Fjólublár bekkur er kominn á fallegan útsýnisstað á Blikastaðanesi í tengslum við Munum leiðina, vitundarvakningu Alzheimersamtakanna.
Fjólublár er alþjóðlegur litur Alzheimer sjúkdómsins og annarra heilabilunarsjúkdóma.
Fjólubláa bekki er einnig að finna í fleiri sveitarfélögum á höfuðborgarsvæðinu:
- Reykjavík: við Reykjavíkurflugvöll og göngubrúnna í Fossvogi
- Kópavogur: á Kársnesi
- Hafnarfjörður: við gömlu sundlaugina
- Garðabær: við Sjáland
- Seltjarnarnes: við Gróttu
Allir bekkirnir eiga það sameiginlegt að standa við sjávarsíðuna með fallegu útsýni en saman mynda þeir einnig skemmtilega leið í gegnum öll þessi sveitarfélög.
21. september er alþjóðlegur dagur heilabilunar og er þetta liður í vitundarvakningu Alzheimersamtakanna á Íslandi um málaflokkinn. Á bekkjunum er QR kóði sem hægt er að skanna og styrkja um leið samtökin.
