28. mars 2025 kl. 07:00,
2. hæð Helgafell
Fundinn sátu
- Valdimar Birgisson (VBi) formaður
- Ásgeir Sveinsson (ÁS) aðalmaður
- Helga Jóhannesdóttir (HJó) aðalmaður
- Guðmundur Hreinsson (GH) áheyrnarfulltrúi
- Anna Sigríður Guðnadóttir (ASG) varamaður
- Aldís Stefánsdóttir (ASt) varamaður
- Kristinn Pálsson skipulagsfulltrúi
- Árni Jón Sigfússon byggingarfulltrúi
Fundargerð ritaði
Árni Jón Sigfússon byggingarfulltrúi
Dagskrá fundar
Almenn erindi
1. Kæra nr. 173-2024 til ÚUA vegna Suður-Reykjalands L125425202412187
Lögð er fram til kynningar niðurstaða úrskurðarnefndar umhverfis- og auðlindamála í kæru nr. 173-2024. Kærð synjun stjórnsýslu Mosfellsbæjar á endurtekinni umfjöllun máls. Kærumálinu var vísað frá úrskurðarnefndinni þar sem erindið hafði ekki hlotið efnislega umfjöllun.
Lagt fram og kynnt.
2. Í Suður-Reykjalandi L125425 - ósk um deiliskipulagsgerð202503419
Borist hefur erindi frá landeigendum L125425 í Suður-Reykjalandi, dags. 23.10.2024, með ósk um að deiliskipuleggja landið í samræmi við gögn. Hjálögð er skipulagslýsing til kynningar og afgreiðslu.
Með vísan í afgreiðslur og rökstuðning nefndarinnar á fundum 500 og 592 um samhljóða erindi, málefni og deiliskipulag lands L125425, synjar skipulagsnefnd með fimm atkvæðum ósk málsaðila um deiliskipulagsgerð á grundvelli 38. gr skipulagslaga nr. 123/2010, þar sem ekki liggur fyrir áætlun um uppbyggingu eða framkvæmd nauðsynlegra innviða.
3. Efstaland 1 - ósk um aðal- og deiliskipulagsbreytingu202408423
Lögð er fram til kynningar og afgreiðslu skipulagslýsing fyrir aðal- og deiliskipulagsbreyting að Efstalandi 1, til samræmis við afgreiðslu á 622. og 625. fundi nefndarinnar.
Skipulagsnefnd samþykkir með fimm atkvæðum að kynna og auglýsa til umsagnar og athugasemda skipulagslýsingu deiliskipulags í samræmi við 30. og 40 gr. skipulagslaga nr. 123/2010.
4. L123664 úr landi Hraðastaða við Helgadalsveg - Nýtt deiliskipulag202502537
Borist hefur erindi frá Hermanni Georg Gunnlaugssyni, f.h. landeigenda, dags. 03.03.2025, með ósk um deiliskipulagsgerð fyrir L123664 við Hraðastaðaveg. Markmið deiliskipulagsins er uppskipting lands í samræmi við heimildir aðalskipulags Mosfellsbæjar 2011-2030 fyrir á landnotkunarreit ÍB/L214 í þéttbýli Mosfellsdals.
Skipulagsnefnd samþykkir með fimm atkvæðum að unnin verði deiliskipulagsbreyting skv. 2. mgr. 38. gr. skipulagslaga nr. 123/2010 í samræmi við 1. gr. 43. gr. sömu laga. Með vísan í 3. gr. reglugerðar um merki fasteigna nr. 160/2024 gerir Mosfellsbær kröfu um að gerður sé fullnægjandi hnitsettur uppdráttur og merkjalýsing af landamerkjum fyrir landeignaskrá. Skipulagsnefnd vísar til mikilvægis þess að huga að kvöðum um gönguleiðir.
5. Helgadalsland L123662 Markalækur - deiliskipulag202503489
Borist hefur erindi frá Hlyni Axelssyni, f.h. landeigenda, dags. 18.03.2025, með ósk um deiliskipulagsgerð L123662 við Helgadalsveg. Markmið deiliskipulagsins er uppbygging íveruhúss á lóðinni í samræmi við heimildir aðalskipulags Mosfellsbæjar 2011-2030 fyrir á landnotkunarreit ÍB/L214 í þéttbýli Mosfellsdals.
Helga Jóhannesdóttir fulltrúi D-lista sjálfstæðisflokks víkur af fundi kl. 8:11.Skipulagsnefnd samþykkir með fimm atkvæðum að unnin verði deiliskipulagsbreyting skv. 2. mgr. 38. gr. skipulagslaga nr. 123/2010 í samræmi við 1. gr. 43. gr. sömu laga. Með vísan í 3. gr. reglugerðar um merki fasteigna nr. 160/2024 gerir Mosfellsbær kröfu um að gerður sé fullnægjandi hnitsettur uppdráttur og merkjalýsing af landamerkjum fyrir landeignaskrá.
6. Óskot L123738 - ósk um aðalskipulagsbreytingu202503539
Borist hefur erindi frá Sigurbjörgu Ósk Áskelsdóttur skipulagsráðgjafa Landlínu ehf., f.h. landeigenda að jörðinni Óskoti L123738, með ósk um aðalskipulagsbreytingu landsins. Tillagan gerir ráð fyrir að breyta 62,9 ha að óbyggðu landi norðan Langavatns í frístundabyggð.
Með vísan í afgreiðslu og rökstuðning nefndarinnar á fundi 577 um sambærileg erindi, málefni og skipulag nýrra frístundabyggða, synjar skipulagsnefnd með fjórum atkvæðum ósk um aðalskipulagsbreytingu lands. Skipulagsnefnd vísar í óbreytt ákvæði og markmið gildandi aðalskipulags og frumdrög nýs aðalskipulags um frístundabyggðir. Fjöldi frístundasvæða eru enn óbyggð eða í skipulagsferli. Talið er að uppbygging mikillar og þéttrar frístundabyggðar stangist á við svæðisskipulag höfuðborgarsvæðisins, Höfuðborgarsvæðið 2040. Nálægð umræddra frístundasvæða við þéttbýlis- og vaxtarmörk höfuðborgarinnar og Mosfellsbæjar eru mikil. Vaxtamörkum er ætlað að draga skýr mörk milli þéttbýlis og dreifbýlis sem stuðlar þannig að sjálfbærri byggð innan markanna og varðveislu náttúrusvæði utan þeirra.
7. Sunnukriki 5 - ósk um skipulagsbreytingu202503499
Borist hefur erindi frá Guðjóni Magnússyni arkitekt, f.h. Sunnukrika 5 ehf. lóðarhafa að Sunnukrika 5, með ósk um aðal- og deiliskipulagsbreytingu lóðar er varðar byggingarmagn, fjölda íbúða og bílakjallara, í samræmi við bréf.
Lagt fram og kynnt. Skipulagsnefnd samþykkir með fjórum atkvæðum að fela skipulagsfulltrúa og formanni skipulagsnefndar að funda með lóðarhafa og hönnuðum hans.
8. Breyting á Aðalskipulagi Reykjavíkur 2040 - Frekari uppbyggingarmöguleikar í Grafarvogi og öðrum borgarhlutum202410202
Lögð er fram til kynningar breytingartillaga á vinnslustigi á aðalskipulagi Reykjavíkur vegna uppbyggingarmöguleika í Grafarvogi og öðrum borgarhlutum. Áhersla er á uppbyggingarmöguleika á smærri vannýttum svæðum innan hverfanna, sem eru í eigu borgarinnar, ekki síst þar sem svigrúm er til fjölgunar nemenda í núverandi grunnskólabyggingum. Markmiðið er að mæta brýnni þörf á húsnæðismarkaði, stuðla að fjölbreyttara framboði húsnæðis, betri nýtingu innviða og sjálfbærari borgarþróun með íbúðauppbyggingu á landi borgarinnar. Tillögurnar taka til alls 12 svæða og reita og gætu svæði sem ætluð eru undir íbúðarbyggð í Grafarvogi stækkað um 6,4 ha. Athugasemdafrestur vinnslutillögu er til og með 11.04.2025.
Lagt fram og kynnt. Skipulagsnefnd gerir ekki athugasemdir við fyrirliggjandi gögn.
9. Umhverfis- og loftslagsstefna fyrir Mosfellsbæ202301124
Kynning á nýrri umhverfis- og loftslagsstefnu Mosfellsbæjar. Heiða Ágústsdóttir garðyrkjustjóri kynnir fyrstu drög stefnunnar.
Lagt fram og kynnt. Skipulagsnefnd þakkar Heiðu Ágústsdóttur kynninguna og fagnar um leið vinnu við umhverfis- og loftslagsstefnu sveitarfélagsins.
Fundargerðir til kynningar
10. Afgreiðslufundur skipulagsfulltrúa - 91202503016F
Fundargerð lögð fram til kynningar.
Lagt fram
10.1. Korputún 7-11 - Umsókn um byggingarheimild eða -leyfi - Flokkur 1 202502405
Lögð er fram til kynningar og umfjöllunar skipulagsfulltrúa byggingarleyfisumsókn, aðaluppdrættir og lóðahönnun að Korputúni 7-11. Til samræmis við ákvæði í kafla 3.3. í deiliskipulagi Korputúns, vistvæns atvinnukjarna í Blikastaðalandi, veitir skipulagsfulltrúi umsögn fyrir útgáfu leyfa. Sótt er um leyfi fyrir 11.088,9 m2 stálgrindar verslunar- og lagerhúsnæði um 16,5 m á hæð. Hjálögð er skoðunarskýrsla skipulagsfulltrúa, umsagnir og athugasemdir hönnunar til samræmis við ákvæði deiliskipulagsins.
10.2. Fossatunga 28 og 33 - Deiliskipulagsbreyting 202501589
Skipulagsnefnd samþykkti á 624. fundi sínum að kynna og auglýsa deiliskipulagsbreytingu fyrir Fossatungu 28 og 33 í samræmi við 2. mgr. 43. gr. skipulagslaga nr. 123/2010. Tillagan og gögn voru kynnt á vef Mosfellsbæjar www.mos.is, í Skipulagsgáttinni, í Mosfellingi og með kynningarbréfum til aðliggjandi hagaðila og húseigenda. Umsagnafrestur var frá 06.02.2025 til og með 07.03.2025.
Engar athugasemdir bárust.10.3. Lynghólsvegur 21 L125365 - deiliskipulagsbreyting 202409250
Skipulagsnefnd samþykkti á 624. fundi sínum að kynna og auglýsa deiliskipulagsbreytingu fyrir frístundasvæði 526-F að Lynghólsvegi 17-23, breyting er snertir aðeins fasteign Lynghólsvegar 21, samræmi við 2. mgr. 43. gr. skipulagslaga nr. 123/2010. Tillagan og gögn voru kynnt á vef Mosfellsbæjar www.mos.is, í Skipulagsgáttinni, í Mosfellingi og með kynningarbréfum til aðliggjandi hagaðila og húseigenda. Umsagnafrestur var frá 06.02.2025 til og með 07.03.2025.
Engar athugasemdir bárust.
11. Afgreiðslufundur byggingarfulltrúa - 543202503032F
Fundargerð lögð fram til kynningar.
Lagt fram
11.1. Flugumýri 10-12 - Umsókn um byggingarleyfi 202407268
Vélsmiðjan Orri ehf. sækir um leyfi til breytinga innra skipulags atvinnuhúsnæðis á lóðinni Flugumýri nr. 10-12 í samræmi við framlögð gögn. Stærðir breytast ekki
11.2. Hafravatnsvegur 64 - Umsókn um byggingarheimild eða -leyfi - Flokkur 2 202502517
Móahvammur ehf.Viðarrima 13 Reykjavík sækir um leyfi til að byggja úr timbri einnar hæðar frístundahús á lóðinni Hafravatnsvegur nr. 64 í samræmi við framlögð gögn.
Stærðir: 130,0 m², 378,1, m³.11.3. Skálahlíð 35 - Umsókn um byggingarleyfi 202302425
Fagmót ehf. Laufbrekku 3 Kópavogi sækir um leyfi til breytinga áður samþykktra aðaluppdrátta einbýlishúss á lóðinni Skálahlíð nr. 35 í samræmi við framlögð gögn. Stærðir breytast ekki
11.4. Úugata 62 - Umsókn um byggingarheimild eða -leyfi - Flokkur 2 202410697
Aron Geir Eggertsson Urriðaholtsstræti 34 Garðabæ sækir um leyfi til breytinga áður samþykktra aðaluppdrátta einbýlishúss á lóðinni Úugata nr. 62 í samræmi við framlögð gögn. Breyting felur í sér breytta úrfærslu þaks. Stækkun 24,3 m³.