Hoppa í meginmál
mos.is - Forsíða

    Lista­sal­ur Mos­fells­bæj­ar býð­ur öll vel­komin á opn­un sýn­ing­ar­inn­ar „Alltof mik­il nátt­ura“ eft­ir Þor­gerði Jör­unds­dótt­ur, laug­ar­dag­inn 29. júní kl. 14-16.

    Sýn­ing­in „Alltof mik­il nátt­úra“ er beint fram­hald sýn­ing­ar­inn­ar „Of mik­il nátt­úra“ þar sem áfram er leit­ast við að fjalla um líf­fræði­lega fjöl­breytni nátt­úr­unn­ar á tím­um ham­fara­hlýn­un­ar. Við sem til­heyr­um mann­kyn­inu vilj­um gjarn­an gleyma því að við erum hluti þess­ar­ar teg­unda­flóru sem bygg­ir þessa jörð. Við erum líf­ver­ur og háð um­hverf­inu rétt eins og all­ar að­r­ar líf­ver­ur. Áhrif okk­ar á nátt­úr­una og allt um­hverf­ið eru nú orð­in slík að talað er um mannöld.

    Verkin á sýn­ing­unni eru bæði tví­víð mynd­verk og einn­ig þrívíð verk. Mynd­verkin eru ann­ars veg­ar unn­in með bleki en svo teikn­að ofan í með tússi og hins veg­ar blý­antsteikn­ing­ar.

    Þor­gerð­ur Jör­unds­dótt­ir er fædd í Reykja­vík árið 1969 og stund­aði nám við Mennta­skól­ann í Reykja­vík og frönsku­nám í Uni­versité de Caen í Frakklandi. Hún lauk námi við skúlp­túr­deild MHÍ 1999 og BA í heim­speki við Há­skóla Ís­lands 1995.

    Netspjall

    Opið virka daga
    mán. – fim. 8:00-16:00
    fös. 8:00-14:00

    Þjónustuver 525-6700

    Opið virka daga
    mán. – fim. 8:00-16:00
    fös. 8:00-14:00