Nú er kærleiksvikan á næsta leiti en hún stendur yfir dagana 14. – 21. febrúar. Kærleiksvikan er haldin í sjötta sinn í Mosfellsbæ. Eins og áður er kærleikurinn ofar öllu. Markmið vikunnar er að hver einasti bæjarbúi finni fyrir kærleik í sinn garð og gefi öðrum kærleik.
Nú er kærleiksvikan á næsta leiti en hún stendur yfir dagana 14. – 21. febrúar. Kærleiksvikan er haldin í sjötta sinn í Mosfellsbæ. Eins og áður er kærleikurinn ofar öllu. Markmið vikunnar er að hver einasti bæjarbúi finni fyrir kærleik í sinn garð og gefi öðrum kærleik. Þetta gæti falist í hrósi, faðmlagi, brosi, fallegum skilaboðum eða einhverju öðru uppbyggilegu og skemmtilegu.
Hugmyndin er að sem flest félagasamtök, stofnanir, fyrirtæki, hópar og einstaklingar taki þátt í vikunni með sínum hætti. Skorað er á mosfellinga að koma með hugmyndir að viðburðum og sjá um framkvæmd þeirra. Sendið skilaboð á vigdisstein@hotmail.com um þinn viðburð svo hann komist inn í dagskrána.
Undirbúningshópur kærleiksvikunnar vonar að vikan verði full af kærleiksríkum viðburðum, verkefnum og uppákomum. Í undirbúningshópnum eru Hreiðar Örn Zoëga og Vigdís Steinþórsdóttir.