Opið frá 1. júní til 1. september.
Staðsetning
Tjaldsvæðið við Skálabraut í Mosfellsbæ er staðsett í hjarta bæjarins, norðan við íþróttamiðstöðina á Varmársvæðinu, með fallegu útsýni yfir neðri hluta Varmár, Leirvoginn og Leirvogsána.
Aðstaða
- Á tjaldstæðinu er aðstaða fyrir tjöld, tjaldvagna, fellihýsi, hjólhýsi og húsbíla.
- Tjaldstæðið er við Varmárskóla og Varmárlaug og er baðaðstaða í lauginni.
- Við tjaldstæðið er salernisaðstaða, vatn og rafmagn.
Aðgangur | |
---|---|
Fullorðnir | 1.500 kr. pr. nótt |
Ellilífeyrisþegar | 1000 kr. pr. nótt |
Börn undir 12 ára aldri | Frítt |
Rafmagn | |
Almennt verð | 1000 kr. |
Ellilífeyrisþegar | 500 kr. |
Umsjón
Tjaldsvæðið er í umsjá starfsmanna Vinnuskóla Mosfellsbæjar. Ekki er full gæsla á svæðinu og ekki næturvarsla.
Gestir geta greitt tjaldsvæðavörðum þegar þau koma á svæðið tvisvar á dag, þess á milli þarf að fara í afgreiðslu sundlaugarinnar að Varmá og greiða dvalargjöld þar.
Neyðarsími: 690-9297
Reglur og hagnýtar upplýsingar
- Tjaldsvæðið er fjölskyldusvæði og yngri en 18 ára skulu vera með forráðamanni. Við sérstakar aðstæður geta aldurstakmörk verið hærri.
- Bannað er að tæma ferðasalerni í salerni tjaldsvæðisins. Það skal gert á stöðum með aðstöðu til þess.
- Gestum ber að greiða dvalargjöld eins fljótt og auðið er við komu á tjaldsvæðið.
- Umferð ökutækja á tjaldsvæðinu á að vera í lágmarki og er takmörkuð við akstur inn og út af svæðinu.
- Ekki má rjúfa næturkyrrð, vera með háreysti eða valda óþarfa hávaða með umferð eða öðru.
- Virða ber næturkyrrð milli kl. 23:00 og 08:00.