Bæjarráð Mosfellsbæjar samþykkti á fundi sínum þann 3. maí sl. með 3 atkvæðum að ráða Árna Jón Sigfússon í starf byggingarfulltrúa Mosfellsbæjar.
Bæjarráð Mosfellsbæjar samþykkti á fundi sínum þann 3. maí sl. með 3 atkvæðum að ráða Árna Jón Sigfússon í starf byggingarfulltrúa Mosfellsbæjar.
Árni Jón er með M.S. gráðu (Dipl. Ing.) í arkitektúr frá Universitat í Stuttgart í Þýskalandi. Hann hefur starfað í hartnær 7 ár hjá Mannvirkjastofnun en áður starfaði hann sem arkitekt hjá Arkþing, Tark-arkitektum og W.Wörner arkitektum í Þýskalandi.
Árni býr yfir mjög góðri þekkingu á sviði byggingarmála og umfangsmikilli reynslu á sviði stjórnsýslu byggingarmála. Þá hefur Árni Jón hlotið löggildingu sem mannvirkjahönnuður auk þess að hafa starfsleyfi byggingarstjóra.
Nýr byggingarfulltrúi kemur til starfa í lok maí og tekur við starfinu af Ásbirni Þorvarðarsyni sem gegnt hefur starfi byggingarfulltrúa frá því í ágúst 1982 eða í rétt tæplega 36 ár.