Hreins­um til eft­ir ára­mót­in

Tals­vert rusl fell­ur til um ára­mót þeg­ar lands­menn kveikja í mörg­um tonn­um af flug­eld­um, skottert­um og blys­um. Það er al­geng sjón að sjá flug­elda­leif­ar, brunn­ar skottert­ur, spýt­ur og prik á víð og dreif um bæ­inn nú í upp­hafi árs sem er ekki mik­il bæj­ar­prýði. Það flug­eld­ar­usl sem ekki er fjar­lægt og kom­ið til förg­un­ar grotn­ar nið­ur og verð­ur að lok­um að drullu og sóða­skap.

Því vilja bæj­ar­yf­ir­völd biðla til íbúa og fyr­ir­tækja í bæn­um að huga að nærum­hverfi sínu og taka hönd­um sam­an við að hreinsa upp eft­ir ára­mótagleð­ina og koma til förg­un­ar. Marg­ar hend­ur vinna létt verk.

At­huga þarf þó að um­búð­ir og leif­ar af flug­eld­um mega ekki fara í bláu papp­írstunn­una, held­ur þarf að setja í al­mennt sorp. Þó svo að flug­eld­ar séu úr pappa, þá sit­ur eft­ir í þeim leir sem ger­ir það að verk­um að papp­inn sem eft­ir verð­ur er ekki hæf­ur til end­ur­vinnslu. Best er að skila um­búð­um og leif­um af flug­eld­um og skottert­um í al­mennt rusl á end­ur­vinnslu­stöð SORPU við Blíðu­bakka. Ósprungn­um flug­eld­um og skottert­um sem þarf að farga ber að skila í spilli­efnagám­inn á end­ur­vinnslu­stöðv­um SORPU.

Sýn­um gott for­dæmi og hjálp­umst að við að hreinsa upp eft­ir ára­mót­in og þrett­ánd­ann.