Fab Lab smiðja í Mos­fells­bæ

Af­greiðsla 1648. fund­ar bæj­ar­ráðs sam­þykkt á 862. fundi bæj­ar­stjórn­ar með 11 at­kvæð­um.

Bæj­ar­ráð sam­þykk­ir með fimm at­kæð­um að til­lögu um að kom­ið verði á fót ný­sköp­un­ar­smiðju í bóka­safni Mos­fells­bæj­ar sem at­vinnu- og ný­sköp­un­ar­nefnd vís­aði til bæj­ar­ráðs verði vísað til um­sagn­ar menn­ing­ar-, íþrótta- og lýð­heilsu­sviðs.

Fund­ar­hlé hófst kl. 17:49. Fund­ur hófst aft­ur kl. 18:25.

***

Af­greiðsla 18. fund­ar at­vinnu- og ný­sköp­un­ar­nefnd­ar sam­þykkt á 861. fundi bæj­ar­stjórn­ar með sjö at­kvæð­um. Bæj­ar­full­trú­ar D lista sátu hjá við at­kvæða­greiðsl­una.

Til­laga D-lista:
Af­greiðsla á til­lögu þess­ari (til­laga um ný­sköp­un­ar­smiðju í Mos­fells­bæ) verði frestað.

Til­lögu hafn­að með 3 at­kvæð­um B og C lista gegn 2 at­kvæð­um D-lista.

At­vinnu- og ný­sköp­un­ar­nefnd sam­þykk­ir með 3 at­kvæð­um B og C lista að kom­ið verði á fót ný­sköp­un­ar­smiðju í bóka­safni Mos­fells­bæj­ar. Ný­sköp­un­ar­smiðja í bóka­safni mun vera öfl­ug nýj­ung í sveit­ar­fé­lag­inu sem mun styðja við og auk mögu­leika á ný­sköp­un í öllu skólastarfi. Auk þess að tryggja að­gengi al­menn­ings, at­vinnu­lífs og frum­kvöðla að ný­sköp­un­ar­smiðju í sveit­ar­fé­lag­inu. Full­trú­ar D-lista sátu hjá.

Bók­un D-lista:
Full­trú­ar Sjálf­stæð­is­flokks­ins í Mos­fells­bæ fagna því að mál­efni þetta sé loks­ins kom­ið á dagskrá enda hef­ur flokk­ur­inn lengi haft það að stefnu­máli sínu að koma á fót slíkri starf­semi í bæn­um. Í til­lögu þess­ari er hins veg­ar að finna ít­ar­leg­ar og full­mót­að­ar hug­mynd­ir og stefn­ur um fyr­ir­komulag á við­kom­andi starf­semi en fram­an­greint hef­ur feng­ið enga efn­is­lega um­fjöllun á fund­um nefnd­ar­inn­ar. Þá hef­ur ekk­ert sam­ráð átt sér stað um fram­an­greint inn­an nefnd­ar­inn­ar. Þessu fyr­ir­komu­lagi á starfs­hátt­um at­vinnu- og ný­sköp­un­ar­nefnd­ar er harð­lega mót­mælt. Sem dæmi má nefna að valin er sú leið í fram­lagðri til­lögu að frem­ur setja á fót svo­kall­aða ný­sköp­un­ar­smiðju frem­ur en FabLab en mun meiri reynsla er fyr­ir síð­ar­nefndu starf­sem­inni á landsvísu. Þá hef­ur Sjálf­stæð­is­flokk­ur­inn í Mos­fells­bæ ít­rekað mik­il­vægi þess að fyr­ir­tæki og at­vinnu­starf­semi í bæn­um hafi að­komu að stofn­un slíkr­ar starf­semi. Auk þess hafa önn­ur mik­il­væg at­riði eins og stað­setn­ing, um­fang starf­semi og rík­is­styrk­ir ekki ver­ið rædd í nefnd­inni. Full­trú­ar Sjálf­stæð­is­flokks­ins í Mos­fells­bæ telja það því óhjá­kvæmi­legt að fresta beri af­greiðslu á til­lögu þess­ari (Til­lögu um ný­sköp­un­ar­mið­stöð í Mos­fells­bæ) og er því hér með lögð fram til­laga þess efn­is.

Bók­un B, C og S lista:
Ný­sköp­un­ar­smiðja hef­ur reglu­lega ver­ið á dagskrá At­vinnu- og ný­sköp­un­ar­nefnd­ar og hef­ur ver­ið vilji og full sam­staða inn­an nefnd­ar­inn­ar um verk­efn­ið. Að setja á lagg­irn­ar Ný­sköp­un­ar­smiðju er í sam­ræmi við markmið At­vinnu­stefnu Mos­fells­bæj­ar sem sam­þykkt var í lok árs 2023 og hluti af inn­leið­ingu henn­ar. Það er því kom­ið að þeim tíma­punkti að setja verk­efn­ið af stað og er til­lag­an þess efn­is. Sam­kvæmt grein­ar­gerð með til­lögu þá er hug­mynd­in að fara skyn­sam­lega af stað í verk­efn­ið og geta þá frek­ar leyft því að þró­ast og vaxa með til­liti til notk­un­ar og eft­ir­spurn­ar. Með stað­setn­ingu á bóka­safn­inu mun ný­sköp­un­ar­smiðj­an geta þjón­að öll­um íbú­um Mos­fells­bæj­ar og á sama tíma auk­ið við þjón­ustu bóka­safns­ins. Varð­andi styrk­veit­ing­ar þá er ekki ver­ið að úti­loka þá með því að setja verk­efn­ið af stað og munu styrk­ir geta nýst til að stækka verk­efn­ið enn frek­ar. Meiri­hluti B, C og S lista sjá ekki ástæðu til að fresta mál­inu enn frek­ar, eigi það að geta orð­ið að veru­leika á ár­inu 2025.

Bók­un D-lista:
Full­trú­ar Sjálf­stæð­is­flokks­ins í Mos­fells­bæ sjá sig knúna til að sitja hjá við at­kvæða­greiðslu á til­lögu þess­ari vegna skorts á sam­ráði við und­ir­bún­ing til­lög­unn­ar. Þó vilja full­trú­arn­ir taka fram að því sé fagn­að að mál­efni þetta sé loks­ins tek­ið fyr­ir

Af­greiðsla 14. fund­ar at­vinnu- og ný­sköp­un­ar­nefnd­ar sam­þykkt á 851. fundi bæj­ar­stjórn­ar með 11 at­kvæð­um.

Nefnd­in þakk­ar Páli Ás­geiri Torfa­syni leið­toga grunn­skóla­mála fyr­ir áhuga­verða kynn­ingu á fjöl­breyttu og grósku­miklu ný­sköp­un­ar­starfi í grunn­skól­um Mos­fells­bæj­ar. Stjórn­sýsl­unni fal­ið að vinna áfram að verk­efn­inu.

Af­greiðsla 10. fund­ar at­vinnu- og ný­sköp­un­ar­nefnd­ar sam­þykkt á 843. fundi bæj­ar­stjórn­ar með 11 at­kvæð­um.

Nefnd­in þakk­ar þeim Þóru Ósk­ars­dótt­ur og Hlín Ólafs­dótt­ur fyr­ir kynn­ing­arn­ar sem verða nýtt­ar við frek­ari vinnu nefnd­ar­inn­ar.

Bók­un D-lista
Full­trú­ar D lista vilja þakka fyr­ir góða fyr­ir­lestra og lýsa yfir ein­dregn­um stuðn­ingi við opn­un sköp­un­ar­vers/Fab Labs í Mos­fells­bæ.

Af­greiðsla 1539. fund­ar bæj­ar­ráðs sam­þykkt á 808. fundi bæj­ar­stjórn­ar með 11 at­kvæð­um.

Af­greiðsla 1538. fund­ar bæj­ar­ráðs sam­þykkt á 808. fundi bæj­ar­stjórn­ar með ell­efu at­kvæð­um.

Máls­með­ferð­ar­til­laga B, C og S lista:

Full­trú­ar B, S og C lista leggja til að bæj­ar­stjóra verði fal­ið að koma með hug­mynd­ir að út­færslu verk­efn­is­ins í sam­ráði við fræðslu- og frí­stunda­svið og þjón­ustu- og sam­skipta­deild.

Bæj­ar­ráð sam­þykk­ir fram­an­greinda til­lögu með fimm at­kvæð­um.