Bókverkasýning í Bókasafni Mosfellsbæjar.Verkin eru unnin af Málfríði Finnbogadóttur úr afskrifuðum bókum og blöðum. Þetta er afar sérstök sýning sem Mosfellingar ættu ekki að láta framhjá sér fara.
Bókabúgí er hugarfóstur Málfríðar Finnbogadóttur, en hún starfar sem verkefnastjóri í Bókasafni Seltjarnarness og hefur skipulagt og séð um menningarviðburði þar.
Verkin eru unnin úr afskrifuðum bókum og blöðum.
Málfríður notast við ýmiss konar brot og útskurð á blaðsíðum bókanna og býr til hina ótrúlegustu skúlptúra með samsetningum bókanna og leik að formum.
Í bókasöfnum eru blöð og bækur afskrifaðar af ýmsum ástæðum.
Hér má sjá dæmi um hvernig nýta má þetta efni til listsköpunar.
Um listamanninn:
Málfríður starfar sem verkefnastjóri á Bókasafni Seltjarnarness og sinnir þar menningarmálum svo sem tónleikahaldi, fyrirestrum, bókmenntaklúbbi, kynningu á skáldum og markaðs- og kynningarmálum.
Hún er með meistaragráðu í menningarstjórnun og hefur frá unglingsárum unnið að, skipulagt og staðið fyrir ýmsum menningar- og markaðsverkefnum bæði innan lands og utan svo sem ráðstefnum, kaupstefnum og menningarhátíðum. Í þessum verkefnum hefur hún gjarnan tekist á við ólík efni svo sem málma, steina, sand, pappír og texta! Í Bókabúgí 2011 er viðfangsefnið pappír og bækur sem hafa verið afskrifaðar – að gera nýtt úr gömlu – sýningin lýsir sköpunargleði og áhuga á efninu.
Þetta er afar sérstök sýning sem enginn Mosfellingur ætti að láta framhjá sér fara.