6. október 2023 kl. 07:00,
2. hæð Helgafell
Fundinn sátu
- Valdimar Birgisson (VBi) formaður
- Sævar Birgisson (SB) varaformaður
- Ásgeir Sveinsson (ÁS) aðalmaður
- Helga Jóhannesdóttir (HJó) aðalmaður
- Ómar Ingþórsson (ÓI) aðalmaður
- Haukur Örn Harðarson (HÖH) áheyrnarfulltrúi
- Kristinn Pálsson skipulagsfulltrúi
- Árni Jón Sigfússon byggingarfulltrúi
Fundargerð ritaði
Árni Jón Sigfússon Byggingarfulltrúi
Dagskrá fundar
Almenn erindi
1. Dalland L123625 - nýtt deiliskipulag - endurupptökubeiðni202303972
Lögð er fram til kynningar umsögn og samantekt stjórnsýslu Mosfellsbæjar á endurupptökubeiðni landeigenda vegna nýs deiliskipulags við Dalland, í samræmi við afgreiðslu á 593. fundi nefndarinnar. Hjálögð er að nýju endurupptökubeiðni til afgreiðslu.
Umræður um málið, afgreiðslu frestað. Skipulagsnefnd samþykkir með 5 atkvæðum að óska eftir ítarlegri gögnum.
2. Miðdalur L226500 - deiliskipulag frístundabyggðar202203441
Lögð eru fram til kynningar drög að svörum og umsögnum innsendra athugasemda vegna kynntrar deiliskipulagstillögu tíu nýrra frístundalóða í Miðdal. Uppfærð tillaga, í samræmi við athugasemdir, lögð fram til afgreiðslu. Hjálagt er fyrirliggjandi samkomulag um aðkomumál.
Skipulagsnefnd samþykkir með 5 atkvæðum uppfærða deiliskipulagstillögu ásamt tillögu skipulagsfulltrúa að svörun og umsögnum innsendra athugasemda, með vísan til samantektar og minnisblaðs. Deiliskipulagið skal hljóta afgreiðslu skv. 1. mgr. 42. gr. skipulagslaga nr. 123/2010.
3. Sveinsstaðir - deiliskipulagsbreyting202305873
Lögð er fram til kynningar og afgreiðslu tillaga að deiliskipulagsbreytingu fyrir íbúðarhúsið Sveinsstaði, innan Íb329. Tillagan felur í sér nýjan byggingarreit innan lóðar, 2 x 15 m, þar sem heimilt verður að byggja allt að 150 m² bílskúr. Hámarks vegghæð er 3,6 m, hámarks mænishæð sem liggur norður suður er 5,0 m. Deiliskipulagsbreytingin festir ekki aðkomu lóðar í sessi og gæti hún tekið breytingum á síðari stigum í samráði við landeigenda.
Skipulagsnefnd samþykkir með 5 atkvæðum að tillagan skuli auglýst og kynnt skv. 2. mgr. 43. gr. skipulagslaga nr. 123/2010. Með hliðsjón af 5.8.2. gr. skipulagsreglugerðar nr. 90/2013 telur skipulagsnefnd breytinguna óverulega þar sem landnotkun er hin sama en nýtingarhlutfall breytist lítillega vegna stærðar lóðarinnar.
4. Stofnun lóða undir borholur MG-35 og MG-39 í Helgadal L231750, L231751 og L231752202309679
Borist hefur erindi frá Orkuveita Reykjavíkur, dags. 27.09.2023, með ósk um stofnun tveggja lóða, þriggja spildna, undir borholur MG-35 og MG-39 í Helgadal, í samræmi við gögn. Hjálögð er í skjölum rafræn undirritun landeigenda L231750, L231751 og L231752.
Skipulagsnefnd samþykkir með 5 atkvæðum að heimila stofnun lóða fyrir borholur í samræmi við hnitsett gögn, skv. 1. mgr. 48. gr. skipulagslaga nr. 123/2010. Landeigendur bera ábyrgð á að tryggja aðkomur og aðrar mögulegar kvaðir. Málinu er vísað til úrvinnslu á umhverfissviði og skal málsaðili greiða þann kostnað sem af verkinu hlýst.
5. Aðkomumerki Leirvogstunguhverfis - fyrirspurn202309680
Erindi barst frá Elínu Guðnýju Hlöðversdóttur, f.h. íbúasamtaka Leirvogstunguhverfis, dags. 28.09.2023, vegna hugmynda um tvö ný aðkomumerki Leirvogstunguhverfis. Óskað er eftir heimild til þess að setja upp merkin, í samræmi við gögn, og að sveitarfélagið leggi til rafmagnsleiðslur og rafmagn svo lýsa megi þau upp.
Skipulagsnefnd samþykkir með 5 atkvæðum að vísa erindinu til skoðunar á umhverfissviði.
6. Hamrabrekkur 5 og 11 - ósk um deiliskipulagsgerð202308601
Borist hefur erindi frá Róberti Fannari Halldórssyni, f.h. Blueberry hills ehf. landeigenda að Hamrabrekkum 5 og 11, dags. 22.8.2023, með ósk um deiliskipulagsgerð frístundabyggðar á lóðunum. Lýsing skipulagsáætlana barst frá Balsa ehf. teiknistofu og tækniþjónustu, þann 02.10.2023.
Skipulagsnefnd samþykkir með 5 atkvæðum að vísa erindinu til umsagnar skipulagsfulltrúa um stöðu uppbyggingar á svæðinu.
7. Sundabraut - breyting á aðalskipulagi Reykjavíkur 2040202309522
Borist hefur erindi frá umhverfis- og skipulagssviði Reykjavíkurborgar, dags. 20.09.2023, þar sem lögð er fram til kynningar og athugasemda verklýsing vegna fyrirhugaðrar breytingar á aðalskipulagi Reykjavíkur 2040. Með verklýsingunni eru boðaðar breytingar sem varða legu og útfærslu áformaðrar Sundabrautar. Verklýsingin er til kynningar og umsagna í skipulagsgáttinni, umsagnafrestur er til og með 19.10.2023.
Lagt fram og kynnt. Skipulagsnefnd Mosfellsbæjar tekur undir jákvæð áhrif þess að Sundabraut muni auka sveigjanleika stofnvegakerfisins með dreifingu umferðar á fleiri leiðir og létta á umferðarþunga af öðrum vegum, s.s. Höfðabakka um Gullinbrú, Ártúnsbrekku og Vesturlandsvegi í Mosfellsbæ. Auk þess samfélags- og umhverfislega ábata sem fylgir minni akstri, útblæstri og mengun vegna styttri ferðatíma vegfarenda.
Skipulagsnefnd leggur sérstaka áherslu á mikilvægi þess að metin verði vandlega möguleg áhrif útfærslu III. hluta Sundabrautar (Geldinganes-Álfsnes) á Leiruvog, hvað varðar strauma og lífríki svæðisins. Leiruvogur og Blikastaðakró voru friðlýst árið 2022 en svæðið er mikilvægur viðkomustaður farfugla, einkum vaðfugla og fóstrar ríkulegt fuglalíf allt árið um kring. Auk þeirra einkennist vogurinn af fjölbreyttum vistgerðum, leirum, þangfjörum, kræklingaáreyrum og sandfjörum sem eru lífauðugar. Vakin er athygli á mögulegum neikvæðum áhrifum verulegra landfyllinga á þessum stað.8. Sundabraut - matsáætlun202309521
Borist hefur erindi frá Vegagerðinni, dags. 20.09.2023, þar sem tilkynnt er um kynnta matsáætlun umhverfisáhrifa um fyrirhugaða lagningu Sundabrautar. vegna fyrirhugaðrar breytingar á aðalskipulagi Reykjavíkur 2040. Með verklýsingunni eru boðaðar breytingar sem varða legu og útfærslu áformaðrar Sundabrautar, verkefnið er á frumdragastigi. Matsáætlun er til kynningar og umsagna í skipulagsgáttinni, umsagnafrestur er til og með 19.10.2023.
Lagt fram og kynnt. Skipulagsnefnd leggur áherslu á mikilvægi þess að metin verði vandlega mögulega áhrif Sundabrautar á Leiruvog, hvað varðar strauma og lífríki svæðisins. Leiruvogur og Blikastaðakró voru friðlýst árið 2022 en svæðið er mikilvægur viðkomustaður farfugla, einkum vaðfugla og fóstrar ríkulegt fuglalíf allt árið um kring. Auk þeirra einkennist vogurinn af fjölbreyttum vistgerðum, leirum, þangfjörum, kræklingaáreyrum og sandfjörum sem eru lífauðugar.
9. Hvítbók um skipulagsmál ásamt unhverfismatsskýrslu202309685
Lögð er fram til kynningar hvítbók um skipulagsmál og umhverfisskýrsla að hálfu innviðaráðuneytisins. Hvítbók um skipulagsmál er hluti af stefnumótunarferli stjórnvalda en með henni eru sett fram drög að endurskoðun landsskipulagsstefnu 2026 sem byggir m.a. á stöðumati grænbókar. Innviðaráðherra hyggst á yfirstandandi haustþingi leggja fram á Alþingi tillögu til þingsályktunar um landsskipulagsstefnu til 15 ára og aðgerðaáætlun til fimm ára. Hvítbókin er í kynningu í samráðsgátt stjórnvalda með umsagnarfresti til og með 31.10.2023.
Lagt fram og kynnt.
Fundargerðir til kynningar
10. Afgreiðslufundur byggingarfulltrúa - 505202309031F
Fundargerð lögð fram til kynningar.
Fundargerð lögð fram til kynningar.
10.1. Álafossvegur 23 - Umsókn um byggingarheimild eða -leyfi - Flokkur 2, 202306004
Húsin í bænum ehf. Gilsárstekk 7 Reykjavík sækja um leyfi til breytinga áður samþykktra aðaluppdrátta eignarhluta 0302 í við Álfossveg nr. 23. Sótt er um breytta nokkun húsnæðis úr vinnustofu í íbúðarrými.
Niðurstaða þessa fundar:
Lagt fram.
10.2. Hamrabrekkur 11 - Umsókn um byggingarheimild eða -leyfi - Flokkur 1, 202307340
Blueberry Hills ehf. sækir um leyfi til að byggja úr timbri tvær geymslur á frístundalóðinni Hamrabrekkum 11. Stærðir: samtals 30,0 m².
Niðurstaða þessa fundar:
Lagt fram.
10.3. Huldugata 2-4 - Umsókn um byggingarheimild eða -leyfi - Flokkur 2, 202309465
Byggingafélagið Bakki ehf. Þverholti 2 sækir um leyfi til að byggja úr steinsteypu 30 íbúða fjölbýlishús á þremur hæðum á lóðinni Huldugata nr. 2-4 í samræmi við framlögð gögn. Stærðir: 2322,2 m², 7.256,1 m³.
Niðurstaða þessa fundar:
Lagt fram.
10.4. Markholt 13 - Umsókn um byggingarheimild eða -leyfi - Flokkur 2, 202309358
Andri Ingólfsson Markholti 13 sækir um leyfi til að byggja viðbyggingu úr steinsteypu við einbýlishús á lóðinni Markholt nr.13 í samræmi við framlögð gögn. Stækkun: Íbúð 13,4 m², bílgeymsla 31,9 m², 172,5 m³.
Niðurstaða þessa fundar:
Lagt fram.