Bæjarstjórn Mosfellsbæjar samþykkti á hátíðarfundi þann 9.ágúst síðastliðinn að leggja til friðlýsingu fossa í tilefni af 25 ára kaupstaðarafmæli Mosfellsbæjar. Þeir fossar sem lagt var til að friðlýsa voru Álafoss, Tungufoss og Helgufoss. Í gær á Degi umhverfisins, skrifuðu Svandís Svavarsdóttir umhverfisráðherra, Kristín Linda Árnadóttir forstjóri Umhverfisstofnunar og Haraldur Sverrisson bæjarstjóri í Mosfellsbæ undir friðlýsingu Álafoss og Tungufoss.
Bæjarstjórn Mosfellsbæjar samþykkti á hátíðarfundi þann 9.ágúst síðastliðinn að leggja til friðlýsingu fossa í tilefni af 25 ára kaupstaðarafmæli Mosfellsbæjar. Þeir fossar sem voru lagðir til að friðlýsa voru Álafoss, Tungufoss og Helgufoss. Í gær á Degi umhverfisins, skrifuðu Svandís Svavarsdóttir umhverfisráðherra, Kristín Linda Árnadóttir forstjóri Umhverfisstofnunar og Haraldur Sverrisson bæjarstjóri í Mosfellsbæ undir friðlýsingu Álafoss og Tungufoss.
Hinn sögufrægi Álafoss í Varmá rennur í gegnum Álafosskvos í Mosfellsbæ. Varmá er á náttúrurmynjaskrá frá upptökum til ósa en áin og fossinn tengjast ríkulega atvinnu- og íþróttasögu Mosfellsbæjar. Svæðið sem er fjölsótt útivistarsvæði hefur sögu- og fræðslugildi. Ullarvinnsla hófst við Álafoss árið 1896 og vegna starfseminnar var áin stífluð ofan við fossinn. Myndaðist þá talsvert dýpi í ylvolgri Varmánni sem notað var til sundiðkunar og dýfinga. Enn má sjá leifar af tveimur dýfingarpöllum ofan við fossinn sem og stíflunni.
Tungufoss er fallegur foss neðarlega í Köldukvísl í Mosfellsbæ á móts við Leirvogstungu. Við Tungufoss má sjá leifar af heimarafstöð sem var reist árið 1930 af bóndanum í Leirvogstungu og bræðrum hans. Nærsvæði fossins er vinsælt til útivistar.
Samtals er hið friðlýsta svæði um 2,8 hektarar að stærð. Markmið með friðlýsingunni er að vernda fossana sjálfa og minjar við og í kringum þá.
Unnið er að stofnun fólkvangs norðan Helgufoss í samstarfi við ríkið sem á landið norðan við ánna á þessum stað.