­stjórn­ar með níu at­kvæð­um.

Skipu­lags­full­trúa fal­ið að senda bæj­ar­ráði um­sögn skipu­lags­nefnd­ar.

Bók­un S-lista
Full­trúi sam­fylk­ing­ar­inn­ar tel­ur það ganga í ber­högg við ný­und­ir­ritað svæð­is­skipu­lag höf­uð­borg­ar­svæð­is­ins að skipu­leggja lóð und­ir gagna­ver í landi Sól­heima. Svæð­ið er utan vaxt­ar­marka nýs svæð­is­skipu­lags, inn­an ör­ygg­is­marka vatns­vernd­ar­svæð­is og inn­an Græna tref­ils­ins. Starf­semi gagna­vers sam­ræm­ist ekki því skipu­lagi sem er á svæð­inu. Eðli­legt er að bjóða um­sækj­anda lóð und­ir gagna­ver á svæði sem skipu­lagt er til iðn­að­ar eins og á Tungu­mel­um.

Af­greiðsla 411. fund­ar skipu­lags­nefnd­ar sam­þykkt á 670. fundi bæj­ar­stjórn­ar með níu at­kvæð­um.

Frestað.

Af­greiðsla 410. fund­ar skipu­lags­nefnd­ar sam­þykkt á 669. fundi bæj­ar­stjórn­ar með níu at­kvæð­um.

Skipu­lags­nefnd vís­ar er­ind­inu til frek­ari skoð­un­ar skipu­lags­full­trúa.

Af­greiðsla 1252. fund­ar bæj­ar­ráðs sam­þykkt á 668. fundi bæj­ar­stjórn­ar með níu at­kvæð­um.

Sam­þykkt að vísa er­ind­inu til um­sagn­ar skipu­lags­nefnd­ar og bæj­ar­stjóra til frek­ari skoð­un­ar.