Opn­ir fund­ir nefnda

Regl­ur vegna op­inna funda nefnda Mos­fells­bæj­ar.

Regl­ur þess­ar eru sett­ar með vís­an til 46. grein­ar sveit­ar­stjórn­ar­laga nr. 138/2011 um fundi nefnd­ar og álykt­un­ar­hæfi. Til­gang­ur sem setn­ingu þess­arra reglna er m.a. að stuðla að op­inni og gegn­særri stjórn­sýslu Mos­fells­bæj­ar í anda lýð­ræð­is­stefnu bæj­ar­ins.

1. gr.

Regl­ur þess­ar gilda um all­ar fasta­nefnd­ir Mos­fells­bæj­ar sam­kvæmt sam­þykkt þess­ari. Fund­ir nefnda skulu al­mennt haldn­ir fyr­ir lukt­um dyr­um, en heim­ilt er þó nefnd að opna fundi sína komi fram ósk um slíkt sbr. 2. gr. og svo fremi lög eða eðli máls hamli því ekki. Um opna fundi nefnda, álykt­un­ar­hæfi þeirra, at­kvæða­greiðsl­ur o.fl. gilda ákvæði sveit­ar­stjórn­ar­laga eft­ir því sem við get­ur átt.

2. gr.

Rétt kjör­inn nefnd­ar­mað­ur/menn sem sæti á í við­kom­andi nefnd get­ur óskað eft­ir því að fund­ur nefnd­ar verði op­inn. Á sama hátt geta bæj­ar­ráð og bæj­ar­stjórn óskað eft­ir því við við­kom­andi nefnd að hún haldi op­inn fund í þeim til­gangi að stuðla að op­inni og gegn­særri stjórn­sýslu og til að veita inn­sýn í starf og verk­efni við­kom­andi nefnd­ar, allt í anda lýð­ræð­is­stefnu Mos­fells­bæj­ar um auk­ið gagn­sæi og upp­lýsta starfs­hætti.

Komi fram ósk um op­inn fund skv. þess­ari grein skal óskin vera á dagskrá næsta fund­ar nefnd­ar­inn­ar þar sem taka skal ákvörð­un um fram­komna ósk sbr. 3. gr.

3. gr.

Ákvörð­un um að opna fund nefnd­ar skal tekin á sett­um og lög­leg­um fundi nefnd­ar og næg­ir ein­fald­ur meiri­hluti at­kvæða til ákvörð­un­ar­inn­ar. Sam­hliða ákvörð­un um op­inn fund skal nefnd­in taka af­stöðu til þess hvort og þá með hvaða hætti fund­ar­gest­um gefst kost­ur á að taka þátt í fund­in­um s.s. að taka til máls um ein­stök dag­skrár­mál, að leggja fram til­lögu að af­greiðslu ein­stakra dag­skrár­mála o.sv.fr. Geta skal þess sér­stak­lega í fund­ar­boði að við­kom­andi nefnd­ar­fund­ur verði op­inn. Að öðru leyti gild­ir um boð­un op­inna funda, sömu regl­ur og al­mennt gilda um boð­un funda hjá Mos­fells­bæ með vís­an til ákvæða III. kafla sveit­ar­stjórn­ar­laga um sveit­ar­stjórn­ar­fundi.

4. gr.

Á opn­um fundi nefnd­ar sam­kvæmt regl­um þessu skal þess gætt að regl­ur um þagn­ar­skyldu standi því ekki í vegi að fjallað sé um til­tekin er­indi á opn­um fundi nefnd­ar. Af þessu leið­ir að koma kann til þess að stilla verð­ur í hóf fjölda op­inna funda nefnda allt eft­ir verk­efn­um þeirra og eðli, en þó skal kapp­kosta að halda a.m.k. einn op­inn fund á hverju almanaks­ári í sam­ræmi við lýð­ræð­is­stefnu Mos­fells­bæj­ar.

Sam­þykkt á 621. fundi bæj­ar­stjórn­ar Mos­fells­bæj­ar þann 26. fe­brú­ar 2014.