Skólast­arf hefst á ný í Brú­ar­landi

Í haust tek­ur til starfa úti­bú frá Varmár­skóla í Brú­ar­landi. Skóla­vist í Brú­ar­landi verð­ur val­kvæð fyr­ir nem­end­ur í fyrsta og öðr­um bekk Varmár­skóla. Tek­ið verð­ur á móti 35-40 nem­end­um í haust. Starf­sem­in er fyrsta skref­ið í stofn­un á nýj­um skóla sem mun rísa í Helga­fellslandi. Stefnt er að því að hefja skólast­arf í Helga­fells­skóla haust­ið 2018. Spenn­andi tím­ar eru því framund­an fyr­ir land­nema í Helga­fellslandi.

Þórdís Eik Frið­þjófs­dótt­ir, starf­andi kenn­ari við Varmár­skóla, hef­ur ver­ið ráð­in til að stýra starf­inu í Brú­ar­landi. Þórdís er reynslu­mik­ill kenn­ari á yngsta stigi. Starf­semi í Brú­ar­landi mun byggja á skóla­stefnu- námskrá og skóla­da­ga­tali Varmár­skóla. Þar verð­ur boð­ið upp á heild­stæð­an skóla­dag, stoð­þjón­ustu, mötu­neyti og frístund. Sam­vinna verð­ur á milli bekkj­ar­deilda í Brú­ar­landi og Varmár­skóla þar sem nem­end­ur fara sam­an í íþrótt­ir og nýta úti­kennslu­svæð­ið. Einn­ig er lagt upp með fyrst í stað að halda helstu há­tíð­ir sam­eig­in­leg­ar eins og jóla­skemmt­an­ir, ösku­dag og vor­há­tíð.

Brú­ar­land er sögu­frægt hús í Mos­fells­bæ en þar hef­ur ver­ið starf­rækt­ur skóli í ára­tugi. Unn­ið hef­ur ver­ið að end­ur­bót­um á að­stöð­unni bæði inni og úti til að taka á móti ung­um nem­end­um. Um helg­ina verð­ur aug­lýst út­boð vegna fram­kvæmda á skóla­lóð­inni.

Boð­ið verð­ur upp á opið hús fimmtu­dag­inn 7. apríl kl. 18-20 í Brú­ar­landi. Þar verð­ur skóla­starf­ið kynnt og for­eldr­um boð­ið að hitta skóla­stjórn­end­ur og skoða að­stöð­una.

For­eldr­ar og for­ráða­menn eru hvatt­ir til að hafa sam­band við Þórönnu skóla­stjóra (thor­anna[hjá]varmarskoli.is) eða Þór­dísi Eik (thordiseik[hjá]varmarskoli.is) ef ein­hverj­ar spurn­ing­ar vakna.