Dagana 19. – 22. júní verður hátíðin Barnadjass í Mosó haldin í þriðja sinn! Haldnir verða fernir tónleikar þar sem tónlistarfólk á aldrinum 8-15 ára kemur fram.
Opnunartónleikar verða haldnir í Hlégarði fimmtudaginn 19. júní kl. 19:00. Þá verður hátíðin Barnadjass í Mosó sett með pompi og prakt og frumflutt nýtt lag eftir Sunnu Gunnlaugs.
Þar koma fram:
Gestgjafar hátíðarinnar, Djasskrakkar:
Edda Margrét Jonasdóttir, 11 ára – klarinett, Emil Huldar Jonasson, 13 ára – píanó, Helga Margrét Einarsdóttir, 10 ára – trommur, Rakel Elaisa Allansdóttir, 11 ára – trompet, Sigríður Sóllilja Einarsdóttir, 15 ára – kontrabassi og Svandís Erla Pétursdóttir, 14 ára – saxófónn.
Ísfirskir gestir:
Laufey Þuríður Hálfdánsdóttir, 9 ára – píanó og Vilborg – trompet.
Erlendir gestir:
Vilde Paulsen Tosterud, 12 ára – trommur og Elsa Johanna Lie, 13 ára – saxófónn báðar frá Noregi og frá Færeyjum koma Jasmin á Stongunum, 11 ára – Saxófónn og Natalia Mary Á Høgabóli, 12 ára – klarinett.
Öll undir stjórn Odd André Elveland frá Noregi og Haruna Koyamada frá Japan.
Sérstakur gestur opnunartónleikanna verður Sunna Gunnlaugsdóttir, tónskáld og jazzpíanisti. Hún stjórnar frumflutningi á nýju lagi sínu Sumar mars.
Á tónleikunum verða fluttir djass- og blússtandardar auk nokkurra dægurlaga. Við lofum krassandi sólóum.
Ekki missa af þessu einstaka tækifæri að heyra í djassgeggjurum framtíðarinnar spila.
Listrænn stjórnandi hátíðarinnar er Odd André Elveland en hann er norskur djasstónlistarmaður og rekur tónlistarskólann Improbasen i Osló. Hann hefur þróað aðferðir til að kenna ungum börnum að spila djass eftir eyranu og að improvisera og unnið með börnum víðsvegar um heiminn. Árlega stendur hann fyrir tónlistarhátíðinni Kids in jazz í Osló og sækir hátíðin okkar innblástur þaðan.
Eftirtaldir aðilar styrkja hátíðina:
Mosfellsbær, Barnamenningarsjóður, Nordisk kulturkontakt, menningarsjóður FÍH og ÍAV.