Kjör á íþrótta­fólki Mos­fells­bæj­ar

1. gr. Hæfi

Íþrótta- og tóm­stunda­nefnd Mos­fells­bæj­ar (ÍTM) skal í lok hvers árs gang­ast fyr­ir út­nefn­ingu á Íþrótta­fólki Mos­fells­bæj­ar í karla og kvenna­flokki og skulu þau valin úr hópi ein­stak­linga 16 ára og eldri sem eiga lög­heim­ili í Mos­fells­bæ.

2. gr. Til­nefn­ing og kjör

Íþrótta­fólk Mos­fells­bæj­ar skal koma úr röð­um starf­andi íþrótta­fé­laga, deilda íþrótta­fé­laga inn­an Mos­fells­bæj­ar eða frá fé­lög­um utan Mos­fells­bæj­ar. Íþrótta­fé­lag­ið skal vera inn­an vé­banda Íþrótta­sam­bands Ís­lands (ÍSÍ). Íþrótta­fé­lög skila inn rök­studd­um til­nefn­ing­um til ÍTM fyr­ir 30. nóv­em­ber ár hvert. Fé­lög­um er heim­ilt að til­nefna einn kepp­anda í karla­flokki og einn úr kvenna­flokki,16 ára og eldri, fyr­ir hverja grein sem stund­uð er hjá við­kom­andi íþrótta­fé­lagi. ÍTM er jafn­framt heim­ilt að til­nefna íþrótta­fólk ef ástæða þyk­ir til

ÍTM sér um und­ir­bún­ing á kjöri Íþrótta­fólks Mos­fells­bæj­ar og skal kalla eft­ir til­nefn­ing­um frá stjórn­um íþrótta­fé­laga í Mos­fells­bæ.

Aðal- og vara­mönn­um ÍTM og íþrótta­full­trúa Mos­fells­bæj­ar er heim­ilt að til­nefna til kjörs á íþrótta­fólki aðra en þá sem íþrótta­fé­lög­in hafa til­nefnt.

Komi út­nefn­ing frá tveim­ur fé­lög­um í sömu íþrótta­grein er ÍTM heim­ilt að leita til við­kom­andi sér­sam­bands inn­an ÍSÍ um álit.

Öll­um til­nefn­ingu skal fylgja grein­ar­gerð um íþrótta­leg af­rek og ann­að það sem ger­ir við­kom­andi að framúrsk­ar­andi íþrótta­mann­eskju.

Kjör­ið fer þann­ig fram að að­al­menn í ÍTM velja 10 úr karla­flokki og 10 úr kvenna­flokki úr inn­send­um til­nefn­ing­um sem kos­ið er á milli með tvenn­um hætti. Ann­ars veg­ar fer fram ra­fræn íbúa­kosn­ing milli fyrr­nefnds íþrótta­fólks sem gild­ir 40% á móti kjöri að­al­full­trúa ÍTM skv. sér­stakri vinnu­reglu þar að lút­andi. Standi tvennt efst og jafnt að kjöri loknu, kjósa að­al­full­trú­ar ÍTM milli þeirra tveggja að nýju. Nið­ur­staða kjörs­ins er síð­an kunn­gjörð í janú­ar ár hvert.

Til­nefn­ing­ar eru all­ar birt­ar á vef Mos­fells­bæj­ar.

Íbú­um Mos­fells­bæj­ar gefst kost­ur á að velja Íþrótta­fólk Mos­fells­bæj­ar með ra­f­rænni kosn­ingu á vef bæj­ar­ins.

Aðal- og vara­menn ÍTM fara yfir til­nefn­ing­ar og velja Íþrótta­fólk Mos­fells­bæj­ar með hlið­sjón af inn­send­um grein­ar­gerð­um.

3. gr. Verð­laun og við­ur­kenn­ing­ar

Af­hend­ing sæmd­ar­heit­is­ins Íþrótta­fólks árs­ins í Mos­fells­bæ skal fara fram með við­höfn í upp­hafi árs. Veita skal far­and­bik­ar og eign­ar­bik­ar til Íþrótta­fólks árs­ins.

Við sama tæki­færi skal veita heið­ur­svið­ur­kenn­ing­ar til

• Sjálf­boða­liða árs­ins
• Þjálf­ara árs­ins
• Liðs árs­ins

Regl­ur þess­ar eru sett­ar sam­kvæmt sam­þykkt bæj­ar­stjórn­ar Mos­fells­bæj­ar frá 816. fundi þann 23.11.2022.