Miðvikudaginn 25. janúar er komið að fyrsta opna húsinu á þessu ári en að þessu sinni verður rætt um föruneyti barnsins. Hlutverk okkar er ekki aðeins að vernda barnið heldur að efla því þor,
Miðvikudaginn 25. janúar er komið að fyrsta opna húsinu á þessu ári en að þessu sinni verður rætt um föruneyti barnsins.
Hlutverk okkar er ekki aðeins að vernda barnið heldur að efla því þor, hvetja það til dáða.
Verkefnið er ekki aðeins að setja boð og leggja bönn heldur að efla með börnum innri varnir til að takast á við áskoranir á lífsleiðinni. Menntunin felst ekki aðeins í því að kenna börnum heldur einnig að vekja með þeim efa. Þau spyrja: Hvað er …? Ef svar fæst, þurfum að kenna þeim að spyrja: Getur það verið satt?
Fleiri eru í föruneyti barnsins er gera sér grein fyrir því.
Sumir bera mikla ábyrgð en allir samábyrgð á farsæld barnsins. SJÁ AUGLÝSINGU
Fyrirlesari kvöldsins, Gunnar Hersveinn rithöfundur, hefur fengið viðurkenningu fyrir bækur sem hafa sett umtalsvert mark á hérlenda þjóðfélagsumræðu um gildi einstaklinga og samfélags. Þær heita Gæfuspor, Orðspor og Þjóðgildin. Hann hefur skrifað fjölmargar greinar um menntun og uppeldi og er höfundur hugtaksins Föruneyti barnsins.
Opnu húsin hjá Skólaskrifstofu eru alltaf haldin síðasta miðvikudag í mánuði yfir veturinn, í Listasal Mosfellsbæjar frá klukkan 20 – 21. Athugið að gengið er inn austan megin (Háholtsmegin).
Aðgangur er ókeypis og öllum opinn.
Skólaskrifstofa Mosfellsbæjar