Verklags­regl­ur Mos­fells­bæj­ar um ra­f­ræna vökt­un

1. gr. Til­gang­ur og gild­is­svið

Mos­fells­bær nýt­ir ra­f­ræna vökt­un hjá stofn­un­um sín­um þar sem það er tal­ið nauð­syn­legt á grund­velli ör­ygg­is eða eigna­vörslu. Ra­fræn vökt­un nær bæði til vökt­un­ar þar sem per­sónu­upp­lýs­ing­ar eru geymd­ar og hugs­an­lega unn­ar frek­ar og vökt­un­ar sem fer fram í raun­tíma án þess að fram fari söfn­un mynd­efn­is eða önn­ur vinnsla per­sónu­upp­lýs­inga.

Regl­um þess­um er ætlað að tryggja að við alla ra­f­ræna vökt­un sé gætt með­al­hófs og virð­ing­ar fyr­ir frið­helgi einka­lífs þeirra sem henni sæta.

Við ra­f­ræna vökt­un hjá stofn­un­um Mos­fells­bæj­ar skal sér­stak­lega tryggt að meg­in­regl­um 8. gr. per­sónu­vernd­ar­laga sé fylgt. Þann­ig skal vökt­un ávalt fara fram í skýr­um og mál­efna­leg­um til­gangi og þær unn­ar með sann­gjörn­um, mál­efna­leg­um og lög­mæt­um hætti. Ein­göngu sé safn­að nauð­syn­leg­um per­sónu­upp­lýs­ing­um, þær varð­veitt­ar í tak­mark­að­an tíma og þann­ig að ör­yggi þeirra sé tryggt. Ra­fræn vökt­un bygg­ir á lög­mæt­um hags­mun­um Mos­fells­bæj­ar, sbr. 6. tl. 9. gr. laga um per­sónu­vernd og vinnslu per­sónu­upp­lýs­inga nr. 90/2018.

Regl­ur þess­ar eru sett­ar til sam­ræm­is við lög um per­sónu­vernd og vinnslu per­sónu­upp­lýs­inga, nr. 90/2018, og regl­ur Per­sónu­vernd­ar nr. 50/2023, um ra­f­ræna vökt­un og með­ferð per­sónu­upp­lýs­inga sem verða til við ra­f­ræna vökt­un.

Regl­ur þess­ar skulu gilda um alla ra­f­ræna vökt­un hjá stofn­un­um Mos­fells­bæj­ar og skulu birt­ar op­in­ber­lega.

2. gr. Um­fang ra­f­rænn­ar vökt­un­ar og til­gang­ur

Til­gang­ur með ra­f­rænni vökt­un með ör­ygg­is­mynda­vél­um er að varna að eig­ur Mos­fells­bæj­ar séu skemmd­ar, þeim sé stol­ið, að far­ið sé um bygg­ing­ar í leyf­is­leysi og til að auka ör­yggi á þess­um svæð­um.

Sta­f­ræn­ar mynda­vél­ar eru ein­ung­is sett­ar upp hjá stofn­un­um Mos­fells­bæj­ar þeg­ar það er tal­ið nauð­syn­legt að við­hafa ra­f­ræna vökt­un á grund­velli ör­ygg­is og/eða eigna­vörslu. Ein­stak­ling­um skal gert við­vart um rafæna vökt­un með áber­andi skilti, áður en þeir koma inn á vaktað svæði, þar sem ein­stak­ling­um er m.a. gert kleift að kynna sér regl­ur þess­ar.

Til­gang­ur með upp­töku síma­tala er að gæta lög­mætra hags­muna Mos­fells­bæj­ar og tryggja ör­yggi starfs­manna. Þeir að­il­ar sem sæta upp­töku skulu upp­lýst­ir um að sím­tal sé eða kunni að vera hljóð­ritað. Til­gang­ur upp­tök­unn­ar er að vernda hags­muni Mos­fells­bæj­ar og þeirra sem nýta sér þjón­ustu bæj­ar­ins t.d. með því að geta fært sönn­ur á efni sam­tala sem kunna að hafa þýð­ingu fyr­ir rétt­indi eða skyld­ur Mos­fells­bæj­ar, þjón­ustu­þega bæj­ar­ins, við­skipta­manna bæj­ar­ins eða ann­arra sem kunna að eiga hags­muna að gæta í sam­skipt­um sín­um við bæj­ar­fé­lag­ið. Þá er upp­tök­um á sím­töl­um einn­ig ætlað að vernda starfs­menn sveit­ar­fé­lags­ins gegn hót­un­um sem þeir kunna að sæta í tengsl­um við störf sín til að tryggja ör­yggi þeirra.

3. gr. Skoð­un per­sónu­upp­lýs­inga sem verða til við ra­f­ræna vökt­un

Per­sónu­upp­lýs­ing­ar sem verða til við ra­f­ræna vökt­un eru ein­göngu skoð­að­ar ef upp koma at­vik er varð­ar eign­ar­vörslu og/eða ör­yggi ein­stak­linga, s.s slys, þjófn­að­ur, skemmd­ar­verk eða hót­an­ir, eða ef upp kem­ur ágrein­ing­ur sem varð­ar rétt­indi eða skyld­ur sveit­ar­fé­lags­ins eða þeirra sem eiga í sam­skipt­um við sveit­ar­fé­lag­ið og hafa hags­muna að gæta.

Ein­ung­is for­stöðu­menn stofn­ana Mos­fells­bæj­ar eða nán­ar til­greind­ir starfs­menn út­nefnd­ir af þeim skulu hafa að­g­ang að ra­f­rænni vökt­un skulu hafa hann. Starfs­menn sem þurfa að hafa að­g­ang að vökt­un­inni skulu bundn­ir trún­að­ar- og þagn­ar­skyldu skv. X. kafla stjórn­sýslu­laga.

Öll skoð­un á efni sem verð­ur til við ra­f­ræna vökt­un Mos­fells­bæj­ar skal vera skrá­sett og skulu ávallt að lág­marki tveir starfs­menn, sem hafa að­g­ang að vökt­un­inni, vera við­stadd­ir skoð­un­ina.

Ef upp kem­ur at­vik sem þarfn­ast skoð­un­ar og skoð­un leið­ir í ljós at­vik þar sem ólögráða ein­stak­ling­ur á í hlut, skal hafa sam­band við for­ráða­menn við­kom­andi og bjóða þeim að vera við­stadd­ir skoð­un­ina svo fremi sem kost­ur er.

Ef að­ili sem sætt hef­ur ra­f­rænni vökt­un ósk­ar eft­ir að fá að skoða gögn, skulu starfs­menn Mos­fells­bæj­ar, sem hafa að­g­ang að vökt­un­inni, skoða um­rædda upp­töku og ganga úr skugga um að upp­tak­an sé af við­kom­andi. Ef svo er skal verða við þeirri beiðni eigi síð­ar en inn­an eins mán­að­ar frá mót­töku beiðn­ar. Ef að­r­ir ein­stak­ling­ar eru per­sónu­grein­an­leg­ir á við­kom­andi upp­töku skal þeim til­kynnt um að upp­taka sem inni­held­ur mynd­efni af þeim sé til skoð­un­ar og þeim einn­ig boð­ið að skoða upp­tök­una.

Ef ágrein­ing­ur skap­ast um vinnslu efn­is sem safn­ast við ra­f­ræna vökt­un, t.d um lög­mæti vökt­un­ar, fræðslu eða rétt til að skoða gögn sem safn­ast, skal leita ráð­gjaf­ar per­sónu­vernd­ar­full­trúa Mos­fells­bæj­ar. Ef enn er til stað­ar ágrein­ing­ur er skal leita til Per­sónu­vernd­ar sem get­ur lagt fyr­ir Mos­fells­bæ að varð­veita upp­tök­ur þar til nið­ur­staða henn­ar ligg­ur fyr­ir.

4. gr. Varð­veisla per­sónu­upp­lýs­inga sem verða til við ra­f­ræna vökt­un

Óheim­ilt er að varð­veita per­sónu­upp­lýs­ing­ar sem verða til við ra­f­ræna vökt­un leng­ur en í 30 daga nema að lög heim­ili það eða dóms­úrskurð­ur liggi fyr­ir. Mos­fells­bær trygg­ir því eyð­ingu eða yf­ir­skrift á sta­f­ræn­um upp­tök­um þeg­ar 30 daga varð­veislu er náð.

Heim­ilt að varð­veita mynd­efni ef upp kem­ur at­vik þar sem lík­legt er að varði trygg­inga­mál, refsi­verða hátt­semi eða er að öðr­um kosti nauð­syn­legt til að stofna til, hafa í frammi eða verjast rétt­ar­kröf­um eða sam­bæri­leg­um kröf­um. Get­ur það t.d. átt við þeg­ar slys verð­ur á fólki eða tjón á mun­um eða hús­næði.

5. gr. Af­hend­ing per­sónu­upp­lýs­inga sem verða til við ra­f­ræna vökt­un

Mos­fells­bær miðl­ar ekki per­sónupp­lýs­ing­um sem verða til við ra­f­ræna vökt­un nema með skýru sam­þykki við­kom­andi, ef mælt er fyr­ir um miðlun upp­lýs­ing­anna í lög­um og þeim til­vik­um sem falla und­ir ákvæði þess­ar­ar grein­ar.

Mos­fells­bæ er skylt að af­henda lög­reglu efni sem verð­ur til við ra­f­ræna vökt­un ef upp­lýs­ing­ar varða slys eða meint­an refsi­verð­an verkn­að.

Mos­fells­bær kann að miðla upp­lýs­ing­um ef þær eru nauð­syn­leg­ar ein­um eða fleiri hinna skráðu til að krafa verði af­mörk­uð, sett fram eða varin vegna dóms­máls eða ann­arra slíkra laganauð­synja, t.d. þeg­ar trygg­inga­fé­lag tek­ur af­stöðu til bóta­skyldu.

Mos­fells­bær kann einn­ig að miðla upp­lýs­ing­um ef ákvörð­un Per­sónu­vernd­ar um miðlun upp­lýs­ing­anna ligg­ur fyr­ir.

6. gr. Ábend­ing­ar og and­mæli varð­andi fram­kvæmd vökt­un­ar

Hafa skal sam­band við per­sónu­vernd­ar­full­trúa Mos­fells­bæj­ar ef ein­hverj­ar ábend­ing­ar eða and­mæli eru vegna fram­kvæmd vökt­un­ar, með því að senda tölvu­póst á per­sonu­vernd@mos.is eða í síma: 525-6700.

7. gr. Ör­ygg­is­mynda­vél­ar í Mos­fells­bæ í sam­starfi við lög­reglu og Neyð­ar­línu

Regl­ur þess­ar gilda ekki um þær ör­ygg­is­mynda­vél­ar sem hafa ver­ið sett­ar upp í sam­starfi við lög­reglu og Neyð­ar­lín­una. Er að­koma Mos­fells­bæj­ar við þá vökt­un ein­göngu tak­mörk­uð við kaup á bún­aði og upp­setn­ingu.

 

Sam­þykkt á 1622. fundi bæj­ar­ráðs Mos­fells­bæj­ar 18. apríl 2024.

Stað­fest á 849. fundi bæj­ar­stjórn­ar Mos­fells­bæj­ar 24. apríl 2024.