Barna­vernd

Starfs­fólk fjöl­skyldu­sviðs tek­ur við til­kynn­ing­um í síma 525-6700 og utan dag­vinnu­tíma tek­ur 112 við til­kynn­ing­um.

Barna­vernd­ar­lög nr. 80/2002 leggja þær skyld­ur á al­menn­ing að gera barna­vernd­ar­nefnd við­vart ef þess verð­ur vart að barn búi við óvið­un­andi upp­eldis­að­stæð­ur, verði fyr­ir áreitni eða of­beldi eða stofni heilsu sinni og þroska í al­var­lega hættu, er skylt að til­kynna það fjöl­skyldu­nefnd. Sér­stak­ar skyld­ur eru lagð­ar á lög­reglu og þá sem hafa af­skipti af börn­um svo sem kenn­ara, dag­mæð­ur, presta, lækna, ljós­mæð­ur, hjúkr­un­ar­fræð­inga, sál­fræð­inga og fé­lags­ráð­gjafa um að til­kynna slík mál til barna­vernd­ar­nefnd­ar.

Sá sem til­kynn­ir um van­rækslu barns eða óvið­unn­andi mis­fell­ur á upp­eldi þess get­ur ósk­ar nafn­leynd­ar. Það á þó ekki við gagn­vart barna­vernd­ar­nefnd og starfs­mönn­um nefnd­ar­inn­ar.

Þeg­ar borist hef­ur til­kynn­ing eða upp­lýs­ing­ar um að barn eða ófætt barn kunni að vera í hættu, er fyrst kann­að hvort um rök­studd­an grun er að ræða. Í flest­um til­vik­um hefst könn­un hjá þeim sem best þekkja til, þ.e. for­eldr­um barns­ins og barn­inu sjálfu. Í fram­haldi af því er leit­að upp­lýs­inga hjá öðr­um sem þekkja barn­ið, um líð­an þess og að­stæð­ur. For­eldr­um er í flest­um til­fell­um greint frá því að hald­ið sé uppi fyr­ir­spurn­um um barn.

For­eldr­ar barns eða aðr­ir þeir, sem eru barn­inu ná­komn­ir geta skot­ið úr­skurði barna­vernd­ar­nefnd­ar til úr­skurð­ar­nefnd­ar vel­ferð­ar­mála.

Stjórn­sýslukæra frest­ar ekki réttaráhrif­um ákvörð­un­ar.

Kæru­frest­ur vegna stjórn­valdsákvarð­ana barna­vernd­ar­nefnda og Barna­vernd­ar­stofu er fjór­ar vik­ur frá því að að­ila máls var til­kynnt um ákvörð­un.