Breyt­ing á heil­brigðis­eft­ir­lits­svæð­um

Af­greiðsla 1516. fund­ar bæj­ar­ráðs sam­þykkt á 796. fundi bæj­ar­stjórn­ar með níu at­kvæð­um.

Bæj­ar­ráð sam­þykk­ir með þrem­ur at­kvæð­um fyr­ir­liggj­andi sam­þykkt fyr­ir sam­ein­að Heil­brigðis­eft­ir­lit fyr­ir Kópa­vog, Hafn­ar­fjörð, Garða­bæ, Mos­fells­bæ og Seltjarn­ar­nes sem taki til starfa 1. janú­ar 2022.

Af­greiðsla 1494. fund­ar bæj­ar­ráðs sam­þykkt á 786. fundi bæj­ar­stjórn­ar með níu at­kvæð­um.

Til­kynn­ing­in lögð fram til kynn­ing­ar.

Bók­un V- og D-lista
Sam­ein­að heil­brigðis­eft­ir­lit Hafna­fjarð­ar, Garða­bæj­ar, Kópa­vogs, Seltjarn­ar­ness og Mos­fells­bæj­ar fel­ur í sér betra og sterk­ara heil­brigis­eft­ir­lit fyr­ir þessi bæj­ar­fé­lög og um­tal­verða hag­ræð­ingu fyr­ir Mos­fells­bæ og Seltjarn­ar­nes. Fag­lega verð­ur heil­brigðis­eft­ir­lit­ið sterk­ara, tæki­færi til meiri sér­hæf­ing­ar aukast og lögð verð­ur áhersla á stað­bundna þekk­ingu sem nýt­ist sveit­ar­fé­lög­un­um á hverj­um stað. Gert er ráð fyr­ir að sam­ein­að heil­brigðis­eft­ir­lit geti veitt Íbú­um, fyr­ir­tæk­um og stofn­un­um betri og viða­meiri þjón­ustu. Fjár­hag­leg hag­ræð­ing verð­ur einn­ig tölu­verð fyr­ir Mos­fells­bæ og Seltjarn­ar­nes. Því telja bæj­ar­full­trú­ar V- og D- lista sam­ein­ing heil­brigðis­eft­ir­lit­anna skyn­sam­lega ákvörð­un sem bæði fel­ur í sér betri þjón­ustu og minni kostn­að.

Bók­un M-lista
Full­trúi Mið­flokks­ins árétt­ar sam­þykki sitt á þessu fyr­ir­komu­lagi í ljósi þeirr­ar væntu hag­ræð­ing­ar sem fæst með stærra heil­brigðis­eft­ir­liti. Hins veg­ar virð­ist þessi frem­ur hafa leg­ið í þeirri ástæðu að full­trúi sjálf­stæð­is­flokks­ins laut í lægra haldi þeg­ar sóst var eft­ir for­mennsku í Heil­brigð­is­nefnd Kjósa­svæð­is. Full­trúi Mið­flokks­ins náði kjöri sem formað­ur nefnd­ar­inn­ar og hef­ur starf henn­ar ver­ið af­burða góð á þessu kjör­tíma­bili, skil­virk. Starfs­mönn­um Heil­brigðis­eft­ir­lits Kjósa­svæð­is, fyrr og síð­ar, er þakkað fyr­ir óeig­ingjarnt starf um ára­bil.

***

Af­greiðsla 1487. fund­ar bæj­ar­ráðs sam­þykkt á 782. fundi bæj­ar­stjórn­ar með níu at­kvæð­um.

Gerð var grein fyr­ir við­ræð­um full­trúa sveit­ar­fé­lag­anna Hafn­ar­fjarð­ar, Kópa­vogs, Garða­bæj­ar, Mos­fells­bæj­ar og Seltjarn­ar­ness um sam­eig­in­legt heil­brigðis­eft­ir­lit og kynnt drög að sam­eig­in­legri fjár­hags­áætlun og drög að sam­þykkt­um fyr­ir nýtt eft­ir­lit­svæði. Bæj­ar­ráð sam­þykk­ir með þrem­ur at­kvæð­um að Mos­fells­bær taki þátt í sam­ein­uðu eft­ir­lits­svæði og sam­þykk­ir fyr­ir­liggj­andi drög að sam­þykkt­um fyr­ir nýtt heil­brigðis­eft­ir­lit. Jafn­framt sam­þykkt að sam­ein­uðu eft­ir­liti verði fal­ið eft­ir­lit með hunda­haldi í Mos­fells­bæ.

Bók­un M-lista:
Með þessu mun enn ein stofn­un­in vænt­an­lega hverfa úr Mos­fells­bæ. Slíkt rýr­ir þjón­ustu við Mos­fell­inga. Því sit­ur full­trúi Mið­flokks­ins hjá.

Bók­un D- og V-lista:
Sú staða sem upp er komin i heil­brigð­is­nefnd Kjósa­svæð­is und­ir for­mennsku Mið­flokks­ins i Mos­fells­bæ kall­ar á að brýnt er að gera breyt­ing­ar á skipu­lagi eft­ir­lits­ins. Það er von okk­ar að þær breyt­ing­ar muni stuðla að öfl­ugra og skil­virk­ara eft­ir­liti og mun það lækka kostn­að Mos­fells­bæj­ar i mála­flokkn­um veru­lega.

Verði af breyt­ing­un­um hef­ur eng­in ákvörð­un ver­ið tekin með áfram­hald­andi starfstöð stærra og öfl­ugra eft­ir­lits i Mos­fells­bæ.

Gagn­bók­un M-lista:
Full­trúi D-lista frá Mos­fells­bæ hlaut ekki kjör í for­manns­stól í Heil­brigð­is­nefnd Kjósa­svæð­is en full­trúi Mið­flokks­ins var kjör­inn formað­ur og hef­ur sam­st­arf við önn­ur sveit­ar­fé­lög geng­ið vel. Því mið­ur virð­ist erg­elsi meiri­hlut­ans í Mos­fells­bæ enda með þess­um hætti gegn hag­mun­um íbúa bæj­ar­ins.

***
Af­greiðsla 1470. fund­ar bæj­ar­ráðs sam­þykkt á 774. fundi bæj­ar­stjórn­ar með átta at­kvæð­um. Bæj­ar­full­trúi M-lista sat hjá við at­kvæða­greiðsl­una.

Sam­þykkt með þrem­ur at­kvæð­um að fela bæj­ar­stjóra og lög­manni Mos­fells­bæj­ar að fara með hags­muni Mos­fells­bæj­ar í við­ræð­um við Garða­bæ, Kópa­vogs­bæ, Hafn­ar­fjörð og Seltjarn­ar­nes­bæ um breyt­ingu á heil­brigðis­eft­ir­lits­svæði Hafn­ar­fjarð­ar- og Kópa­vogs.

Fyrri sam­þykkt bæj­ar­stjórn­ar Mos­fells­bæj­ar á sam­starfs­samn­ingi er nið­ur fallin í ljósi af­stöðu hrepps­nefnd­ar Kjósa­hrepps og bæj­ar­stjórn­ar Seltjarn­ar­nes­kaup­stað­ar.

Til­lögu að breyt­ing­um á sam­þykkt um stjórn Mos­fells­bæj­ar hafn­að með 9 at­kvæð­um að lok­inni síð­ari um­ræðu.

Fram kom á síð­asta fundi bæj­ar­stjórn­ar til­laga um að bæj­ar­stjórn Mos­fells­bæj­ar sam­þykkti að fela bæj­ar­stjóra að gera ráð­staf­an­ir til að draga Mos­fells­bæ úr sam­starfi við Seltjarn­ar­nes­kaup­stað og Kjós­ar­hrepp um starf­rækslu heil­brigðis­eft­ir­lits. Þess verði far­ið á leit við ráðu­neyti um­hverf­is og auð­linda­mála með vís­an til heim­ild­ar í 4. mgr. 45. gr. laga nr. 7/1998 um holl­ustu­hætti og meng­un­ar­varn­ir að eft­ir­lits­svæði 10 (Kjós­ar­svæði) verði lagt nið­ur í nú­ver­andi mynd. Mos­fells­bær verði færð­ur í eft­ir­lits­svæði 9 (Hafn­ar­fjarð­ar og Kópa­vogs­svæði) eða gerð­ar verði að­r­ar breyt­ing­ar á eft­ir­lits­svæð­um þann­ig að Mos­fells­bær verði ekki leng­ur hluti af eft­ir­lits­svæði 10.

Breyt­ing­ar­til­laga L- Lista:
Bæj­ar­stjórn sam­þykk­ir að vísa til­lögu um að Mos­fells­bæj­ar dragi sig út úr sam­starfi við Seltjarn­ar­nes­bæ og Kjós­ar­hrepp um starf­rækslu heil­brigðis­eft­ir­lits til bæj­ar­ráðs. Bæj­ar­ráði verði fal­ið að fjalla um og kanna kosti og galla þess að Mos­fells­bær ef til vinni dragi sig út úr nú­ver­andi sam­starfi.
Stefán Ómar Jóns­son
Bæj­ar­full­trúi L lista Vina Mos­fells­bæj­ar

Breyt­ing­ar­til­lög­unni er hafn­að með 6 at­kvæð­um. Full­trú­ar L-, M- og C- lista kjósa með breyt­ing­ar­til­lög­unni.

Til­lag­an án breyt­inga sam­þykkt með 7 at­kvæð­um. Full­trú­ar L- og M- lista sitja hjá.

Bók­un M-lista
Full­trúi Mið­flokks­ins tel­ur óá­byrgt í miðj­um COVID-19 far­aldri að á Ís­landi að eitt sveit­ar­fé­lag ætli að taka sig upp og kljúfa yfir 20 ára far­sælt sam­st­arf í heil­brigð­is­mál­um eins og þessi til­laga ber með sér þar sem áform eru uppi um að Mos­fells­bær kljúfi sig úr sam­starfi við Seltjarn­ar­nes­bæ og Kjósa­hrepp.
Í grein­ar­gerð og um­sögn með frum­varpi nú­gild­andi laga nr. 7/1998 seg­ir m.a. um ákvæði 45. gr. lag­anna:,,Með þessu yrðu sveit­ar­fé­lög­in á við­kom­andi svæði sem heild ábyrg fyr­ir rekstri eft­ir­lits­ins inn­an hvers svæð­is en ekki ein­stök sveit­ar­fé­lög, þ.e. þar sem ákvörð­un er fram­kvæmd. Þetta mun styrkja eft­ir­lit­ið því í mörg­um til­vik­um eru tekn­ar ákvarð­an­ir um fram­kvæmd­ir í sveit­ar­fé­lög­um sem eru fá­menn og því lítt fær um að standa und­ir kostn­aði jafn­vel þótt end­ur­greiðsl­ur séu tryggð­ar með lög­un­um". Einn­ig seg­ir:,,Ekki er gerð til­laga um að ráð­herra geti fjölgað eft­ir­lits­svæð­um og þar með heil­brigð­is nefnd­um held­ur að­eins kveð­ið á um nán­ari sam­ein­ingu með reglu­gerð". Sam­kvæmt þess­um orð­um virð­ist ætl­an lög­gjaf­ans ekki að heim­ila það sem minnst er á í til­lög­unni, þ.e. að ,,gerð­ar verði að­r­ar breyt­ing­ar á eft­ir­lits­svæð­um þann­ig að Mos­fells­bær verði ekki leng­ur hluti af eft­ir­lits­svæði 10."
Lög­gjaf­inn virð­ist ætla með ákvæð­um 3. og 4. mgr. 45. gr. laga nr. 7/1998 að heim­ila ráð­herra frek­ari sam­ein­ing­ar með þeim for­orð­um að bæði Um­hverf­is­stofn­un og við­kom­andi sveit­ar­fé­lög, vænt­an­lega bæði sem vilja sam­eina og þau sem renna á sam­an við, sam­þykki fyr­ir­ætl­an þessa. Því þarf meira til en bein af­skipti ráð­herra og reglu­gerð­ar­breyt­ingu án sam­ráðs.
Grunn­ur­inn í því að hafa fleiri en eitt sveit­ar­fé­lag sam­an virð­ist því felast í kröfu um sam­fé­lags­legri ábyrgð sem meiri­hlut­inn í Mos­fells­bæ virð­ist ekki ætla að lúta til að; ,,styrkja eft­ir­lit­ið því í mörg­um til­vik­um eru tekn­ar ákvarð­an­ir um fram­kvæmd­ir í sveit­ar­fé­lög­um sem eru fá­menn og því lítt fær um að standa und­ir kostn­aði". Hér er vitn­að í grein­ar­gerð um fram­an­greinda 45. grein lag­anna.

Bók­un D- og V- lista:
Þrátt fyr­ir ósk­ir Mos­fells­bæj­ar hafa hrepps­nefnd Kjós­ar­hrepps og bæj­ar­stjórn Seltjarn­ar­nes­kaup­stað­ar hafn­að sam­starfs­samn­ingi sem hefði fal­ið í sér að full­trú­um í heil­brigð­is­nefnd Kjós­ar­svæð­is yrði skipt í betra sam­ræmi við skipt­ingu kostn­að­ar af starf­sem­inni. Á Mos­fells­bær ekki ann­arra kosta völ en að draga sig úr sam­starf­inu og leita sam­starfs við önn­ur heil­brigðis­eft­ir­lit með það að mark­miði að ná fram rétt­lát­ari hlut­deild í stjórn og hag­kvæm­ari rekstri heil­brigðis­eft­ir­lits fyr­ir Mos­fells­bæ.

Fram kem­ur eft­ir­far­andi til­laga:

Bæj­ar­stjórn Mos­fells­bæj­ar sam­þykk­ir að fela bæj­ar­stjóra að gera ráð­staf­an­ir til að draga Mos­fells­bæ úr sam­starfi við Seltjarn­ar­nes­kaup­stað og Kjós­ar­hrepp um starf­rækslu heil­brigðis­eft­ir­lits. Þess verði far­ið á leit við ráðu­neyti um­hverf­is og auð­linda­mála með vís­an til heim­ild­ar í 4. mgr. 45. gr. laga nr. 7/1998 um holl­ustu­hætti og meng­un­ar­varn­ir að eft­ir­lits­svæði 10 (Kjós­ar­svæði) verði lagt nið­ur í nú­ver­andi mynd. Mos­fells­bær verði færð­ur í eft­ir­lits­svæði 9 (Hafn­ar­fjarð­ar og Kópa­vogs­svæði) eða gerð­ar verði að­r­ar breyt­ing­ar á eft­ir­lits­svæð­um þann­ig að Mos­fells­bær verði ekki leng­ur hluti af eft­ir­lits­svæði 10.

Af­greiðslu til­lög­unn­ar og breyt­inga á sam­þykkt um stjórn Mos­fells­bæj­ar frestað með 8 at­kvæð­um. Full­trúi M- lista sit­ur hjá.

Bók­un V- og D- lista:
Heild­ar­kostn­að­ur Mos­fells­bæj­ar af rekstri heil­brigðis­eft­ir­lits Kjós­ar­svæð­is nam á síð­asta ári rúm­lega 26 mkr. eða um 70% af heild­ar­kostn­aði við rekst­ur þess. Lík­leg ár­leg kostn­að­ar­hlut­deild Mos­fells­bæj­ar í samtarfi við Kópa­vog, Garða­bæ og Hafn­ar­fjörð yrði um 7 mkr. á ári. Mos­fells­bær á þrátt fyr­ir það ein­ung­is 2 full­trúa af 6 í heil­brigð­is­nefnd Kjós­ar­svæð­is. Það er óá­sætt­an­legt að Mos­fells­bær greiði 3/4 hluta kostn­að­ar en hafi ein­ung­is 1/3 hluta full­trúa í nefnd­inni. Þar sem Hrepps­nefnd Kjós­ar­hrepps og bæj­ar­stjórn Seltjarn­ar­nes­kaup­stað­ar­hafa hafa nú hafn­að sam­starfs­samn­ingi sem hefði fal­ið í sér að full­trú­um í heil­brigð­is­nefnd Kjós­ar­svæð­is yrði skipt í betra sam­ræmi við skipt­ingu kostn­að­ar af starf­sem­inni á Mos­fells­bær ekki ann­arra kosta völ en að draga sig úr sam­starf­inu.

Sam­s­starfs­samn­ing­ur um skip­an heil­brigð­is­nefnd­ar Kjós­ar­svæð­is sam­þykkt­ur með 9 at­kvæð­um. Sam­þykkt með 9 at­kvæð­um vísa breyt­ingu á sam­þykkt um stjórn Mos­fells­bæj­ar til síð­ari um­ræðu. Bæj­ar­full­trúi M- lista sit­ur hjá við báð­ar at­kvæða­greiðsl­ur.

Bók­un M- lista:
Eng­in vilja­yf­ir­lýs­ing ligg­ur fyr­ir á milli sveit­ar­fé­lag­anna um að ganga til samn­inga með þessi drög að samn­ingi að leið­ar­ljósi sem hér eru tekin fyr­ir. Full­trúi Mið­flokks­ins sam­þykk­ir þessi drög að samn­ingi og sam­þykkt­um með þeim fyr­ir­vara að bæj­ar­stjórn Seltjarn­ar­ness og Kjósa­hrepps, sem að­ild hafa að Heil­brigð­is­nefnd Kjósa­svæð­is, sam­þykki þessi drög að samn­ingi milli þeirra.

Það er rétt að árétta að sú stjórn­sýslu­menn­ing, sem bæj­ar­stjóri Mos­fells­bæj­ar lýsti hér í ræðu og varð­andi sýn hans og störf gagn­vart fram­an­greindri nefnd, sé ekki sú stjórn­sýsla sem al­menn­ing­ur hef­ur óskað eft­ir að verði við­höfð þar sem sér­fræð­ing­ar fag­nefnda, eins og heil­brigð­is­nefnda sem sér­lög gilda um, hafa lög og regl­ur sem ber að fylgja eft­ir.

Bók­un D- og V- lista.
Þær að­drótt­an­ir um að bæj­ar­stjóri og að­r­ir sé að stýra sér­fræð­ing­um fag­nefnda eða að fara á svig við lög og regl­ur eins og kem­ur fram í bók­un bæj­ar­full­trúa M- lista eiga sér enga stoð og eru ekki svara­verð­ar.