Frá grunn­skól­um Mos­fells­bæj­ar

Lága­fells­skóli og Varmár­skóli verða sett­ir mánu­dag­inn 25. ág­úst.

Um­sókn­ir vegna frí­stunda­selja og mötu­neyta verða að hafa borist í gegn­um Íbúagátt Mos­fells­bæj­ar fyr­ir 20. ág­úst.

Upp­lýs­ing­ar um tíma­setn­ing­ar varð­andi skóla­byrj­un, inn­kaupal­ista og skóla­da­gatal skóla­árs­ins 2014-15 má finna á heima­síð­um skól­anna.

Göng­um í skól­ann (www.iwalktoschool.org) verð­ur hleypt af stokk­un­um í átt­unda sinn 10. sept­em­ber næst­kom­andi og lýk­ur því form­lega með al­þjóð­lega Göng­um í skól­ann deg­in­um mið­viku­dag­inn 8. októ­ber. Markmið verk­efn­is­ins eru að hvetja börn til að til­einka sér virk­an ferða­máta í og úr skóla og auka færni þeirra til að ferð­ast á ör­ugg­an hátt í um­ferð­inni.

Ein ein­fald­asta leið­in til að auka hreyf­ingu í dag­legu lífi er að velja virk­an ferða­máta, svo sem göngu, hjól­reið­ar, hlaup, línu­skaut­ar og hjóla­bretti. Ávinn­ing­ur­inn er ekki að­eins bund­inn við and­lega og lík­am­lega vellíð­an held­ur er þetta einn­ig um­hverf­i­s­væn og hag­kvæm leið til að kom­ast á milli staða.

Á síð­asta ári tóku millj­ón­ir barna frá yfir 40 lönd­um víðs veg­ar um heim­inn þátt í Göng­um í skól­ann. Hér á landi hef­ur þátt­tak­an vax­ið jafnt og þétt en fyrsta árið voru þátt­töku­skól­arn­ir 26 en 64 skól­ar skráð­ur sig til leiks Nán­ari upp­lýs­ing­ar um virk­an ferða­máta og um­ferð­ar­fræðslu má m.a. finna í Hand­bók um hreyf­ingu fyr­ir grunn­skóla, sem Embætti land­lækn­is gef­ur út og í Hand­bók í um­ferð­ar­fræðslu sem Sam­göngu­stofa gef­ur út. Hægt er að nálg­ast bæk­urn­ar ra­f­rænt á síð­un­um www.um­ferd.is og www.landla­ekn­ir.is.

Á heima­síðu Göng­um í skól­ann www.gongum­is­kol­ann.is eru all­ar nán­ari upp­lýs­ing­ar. Þar má m.a. finna skemmti­leg­ar út­færsl­ur nokk­urra skóla á Ís­landi á verk­efn­inu. Einn­ig er hægt að hafa sam­band við Sig­ríði Ingu Viggós­dótt­ur, sviðs­stjóra Al­menn­ingsí­þrótta­sviðs ÍSÍ í síma: 5144000 eða á net­fang­ið sigridur[hja]isi.is. 2013. 

Tök­um þátt