Katrín Jakobsdóttir menntamálaráðherra og og Haraldur Sverrisson bæjarstjóri Mosfellsbæjar taka í dag kl. 14:00 fyrstu skóflustunga vegna nýbyggingar Framhaldsskólans í Mosfellsbæ. Skólinn verður staðsettur í miðbæ Mosfellsbæjar. Framhaldsskólinn í Mosfellsbæ var formlega stofnaður 19. febrúar 2008 með undirritun samkomulags milli að í fyrsta áfanga verði gert ráð fyrir allt að 4.000 m2 byggingu er rúmi 4-500 bóknámsnemendur.
– FRÉTTATILKYNNING –
Framhaldsskólinn í Mosfellsbæ.
Katrín Jakobsdóttir menntamálaráðherra og og Haraldur Sverrisson bæjarstjóri Mosfellsbæjar taka í dag kl. 14:00 fyrstu skóflustunga vegna nýbyggingar Framhaldsskólans í Mosfellsbæ. Skólinn verður staðsettur í miðbæ Mosfellsbæjar.
Framhaldsskólinn í Mosfellsbæ var formlega stofnaður 19. febrúar 2008 með undirritun samkomulags milli að í fyrsta áfanga verði gert ráð fyrir allt að 4.000 m2 byggingu er rúmi 4-500 bóknámsnemendur.
Við hönnun hússins var lögð áhersla á sveigjanleika og möguleika til nýbreytni og gert ráð fyrir möguleikum til verulegrar stækkunar í framtíðinni. Við hönnun skólans var tekið mið af þeirri hugmyndafræði að nemendur verði virkir þátttakendur í eigin námi og öðlist þannig sjálfstæði og frumkvæði. Hönnunin tók mið af þessum kennsluháttum með skilgreiningu á svokölluðum klasa rýmum sem samanstanda af lokuðum rýmum fyrir 20-30 nemendur, lokuðum rýmum fyrir minni hópa og opin rými bæði fyrir minni og stærri hópa og verður nýbygging skólans 4.000 fermetrar á lóð sem er um 12.000 fermetrar að stærð.
Markmið hönnunarinnar var að skapa einstaka, vandaða og fagra byggingu sem félli vel inn í hið fjölbreytta bæjarlíf í Mosfellsbæ og styrkir það um leið. Skólinn tengist umhverfinu, landslaginu og bænum í lögun sinni og efnisvali.
Katrín Jakobsdóttir menntamálaráðherra segir ; „Það er með stolti og ánægju sem við hefjum nú framkvæmdir við nýja framhaldsskólabyggingu sem hönnuð er samkvæmt vistvænum byggingaraðferðum. Hið nýja skólahúsnæði mun skapa fallega umgjörð um metnaðarfullt skólastarf sem byggir á stefnu um auðlindir og umhverfi.“
Haraldur Sverrisson bæjarstóri segir: “Hér er um geysilegt fagnaðarefni fyrir Mosfellinga að ræða. Það var stór áfangi þegar skólinn hóf starfssemi sína hér í bæ haustið 2009 í gamla Brúarlandshúsinu en það húsnæði er nú orðið allt of lítið. Þessi nýja skólabygging og það líf sem þeirri starfssemi fylgir verður mikil lyftistöng fyrir bæjarlífið og ekki síst miðbæinn okkar þar sem þessi bygging mun setja mikinn svip á umhverfið.”
Verktakafyrirtækið Eykt var lægstbjóðandi í byggingu Framhaldsskólans með tilboð að fjárhæð 1.049 þús.kr Gert er ráð fyrir að hafist verði handa við framkvæmdir strax í næstu viku. Verklok er áætluð í nóvember 2013.
Framhaldsskólinn í Mosfellsbæ er hannaður skv. BIM-aðferðarfræðinni, en hún gengur út á það að teikna bygginguna í þrívídd, þ.e. í svokölluðu upplýsingalíkani. Þetta líkan nýtist í hönnun, á framkvæmdatíma og sem eins konar handbók í rekstri byggingar.
Frá byrjun var lögð áhersla á vistvæna hönnun og fljótlega var tekin sú ákvörðun að stefna að því að fá vottun skv. BREEAM, alþjóðlegu umhverfisvottunarkerfi fyrir byggingar. Þetta vottunarkerfi stuðlar að vistvænni byggingum og aukinni vellíðan notenda.
Frekari upplýsingar veitir Þráinn Sigurðsson menntamálaráðuneyti og Haraldur Sverrisson bæjarstjóri Mosfellsbæjar.