Leikskólinn Hlíð fagnaði á dögunum aldarfjórðungsafmæli skólans og hélt af því tilefni afmælisveislu fyrir leikskólabörn, foreldra, starfsfólk, skólaskrifstofu og bæjarstjóra.
Börnin tóku að sjálfsögðu virkan þátt í hátíðarhöldunum og komu saman við fánastöngina á leikvelli leikskólans og sungu afmælissönginn fyrir sig sjálf og gesti. Allir voru skreyttir með kórónum og var mikil hátíðarstemmning á Hlíð enda dagurinn sérlega vel heppnaður.
Mosfellsbær óskar starfsfólki leikskólans, börnum og foreldrum til hamingju með aldarfjórðungsafmæli Hlíðar.