Ó!Rói - fjöl­skyldu­smiðja með ÞYKJÓ

Ó!Rói er skap­andi smiðja fyr­ir börn og fjöl­skyld­ur þeirra með hönn­un­art­eym­inu ÞYKJÓ. Smiðj­an hent­ar börn­um í fylgd full­orð­inna frá 4 ára aldri og fer fram í Bóka­safni Mos­fells­bæj­ar laug­ar­dag­inn 25. janú­ar kl. 13-15.

Við opn­um skiln­ing­ar­vit­in okk­ar mjúk­lega á nýju ári og för­um skap­andi hönd­um um þann nátt­úru­lega efni­við sem við get­um fund­ið í nærum­hverf­inu á þess­um árs­tíma. Við óróa­gerð æfum við sjálfa jafn­væg­islist­ina og lær­um hvern­ig ólík­ir hlut­ir geta myndað eina sam­hang­andi heild.

Ekki þarf að skrá sig sér­stak­lega í smiðj­una, að­gang­ur er ókeyp­is og öll hjart­an­lega vel­komin á með­an húsrúm leyf­ir.

ÞYKJÓ er þverfag­legt teymi hönn­uða sem vinna fyr­ir börn og fjöl­skyld­ur þeirra á sviði upp­lif­un­ar­hönn­un­ar, inn­setn­inga og vöru­hönn­un­ar.

Hönn­un­ar­starf þeirra mið­ar að því að örva ímynd­un­ar­afl og sköp­un­ar­kraft barna í sam­starfi við mennta- og menn­ing­ar­stofn­an­ir.

Á með­al ný­legra verk­efna er inn­setn­ing­in Hljóð­himn­ar í Hörpu, hús­gagnalín­urn­ar Kyrrð­ar­rými og Hreið­ur og þátt­töku­verk­efn­ið Gullplat­an: Send­um tónlist út í geim!

ÞYKJÓ hlaut Hönn­un­ar­verð­laun­in árið 2024 og var einn­ig til­nefnt til sömu verð­launa 2021 og 2022. Eins hlaut teym­ið til­nefn­ingu til al­þjóð­legu YAM verð­laun­anna.