Fimmta og jafnframt síðasta opna hús vetrarins hjá Skólaskrifstofu Mosfellsbæjar verður haldið miðvikudaginn 25. mars klukkan 20 í Listasal Mosfellsbæjar. Að þessu sinni fjallar Valgerður Baldursdóttir geðlæknir, um mikilvægi öruggrar tengslamyndunar á fyrstu æviárunum og um góð tengsl milli foreldra og barna allan uppvöxtinn sem grunn að velferð þeirra almennt og þar með talið andlegu og líkamlegu heilbrigði.
Fimmta og jafnframt síðasta opna hús vetrarins hjá Skólaskrifstofu Mosfellsbæjar verður haldið miðvikudaginn 25. mars klukkan 20 í Listasal Mosfellsbæjar
Að þessu sinni fjallar Valgerður Baldursdóttir geðlæknir, um mikilvægi öruggrar tengslamyndunar á fyrstu æviárunum og um góð tengsl milli foreldra og barna allan uppvöxtinn sem grunn að velferð þeirra almennt og þar með talið andlegu og líkamlegu heilbrigði.
Valgerður er barna- og unglingageðlæknir í grunninn og vann ma. á unglingadeild BUGL og síðar yfirlæknir þar. Valgerður hefur að mestu unnið í geðlækningum fullorðinna undanfarin ár og starfar í dag á Reykjalundi.
Málefni barna og fjölskyldna eru henni alltaf hugleikin og tengslamál í víðum skilningi hafa verið hennar faglega leiðarljós alla tíð.