26. janúar 2016 kl. 07:00,
2. hæð Helgafell
Fundinn sátu
- Bryndís Haraldsdóttir (BH) formaður
- Bjarki Bjarnason (BBj) varaformaður
- Theódór Kristjánsson (TKr) aðalmaður
- Dóra Lind Pálmarsdóttir (DLP) aðalmaður
- Samson Bjarnar Harðarson (SBH) aðalmaður
- Gunnlaugur Johnson (GJo) áheyrnarfulltrúi
- Ásbjörn Þorvarðsson byggingarfulltrúi
- Finnur Birgisson skipulagsfulltrúi
Fundargerð ritaði
Ásbjörrn Þorvarðarson byggingafulltrúi
Dagskrá fundar
Almenn erindi
1. Desjamýri 8, fyrirspurn um breytingu á byggingarreit/staðsetningu húss.201601173
Guðmundur Hreinsson hjá togt ehf. spyrst fyrir hönd umsækjanda um lóðina fyrir um möguleika á því að færa byggingarreit samkvæmt meðfylgjandi teikningu. Frestað á 403. fundi.
Frestað.
2. Funabakki 2/Umsókn um byggingarleyfi201512361
Gunnar Pétursson Bjargartanga 16 hefur sótt um leyfi til að byggja 15 m2 hlöðu úr timbri við vesturhluta hesthússins að Funabakka 2. Byggingarfulltrúi óskar eftir umfjöllun skipulagsnefndar um erindið. Frestað á 403. fundi.
Nefndin hafnar erindinu, þar sem nýtt deiliskipulag svæðisins gerir ekki ráð fyrir slíkum viðbyggingum við hesthúsin.
3. Flugumýri 2-10, ósk um bann við lagningu bifreiða.201601176
Forsvarsmenn fjögurra fyrirtækja í Flugumýri 8 óska eftir því að bifreiðastöður verði bannaðar í botnlanganum Flugumýri 2-10. Frestað á 403. fundi.
Nefndin óskar eftir tillögum frá umhverfisdeild um mögulegar aðgerðir til að bæta ástand í götunni.
4. Leirvogstunga, breyting á deiliskipulagi - stækkun til austurs201311089
Lögð fram drög að svörum við athugasemdum sem bárust á auglýsingartíma tillögu að breytingu á deiliskipulagi. Frestað á 402. fundi
Nefndin samþykkir framlögð drög að svörum við athugasemdum. Jafnframt samþykkir hún hina auglýstu tillögu með þeirri breytingu að í stað fjölbýlishúsa austan götu komi raðhús og felur skipulagsfulltrúa að annast gildistöku hennar svo breyttrar.
5. Selholt, aðalskipulagsbreyting og deiliskipulag201410300
Skipulagsstofnun gerði í bréfi mótteknu 16. desember 2015 athugasemd við að tillaga að breytingu á aðalskipulagi yrði auglýst, þar sem hún stangaðist á við nýsamþykkt svæðisskipulag um vatnsvernd. Gerð verður grein fyrir stöðu málsins og samskiptum sem hafa átt sér stað í framhaldinu við Skipulagsstofnun, svæðisskipulagsstjóra, framkvæmdastjórn um vatnsvernd og heilbrigðisyfirvöld.
Lagt fram.
6. Að Suður Reykjum, deiliskipulag fyrir stækkun alifuglabús201405114
Lögð fram tillaga að deiliskipulagi unnin af Bjarna Snæbjörnssyni arkitekt fyrir Reykjabúið, sbr. áður samþykkta og kynnta skipulagslýsingu.
Nefndin vísar tillögunni til umsagnar umhverfisnefndar og samþykkir að boðað verði til íbúafundar 2. febrúar nk. til kynningar á tillögunni í samræmi við 3. mgr. 40. gr. skipulagslaga.
7. Golfvöllur Blikastaðanesi, breyting á deiliskipulagi.201508944
Borist hefur bréf frá Skipulagsstofnun dags. 14. janúar 2016 þar sem gerð er athugasemd við að birt verði auglýsing um gildistöku breytingarinnar. Lagður fram uppdráttur sem endurskoðaður hefur verið m.t.t. athugasemda Skipulagsstofnunar.
Lagt fram til kynningar.
8. Golfvöllur Blikastaðanesi - Kæra til ÚUA vegna deiliskipulagsbreytingar201512199
Lögð var fram kæra til Úrskurðarnefndar umhverfis- og auðlindamála vegna samþykktar Mosfellsbæjar á breytingu á deiliskipulagi golfvallar. Nefndin hefur vísað kærunni frá þar sem umfjöllun umskipulagsbreytinguna er ekki lokið og hún því ekki orðin kæranleg.
Lagt fram til kynningar.
9. Gerplustræti 1-5, ósk um breytingar á deiliskipulagi201506052
Skipulagsstofnun óskaði með bréfi dags. 26. nóvember eftir því að stofnuninni yrðu send lagfærð gögn áður en gildistaka breytingar yrði auglýst. Þá hafa átt sér stað viðræður við íbúa nágrannalóðar og byggingaraðila um hliðrun hússins til þess að draga úr neikvæðum áhrifum nálægðar þess og hæðar gagnvart nágrönnum. Lagður fram til kynningar lagfærður uppdráttur.
Lagt fram til kynningar.
10. Hlíðartún 2 og 2a, fyrirspurn um smáhýsi og parhús.201504083
Í framhaldi af erindi frá 5.04.2015 og umfjöllun nefndarinnar á 389. fundi leggur Stefán Þ Ingólfsson arkitekt f.h. lóðareiganda fram nýjar teikningar, annars vegar af gestahúsi á Hlíðartúni 2 og hinsvegar af einnar hæðar parhúsi á Hlíðartúni 2a.
Frestað.
11. Laxatunga 126-134, ósk um breytingu á deiliskipulagi201601485
F.h. Svanhóls ehf, væntanlegs handhafa lóðanna, óskar Ívar Ómar Atlason í tölvupósti 20. janúar 2016 eftir því að deiliskipulagi verði breytt þannig að raðhúsin verði einnar hæðar í stað tveggja.
Nefndin tekur jákvætt í breytinguna og heimilar að lögð verði fram tillaga að breytingu á deiliskipulagi í samræmi við erindið.
12. Reykjahvoll 11 vinnuskúr /Umsókn um byggingarleyfi201601175
Vinnuafl Norðurtúni 7 Garðabæ hefur sótt um 4 ára stöðuleyfi fyrir 36,05 m2 geymslu og vinnuaðstöðu á lóðinni nr. 11 við Reykjahvol. Byggingarfulltrúi óskar eftir umfjöllun skipulagsnefndar um erindið.
Frestað.
13. Álafossvegur 23/umsókn um byggingaleyfi201601124
Sundlaugin hljóðver ehf. og Sigurjón Axelsson sækja um leyfi til að breyta innréttingu 4. hæðar Álafossvegi 23 og bæta þar við tveimur íbúðum, og jafnframt að byggja kvist og svalir á norðurhlið. Byggingarfulltrúi óskar eftir umfjöllun skipulagsnefndar um erindið.
Frestað.
14. Álafossvegur 23/umsókn um byggingaleyfi201601125
Húsfélagið Álafossvegi 23 hefur sótt um leyfi til að byggja 27,2 m2 anddyri við austurhlið hússins nr. 23 við Álafossveg. Byggingarfulltrúi óskar eftir umfjöllun skipulagsnefndar um erindið, þar sem umsótt viðbygging myndi fara út fyrir byggingarreit á deiliskipulagi.
Frestað.
15. Gerplustræti 31-37, fyrirspurn um breytingar á deiliskipulagi201601149
Lögð fram tillaga Gylfa Guðjónssonar arkitekts f.h. lóðarhafa Mannverks ehf að breytingum á deiliskipulagi, sbr. bókun á 403. fundi. Breytingar felast í fækkun stigahúsa úr fjórum í tvö, fjölgun íbúða um 8, fjölgun bílastæða ofanjarðar á lóð og að vestasti hluti hússins megi vera 4 íbúðarhæðir.
Frestað.
16. Aðalskipulag Reykjavíkur 2010-2030 - Kirkjugarður Úlfarsfelli201601200
Haraldur Sigurðsson f.h. Reykjavíkurborgar sendir 11. janúar 2016 til kynningar skv. 2. mgr. 30. gr. skipulagslaga drög að tillögu að breytingu á aðalskipulagi Reykjavíkur ásamt umhverfisskýrslu. Tillagan varðar kirkjugarð undir Úlfarsfelli.
Frestað.
Í fundarlok þakkaði formaður Dóru Lind fyrir samstarfið en hún lætur nú af störfum í nefndinni vegna brottflutnings til Stykkishólms.