Sig­steinn Páls­son

Sig­steinn fædd­ist þann 16. fe­brú­ar árið 1905 í Tungu í Fá­skrúðs­firði en flutti í Mos­fells­sveit­ina árið 1936 og var þá til vinnu að Reykj­um. Hann gift­ist síð­ar Helgu Jón­ínu Magnús­dótt­ur heit­inni frá Blika­stöð­um. Þau tóku við bú­inu á Blika­stöð­um þeg­ar fað­ir Helgu lést árið 1942. Þar voru hjón­in að­al­lega með kýr og þeg­ar mest var um bú­pen­ing­inn voru þar í kring­um 100 naut­grip­ir. Arið 1973 var öll­um búrekstri á Blika­stöð­um hætt og árið 1991 keypti Reykja­vík­ur­borg Blikastaðaland­ið fyr­ir um 245 millj­ón­ir en þau kaup gengu til baka vegna þess að bæj­ar­yf­ir­völd í Mos­fells­bæn­um vildu ekki breyta lög­sögu­mörk­um. Um 10 árum seinna var það svo bygg­ing­ar­fyr­ir­tæk­ið Úlfars­fell sem keypti land­ið og þar er áætluð stór og mik­il byggð fyr­ir um 5.000 manns. Sig­steinn tel­ur land­ið vera gott fyr­ir byggð þar sem lít­ið er um úr­komu þar og fal­legt út­sýni allt um kring. Síð­ustu árin hef­ur heim­ili hans ver­ið dval­ar­heim­ili aldr­aða að Hlað­hömr­um.

Hjón­in á Blika­stöð­um

Sig­steinn hef­ur lát­ið mik­ið að sér kveða í bæj­ar­fé­lag­inu í gegn­um tíð­ina. Hann var hrepp­stjóri frá ár­inu 1964 til árs­ins 1984. Störf hans í því embætti voru að­al­lega fólg­in í bví að sinna inn­heimtu­mál­um fyr­ir sýslu­mann­inn. Helga Jón­ína, kona hans, var einn­ig í póli­tík­inni. Hún var odd­viti Mos­fells­hrepps í fjög­ur ár og einn­ig formað­ur kven­fé­lags Lága­fells­sókn­ar frá ár­inu 1951 til 1964. Sig­steinn var einn­ig sókn­ar­nefnd­ar­formað­ur í Lága­fells­sókn árin 1973-1978. Þá hef­ur Sig­steinn ver­ið dug­leg­ur í fé­lags- starf­semi hér í bæ og var hann til að mynda einn af stofn­end­um Li­ons­klúbbs Kjal­ar­nes­þings sem var stofn­að­ur þann 18. mars 1965. Þá hef­ur hann feng­ið við­ur­kenn­ingu fyr­ir að vera elsti starf­andi fé­lagi Li­ons­hreyf­ing­ar­inn­ar í heim­in­um. Sig­steinn var einn­ig með fyrstu fé­lög­un­um í karla­kór Stefn­is.

Náms­sjóð­ur Sig­steins

Þau hjón­in eign­uð­ust sam­an tvö börn. Þau eru Magnús, fyrr­ver­andi odd­viti Mos­fells­hrepps líkt og móð­ir hans og svo Kristín sem hef­ur starfað sem kenn­ari í Varmár­skóla um ára­bil. Sig­steinn stofn­aði ásamt fjöl­skyldu sinni Blikastaða­sjóð­inn árið 1999 til minn­ing­ar um konu sína og Þ. Magnús Þor­láks­son og Krist­ínu Jónatans­dótt­ur, fyrr­ver­andi ábú­end­ur á Blika­stöð­um. Þessi sjóð­ur hef­ur veitt nem­end­um sem lok­ið hafa námi hjá Land­bún­að­ar­há­skól­an­um á Hvann­eyri, styrk til áfram­hald­andi náms er­lend­is eða til rann­sókn­ar­verk­efna í land­bún­að­ar­vís­ind­um.

Ald­araf­mæl­ið

Sig­steinn hélt veg­lega veislu á 100 ára af­mæli sínu þann 16. fe­brú­ar 2005 í Hlé­garði. Þang­að lögðu leið sína um 300 manns til þess að fagna þess­um merka áfanga í lífi Sig­steins. Sig­steinn bað þar fólk um að gefa frek­ar í söfn­un­ar­bauka fyr­ir Rauða kross­inn held­ur en gjaf­ir. Með þessu fram­taki söfn­uð­ust rúm­lega 150 þús­und krón­ur sem Sig­steinn af­henti svo formanni Kjós­ar­sýslu­deild­ar Rauða kross­ins. Sig­steinn tel­ur eng­an sér­stak­an gald­ur liggja á bak við háan ald­ur sinn en seg­ist þó vita af lang­lífi í föð­urætt sinni.