15. mars 2024 kl. 07:00,
2. hæð Helgafell
Fundinn sátu
- Valdimar Birgisson (VBi) formaður
- Sævar Birgisson (SB) varaformaður
- Ásgeir Sveinsson (ÁS) aðalmaður
- Helga Jóhannesdóttir (HJó) aðalmaður
- Ómar Ingþórsson (ÓI) aðalmaður
- Haukur Örn Harðarson (HÖH) áheyrnarfulltrúi
- Jóhanna Björg Hansen sviðsstjóri umhverfissviðs
- Kristinn Pálsson skipulagsfulltrúi
- Árni Jón Sigfússon byggingarfulltrúi
Fundargerð ritaði
Árni Jón Sigfússon Byggingarfulltrúi
Dagskrá fundar
Almenn erindi
1. Vorfundur Strætó og Mosfellsbæjar 2024202402472
Lögð eru fram til kynningar gögn og samantekt Strætó bs á leiðarkerfi og farþegaflutningum fyrir árið 2023. Kynningin var haldin fyrir stjórnsýslu Mosfellsbæjar af starfsfólki Strætó þann 19.02.2024. Máli var frestað vegna tímaskorts á síðasta fundi nefndarinnar.
Jóhanna B. Hansen, sviðsstjóri umhverfissviðs, kynnti.
2. Skotíþróttasvæði á Álfsnesi - breyting á Aðalskipulagi Reykjavíkur 20402023031043
Erindi barst frá Reykjavíkurborg og úr Skipulagsgátt, dags 22.02.2024, vegna tillögu að breytingu á Aðalskipulagi Reykjavíkur 2040. Um er að ræða breytingu á hluta iðnaðarsvæðis (I2) og opins svæðis (OP28) í íþróttasvæði fyrir skotæfingar og skotíþróttir (ÍÞ9), í samræmi við gögn. Fram kemur að markmið breytingar er að skapa áframhaldandi skilyrði fyrir starfsemi skotfélaganna sem nú er til staðar á svæðinu, til skemmri tíma litið, meðan unnið verði að því að finna framtíðarsvæði fyrir skotíþróttir á höfuðborgarsvæðinu. Athugasemdafrestur er til og með 04.04.2024. Máli var frestað vegna tímaskorts á síðasta fundi nefndarinnar.
Lagt fram og kynnt.
3. Borgarstefna fyrir Ísland202402446
Innviðaráðuneytið kynnir í samráðsgátt stjórnvalda drög að borgarstefnu til umsagnar og athugasemda. Í drögum að borgarstefnu er lagður grunnur að umræðu um núverandi stöðu, lykilviðfangsefni og framtíðarsýn fyrir borgarsvæðin. Sett er fram framtíðarsýn um þróun tveggja borgarsvæða og áherslur til komandi ára er stuðlað að þróun og eflingu. Í því felst annars vegar að styrkja höfuðborgarhlutverk Reykjavíkur, höfuðborgarsvæðið og áhrifasvæði þess. Hins vegar að festa Akureyri í sessi sem svæðisborg og skilgreina og efla hlutverk hennar og áhrifasvæði. Umsagnafrestur er til og með 22.03.2024. Máli var frestað vegna tímaskorts á síðasta fundi nefndarinnar.
Lagt fram og kynnt.
4. 1. áfangi Blikastaðalands - deiliskipulag202304103
Lögð eru fram til kynningar og umræðu drögð skipulagsfulltrúa að svörum og viðbrögðum innsendra umsagna og athugasemda við kynnta skipulagslýsingu deiliskipulags 1. áfanga Blikastaðalands.
Lagt fram og kynnt. Skipulagsnefnd samþykkir með fimm atkvæðum svörun og viðbrögð við athugasemdum.
5. L125331 við Selmerkurveg - deiliskipulag frístundabyggðar202310327
Lagt er fram til kynningar og afgreiðslu tillaga að nýju deiliskipulagi fyrir frístundabyggð við Selmerkurveg L125331, í samræmi við afgreiðslu á 599. fundi nefndarinnar. Tillagan felur í sér stofnun sex nýrra frístundahúsalóða þar sem heimilt verður að byggja allt að 130 m2 hús með eða án gestahúss eða geymslu, í samræmi við heimildir í gildandi aðalskipulagi Mosfellsbæjar. Deiliskipulagstillagan er framsett í greinargerð og á uppdrætti í skalanum 1:1000, dags. 04.03.2024, unnin af KOA arkitektum ehf.
Skipulagsnefnd samþykkir með fimm atkvæðum að nýtt deiliskipulag skuli auglýst skv. 40. og 41. gr. skipulagslaga nr. 123/2010. Tillagan skal kynnt á vef sveitarfélagsins mos.is, Skipulagsgáttinni, Mosfellingi og Lögbirtingablaðinu.
6. Grenndarstöðvar í Mosfellsbæ202302133
Lagt er fram til kynningar og afgreiðslu minnisblað garðyrkjustjóra og leiðtoga umhverfs og framkvæmda, dags. 26.02.2024, þar sem þess er óskað að skipulagsnefnd hefji vinnu við gerð eða breytingu skipulags fyrir fjórar nýjar grenndarstöðvar. Nýjar staðsetningar grenndarstöðva eru við Dælustöðvarveg, Hlaðgerðarkotsveg, Skálahlíð og Sunnukrika. Áætlun er í samræmi við markmið um innleiðingu hringrásarhagkerfisins.
Skipulagsnefnd samþykkir með fimm atkvæðum að fela umhverfissviði og skipulagsfulltrúa að undirbúa skipulagstillögur í samræmi við fyrirliggjandi tillögur í minnisblaði.
7. Frágangur lóða og lóðamarka - stefna og leiðbeiningarit202403256
Lögð eru fram til kynningar og umræðu drög að nýrri stefnu og samþykkt Mosfellsbæjar um frágang lóða, skjólveggi, girðingar og gróður á lóðarmörkum.
Lagt fram og kynnt. Skipulagsnefnd samþykkir með fimm atkvæðum að fela umhverfissviði og skipulagsfulltrúa áframhaldandi vinnu máls.
8. Brekkuland 4A - fyrirspurn til skipulagsnefndar202403198
Borist hefur erindi frá Jóhannesi Þór Halldórssyni, dags. 08.03.2024, með ósk um umsögn og samþykki um breyttan lóðafrágang innkeyrslu og aðkomu Brekkulands 4A, í samræmi við gögn.
Skipulagsnefnd samþykkir með fimm atkvæðum að vísa fyrirspurninni til rýni og umsagnar á umhverfissviði.
9. Seljabrekka L123762 - athugasemdir vegna frágangs og framkvæmda202307342
Lagt er fram til kynningar útsent athugasemdabréf byggingarfulltrúa og skipulagsfulltrúa vegna óleyfisframkvæmda og frágangs lands að Seljabrekku við Þingvallaveg. Starfsfólk umhverfissviðs, heilbrigðiseftirlitið HEF og landeigandi funduðu um kröfur og óskir Mosfellsbæjar um úrbætur þann 11.03.2024.
Lagt fram og kynnt.
10. Þjónusta sveitarfélaga 2023 - Gallup202402382
Lagðar eru fram til kynningar niðurstöður könnunar um þjónustu sveitarfélaga fyrir árið 2023.
Jóhanna B. Hansen, sviðsstjóri umhverfissviðs, kynnti niðurstöður.
Fundargerðir til kynningar
11. Afgreiðslufundur skipulagsfulltrúa - 76202403001F
Fundargerð lögð fram til kynningar.
Fundargerð lögð fram til kynningar.
11.1. Engjavegur 8 - deiliskipulagsbreyting 202401103
Skipulagsnefnd samþykkti á 604. fundi sínum að auglýsa og kynna tillög að deiliskipulagsbreytingu fyrir íbúðarhúsalóð að Engjavegi 8 í samræmi við framlögð gögn. Tillagan felur í sér aukna viðbyggingarheimild úr 50 m² í 120 m² þar sem ný íverurýma tengjast núverandi íbúð og fasteign, í samræmi við gögn unnin af Arinbirni Vilhjálmssyni, arkitekt, dags. desember 2023. Tillaga að breytingu var kynnt og aðgengileg á vef sveitarfélagsins, mos.is, skipulagsgáttinni og auglýst með kynningarbréfi auk gagna sem send voru til þinglýstra eigenda lóða og landa að Engjavegi 6, 8, Dælustöðvarvegi 6 og Reykjalundi L125400. Athugasemdafrestur var frá 31.01.2024 til og með 29.02.2024. Engar athugasemdir bárust.
Niðurstaða þessa fundar:
Lagt fram.
11.2. Engjavegur 21 Krosshóll - deiliskipulagsbreyting 202401288
Skipulagsnefnd samþykkti á 604. fundi sínum að auglýsa og kynna tillög að deiliskipulagsbreytingu fyrir íbúðarhúsalóð að Engjavegi 8 í samræmi við framlögð gögn. Tillagan felur í sér að heimila nýtt 46 m² auka eða gestahús innan lóðar. Heildarfjöldi fermetra lóðar verður enn mest 350 m², í samræmi við gögn unnin af Kristni Ragnarssyni, arkitekt, dags. 12.01.2024. Tillaga að breytingu var kynnt og aðgengileg á vef sveitarfélagsins, mos.is, skipulagsgáttinni og auglýst með kynningarbréfi auk gagna sem send voru til þinglýstra eigenda lóða og landa að Engjavegi 19, 22, 24 og 26. Athugasemdafrestur var frá 31.01.2024 til og með 29.02.2024. Engar athugasemdir bárust.
Niðurstaða þessa fundar:
Lagt fram.
12. Afgreiðslufundur byggingarfulltrúa - 514202402044F
Fundargerð lögð fram til kynningar.
Fundargerð lögð fram til kynningar.
12.1. Bugðufljót 17 - Umsókn um byggingarheimild eða -leyfi - Flokkur 2, 202402437
BF17 ehf. Bíldshöfða 14 Reykjavík sækja um leyfi til breytinga áður samþykktra aðaluppdrátta atvinnuhúsnæðis á lóðinni Bugðufljót nr. 17c, mhl. 02 - rými 02 0211, í samræmi við framlögð gögn. Bætt er við millilofti.
Stærðir: Milliloft 43,8 m².Niðurstaða þessa fundar:
Lagt fram.
12.2. Gerplustræti 16-24 - Umsókn um byggingarheimild eða -leyfi - Flokkur 1, 202401355
Jóhannes Haraldur Pálsson Gerplustræti 24 sækir um, fyrir hönd húsfélags Gerplustrætis 24, leyfi til breytinga áður samþykktra aðaluppdrátta fjölbýlishúss á lóðinni Gerplustræti nr. 24 í samræmi við framlögð gögn. Bætt er við svalalokunum. Stærðir breytast ekki
Niðurstaða þessa fundar:
Lagt fram.
12.3. Markholt 13 - Umsókn um byggingarheimild eða -leyfi - Flokkur 2, 202309358
Andri Ingólfsson Markholti 13 sækir um leyfi til að byggja við einbýlishús og bílgeymslu á lóðinni Markholt nr. 13 í samræmi við framlögð gögn.
Stækkun: Íbúð 31,3 m², bílgeymsla 31,9 m², 115,0 m³.Niðurstaða þessa fundar:
Lagt fram.
12.4. Reykjahvoll 21 - Umsókn um byggingarheimild eða -leyfi - Flokkur 2, 202309312
Guðmundur S Borgarsson ehf. Reykjahvoli 33 sækir um leyfi til að byggja úr steinsteypu einbýlishús á tveimur hæðum með innbyggðri bílgeymslu á lóðinni Reykjahvoll nr. 21 í samræmi við framlögð gögn. Stærðir: Íbúð 204,8 m², bílgeymsla 46,7 m², 880,5 m³.
Niðurstaða þessa fundar:
Lagt fram.
12.5. Úugata 1 Dælustöð- Umsókn um byggingarheimild eða -leyfi - Flokkur 1, 202311542
Mosfellsbær Þverholti 2 sækir um leyfi til að byggja úr steinsteypu dælustöð á lóðinni Úugata nr. 1b í samræmi við framlögð gögn. Stærðir: 38,5 m², 184,2 m³.
Niðurstaða þessa fundar:
Lagt fram.