Árs­reikn­ing­ur Mos­fells­bæj­ar 2017

Af­greiðsla 1353. fund­ar bæj­ar­ráðs sam­þykkt á 717. fundi bæj­ar­stjórn­ar með níu at­kvæð­um.

Ábend­ing­ar í end­ur­skoð­enda­skýrslu kynnt­ar á 1353. fundi bæj­ar­ráðs.

Af­greiðsla 1349. fund­ar bæj­ar­ráðs sam­þykkt á 715. fundi bæj­ar­stjórn­ar með átta at­kvæð­um.

Bæj­ar­ráð Mos­fells­bæj­ar sam­þykk­ir með þrem­ur at­kvæð­um fram­lagð­an árs­reikn­ing Hita­veitu Mos­fells­bæj­ar vegna árs­ins 2017.

Bók­un D- og V-lista í tengsl­um við af­greiðslu árs­reikn­ings 2017

Rekstr­arnið­ur­staða A og B hluta er um­tals­vert betri en gert var ráð fyr­ir í fjár­hags­áætlun árs­ins. Það skýrist helst af aukn­um tekj­um vegna hærri launa­tekna íbúa, veru­legri fjölg­un íbúa og því að verð­lag þró­að­ist með hag­stæð­ari hætti en ráð var fyr­ir gert. Rekstr­arnið­ur­staða árs­ins var já­kvæð um 560 millj­ón­ir en hafði ver­ið áætluð 159 millj­ón­ir.

Framund­an er áfram­hald­andi upp­bygg­ing inn­viða í Mos­fells­bæ. Á síð­ustu árum hef­ur ver­ið lögð áhersla á upp­bygg­ingu fram­halds­skóla, íþrótta­húss, hjúkr­un­ar­heim­il­is og að­stöðu fyr­ir fé­lags­st­arf eldri borg­ara.

Stærsta verk­efn­ið sem sveit­ar­fé­lag­ið hef­ur með hönd­um nú er bygg­ing Helga­fells­skóla. Það er leik- og grunn­skóli í ný­bygg­ing­ar­hverfi í hraðri upp­bygg­ingu sem áætlað er að muni kosta um 3.500 millj­ón­ir full­byggð­ur. Einn­ig má nefna bygg­ingu knatt­húss sem tek­ið verð­ur í notk­un á fyrri hluta næsta árs.

Árs­reikn­ing­ur Mos­fells­bæj­ar vegna árs­ins 2017 stað­fest­ir að mjög vel hef­ur tek­ist til við rekst­ur sveit­ar­fé­lags­ins á liðnu ári. Við erum því einkar vel í stakk búin til þess að taka á móti nýj­um íbú­um, höf­um getu til þess að efla og þróa þjón­ustu sveit­ar­fé­lags­ins í takt við áhersl­ur nýrr­ar stefnu og fram­tíð­ar­sýn­ar sveit­ar­fé­lags­ins og halda áfram að þróa íbúa­lýð­ræði og þátt­töku íbúa við und­ir­bún­ing stefnu­mót­un­ar í ólík­um mála­flokk­um. For­senda alls þessa er traust fjár­hags­staða og ábyrg­ur rekst­ur og vilj­um við nota þetta tæki­færi og þakka starfs­mönn­um Mos­fells­bæj­ar, og nefnd­ar­fólki fyr­ir þeirra þátt í þess­ari góðu nið­ur­stöðu.

Bók­un S-lista við árs­reikn­ing 2017
Rekstr­arnið­ur­staða Mos­fells­bæj­ar vegna árs­ins 2017 er já­kvæð og er það gleði­efni. Starfs­fólk bæj­ar­ins á þakk­ir skild­ar fyr­ir þeirra fram­lag til bætts rekstr­ar. Þess ber að geta að ytri að­stæð­ur sveit­ar­fé­lag­anna í land­inu eru góð­ar og því við því að bú­ast að af­koma þeirra sé góð. Rekstr­arnið­ur­stað­an skv. árs­reikn­ingi er um 400 millj­ón­um betri en áætlan­ir með við­auk­um gerðu ráð fyr­ir. Helstu ástæð­ur þess eru hærri út­svar­s­tekj­ur vegna meiri íbúa­fjölg­un­ar en áætlan­ir gerðu ráð fyr­ir sem og mun lægri fjár­magns­gjöld en fjár­hagáætlun með við­auk­um reikn­aði með, eða sem nem­ur um 326 millj­ón­um þ.e. um 50% lægri. Ástæð­an er mun lægri verð­bólga en gert var ráð fyr­ir í áætl­un­um.

Íbú­um fjölg­aði um 8% á ár­inu 2017 sem er geysi­leg fjölg­un og gert er ráð fyr­ir að íbú­um fjölgi um 5-6% á yf­ir­stand­andi ári. Þessi fjölg­un þýð­ir ekki bara hærri tekj­ur held­ur kall­ar hún einn­ig á meiri út­gjöld vegna auk­inna þjón­ustu­þarfa og upp­bygg­ing­ar inn­viða sem hlýt­ur að sjá stað í fjár­hags­áætl­un­um næstu ára.

Anna Sig­ríð­ur Guðna­dótt­ir
Ólaf­ur Ingi Ósk­ars­son

Til­laga M-lista Íbúa­hreyf­ing­ar­inn­ar
Í ljósi þess að Mos­fells­bær skil­aði um­tals­verð­um rekstr­araf­gangi 2017 sam­þykk­ir bæj­ar­stjórn að fela fjöl­skyldu­sviði að meta kostn­að við að hækka fjár­hags­að­stoð í kr. 190.000.- á mán­uði (fyr­ir ein­stak­ling) og fjölga fé­lags­leg­um íbúð­um í eigu sveit­ar­fé­lags­ins um 2 á ár­inu.
Sigrún H Páls­dótt­ir

Til­laga M-lista Íbúa­hreyf­ing­ar­inn­ar
Í ljósi þess að Mos­fells­bær skil­aði um­tals­verð­um rekstr­araf­gangi 2017 sam­þykk­ir bæj­ar­stjórn að fjölga fær­an­leg­um kennslu­stof­um við Varmár­skóla í þeim til­gangi að tryggja pláss fyr­ir tón­list­ar­kennslu á skóla­tíma. í fjár­hags­áætlun 2017 var gert ráð fyr­ir að fjár­festa í fær­an­leg­um kennslu­stof­um en sú heim­ild var ekki nýtt. Nú mætti nýta hana.
Sigrún H Páls­dótt­ir

Fram kom frá­vís­un­ar­til­laga frá Haf­steini Páls­syni og var hún sam­þykkt með sex at­kvæð­um D og V lista, tveir full­trú­ar Sam­fylk­ing­ar­inn­ar sátu hjá. Full­trúi M-lista Íbúa­hreyf­ing­ar­inn­ar greiddi at­kvæði gegn frá­vís­un­ar­til­lög­unni.

Bók­un D og V lista
Til­lög­ur Íbúa­hreyf­ing­ar­inn­ar fjalla ekki um árs­reikn­ing árs­ins 2017 eins og heiti dag­skrárlið­ar­ins ber með sér. Því er ómögu­leiki í því fólg­inn að taka hér til af­greiðslu til­lög­ur sem lúta að breyt­ingu á fjár­hags­áætlun árs­ins 2018, því vís­um við til­lög­un­um frá. Því til við­bót­ar er það óá­byrgt með öllu að leggja hér fram óund­ir­bún­ar til­lög­ur án þess að það hafi ver­ið kynnt fyr­ir bæj­ar­full­trú­um og fjár­hags­leg grein­ing átt sér stað.
Fjár­hags­áætlun er mik­il­væg­ur rammi og agi á fjár­hags­stjórn sveit­ar­fé­lag­ins. Því er mik­il­vægt að ef gerð­ar eru breyt­ing­ar á fjár­hags­áætlun þá liggi fyr­ir ít­ar­leg­ar grein­ing­ar á áhrif­um þeirra svo og að for­gangs­röðun verk­efna sé skýr.
Við­kom­andi til­lög­ur lykta af því að bæj­ar­full­trúi Íbúa­hreyf­ing­ar­inn­ar sé komin í kosn­inga­ham, lík­lega er það eitt af því hættu­lega sem ger­ist á kosn­inga­vori þeg­ar kjörn­ir full­trú­ar ráð­ast í breyt­ing­ar á fjár­hags­áætlun yf­ir­stand­andi árs.

Bók­un M-lista Íbúa­hreyf­ing­ar­inn­ar
Bæj­ar­full­trúi Íbúa­hreyf­ing­ar­inn­ar harm­ar ómál­efna­lega og ólýð­ræð­is­lega frá­vís­un full­trúa D- og V-lista á til­lög­um um bætt kjör og að­bún­að efnam­inni íbúa í Mos­fells­bæ og full­nægj­andi að­stöðu til tón­list­ar­kennslu í Varmár­skóla í kjöl­far þess að árs­reikn­ing­ur leiddi í ljós betri rekstr­arnið­ur­stöðu en áætlan­ir gerðu ráð fyr­ir.

Kjörn­ir full­trú­ar voru ný­ver­ið að fá þær upp­lýs­ing­ar að Mos­fells­bær skil­aði um­tals­verð­um rekstr­araf­gangi og ber þeim sem eft­ir­lits­að­il­um að ræða frá­vik­in og bregð­ast við þeim. Eng­in um­ræða hef­ur hins veg­ar far­ið fram um mál­ið í bæj­ar­ráði og bæj­ar­stjórn og tel­ur Íbúa­hreyf­ing­in það vera í trjássi við ábyrga fjár­mála­stjórn­un og góða stjórn­sýslu­hætti.

Skort­ur á sam­fé­lags­legri ábyrgð og um­hyggju fyr­ir þeim sem minna mega sín hef­ur lengi loð­að við fjár­hags­áætlan­ir D- og V-lista í Mos­fells­bæ.
Íbúa­hreyf­ing­in hef­ur talað fyr­ir bætt­um kjör­um ungra og efnam­inni frá upp­hafi þessa kjör­tíma­bils, líka betri að­bún­aði tón­list­ar­skól­ans til tón­list­ar­kennslu. Í til­lög­un­um felst því eng­in stefnu­breyt­ing af okk­ar hálfu. Með því að vísa til­lög­um Íbúa­hreyf­ing­ar­inn­ar frá missa full­trú­ar D- og V-listi hins veg­ar af tæki­færi til að bæta fyr­ir synd­ir sín­ar á kjör­tíma­bil­inu.

Bók­un V- og D-lista
Árétt­um að til um­ræðu er árs­reikn­ing­ur bæj­ar­ins fyr­ir árið 2017. Bæj­ar­full­trú­ar V- og D- lista eru stolt­ir af þeirri góðu nið­ur­stöðu sem þar er. Við vís­um á bug þeim dylgj­um sem fram koma í bók­un bæj­ar­full­trúa Íbúa­hreyf­ing­ar­inn­ar. Fjár­hags­áætlun fyr­ir yf­ir­stand­andi ár var sam­þykkt í des­em­ber síð­ast­liðn­um en þar er gert ráð fyr­ir um­tals­verðri þjón­ustu­aukn­ingu sem mun gera góða þjón­ustu enn betri. Ljóst er að fólk sæk­ist í að búa í Mos­fells­bæ enda er hér veitt góð þjón­usta til íbúa á öll­um aldri.

For­seti bar upp árs­reikn­ing bæj­ar­ins og stofn­ana hans í einu lagi og var árs­reikn­ing­ur árs­ins 2017 stað­fest­ur með níu at­kvæð­um, en helstu nið­ur­stöðu­töl­ur eru þess­ar:

Rekstr­ar­reikn­ing­ur A og B hluta:
Rekstr­ar­tekj­ur: 10.016 mkr.
Laun og launa­tengd gjöld 4.724 mkr.
Ann­ar rekstr­ar­kostn­að­ur 4.039 mkr.
Af­skrift­ir 333 mkr.
Fjár­magns­gjöld 326 mkr.
Tekju­skatt­ur 34 mkr.
Rekstr­arnið­ur­staða já­kvæð um 560 mkr.

Efna­hags­reikn­ing­ur A og B hluta:
Eign­ir alls: 17.386
Skuld­ir og skuld­bind­ing­ar: 11.792 mkr.
Eig­ið fé: 5.594 mkr.

Af­greiðsla 1347. fund­ar bæj­ar­ráðs sam­þykkt á 714. fundi bæj­ar­stjórn­ar með níu at­kvæð­um.

Af­greiðsla 1346. fund­ar bæj­ar­ráðs sam­þykkt á 713. fundi bæj­ar­stjórn­ar með níu at­kvæð­um.

Árs­reikn­ing­ur Mos­fells­bæj­ar 2017 lagð­ur fram til fyrri um­ræðu í bæj­ar­stjórn.

Á fund­inn und­ir þess­um dag­skrárlið mættu Magnús Jóns­son (MJ) end­ur­skoð­andi Mos­fells­bæj­ar, Pét­ur J. Lockton fjár­mála­stjóri, Anna María Ax­els­dótt­ir verk­efna­stjóri í fjár­mála­deild, Unn­ur V. Ing­ólfs­dótt­ir fram­kvæmda­stjóri fjöl­skyldu­sviðs, Linda Udengard fram­kvæmda­stjóri fræðslu­sviðs og Arn­ar Jóns­son for­stöðu­mað­ur þjón­ustu- og sam­skipta­deild­ar.

Bæj­ar­stjóri hóf um­ræð­una og þakk­aði end­ur­skoð­anda og starfs­mönn­um fyr­ir vel unn­in störf í tengsl­um við gerð árs­reikn­ings. Þá fór end­ur­skoð­andi yfir helstu efn­is­at­riði í drög­um árs­reikn­ings 2017 og end­ur­skoð­un­ar­skýrslu sinni vegna árs­ins 2017. Í kjöl­far­ið fóru fram um­ræð­ur.

Sam­þykkt með níu at­kvæð­um að vísa árs­reikn­ingi Mos­fells­bæj­ar 2017 til annarr­ar og síð­ari um­ræðu á næsta fundi bæj­ar­stjórn­ar.

Á fund­inn und­ir þess­um dag­skrárlið mætti Pét­ur J. Lockton (PJL) fjár­mála­stjóri Mos­fells­bæj­ar.

Bæj­ar­ráð sam­þykk­ir árs­reikn­ing Mos­fells­bæj­ar vegna árs­ins 2017 með árit­un sinni og telst hann til­bú­inn til end­ur­skoð­un­ar og af­greiðslu í bæj­ar­stjórn. Sam­þykkt með þrem­ur at­kvæð­um að vísa árs­reikn­ingi Mos­fells­bæj­ar 2017 til fyrri um­ræðu á næsta fundi bæj­ar­stjórn­ar.

Kynn­ing á stöðu vinnu við gerð árs­reikn­ings.

Á fund­inn und­ir þess­um lið mættu Pét­ur J. Lockton, fjár­mála­stjóri, Magnús Jóns­son (MJ)frá KPMG, mættu á fund­inn und­ir þess­um lið.