Beiðni um af­greiðslu á end­ur­fjármögn­un láns

Af­greiðsla 1669. fund­ar bæj­ar­ráðs stað­fest á 873. fundi bæj­ar­stjórn­ar með 11 at­kvæð­um.

Af­greiðsla 1669. fund­ar bæj­ar­ráðs stað­fest á 873. fundi bæj­ar­stjórn­ar með 11 at­kvæð­um.

Bæj­ar­ráð Mos­fells­bæj­ar sam­þykk­ir með fimm at­kvæð­um að veita ein­falda ábyrgð og veð­setja til trygg­ing­ar ábyrgð­inni tekj­ur Mos­fells­bæj­ar í sam­ræmi við hlut­fall eign­ar­halds, sbr. heim­ild í 2. mgr. 68. gr. og 2. mgr. 69. gr. sveit­ar­stjórn­ar­laga nr. 138/2011, til trygg­ing­ar láns Sorpu bs. hjá Lána­sjóði sveit­ar­fé­laga að höf­uð­stól allt að kr. 639.000.000-, með loka­gjald­daga þann 20. fe­brú­ar 2039, í sam­ræmi við skil­mála að lána­samn­ingi sem liggja fyr­ir á fund­in­um og sem bæj­ar­ráð hef­ur kynnt sér. Ábyrgð­in tek­ur til allra greiðslna sem og hvers kyns kostn­að­ar sem hlýst af van­skil­um. Nær sam­þykki bæj­ar­ráðs jafn­framt til und­ir­rit­un­ar lána­samn­ings og að sveit­ar­fé­lag­ið beri þær skyld­ur sem þar grein­ir.

Lán­ið er tek­ið til að end­ur­fjármagna for­vinnslu­línu fyr­ir bland­að­an úr­g­ang frá heim­il­um sem telst vera verk­efni sem hafi al­menna efna­hags­lega þýð­ingu, sbr. 3. gr. laga um stofn­un op­in­bers hluta­fé­lags um Lána­sjóð sveit­ar­fé­laga nr. 150/2006.
Þá skuld­bind­ur sveit­ar­fé­lag­ið sig til þess, sem eig­andi hlut­ar í fé­lag­inu, að breyta ekki því ákvæði sam­þykkta fé­lags­ins sem kveð­ur á um að fé­lag­ið megi ekki að neinu leyti vera í eigu einka­að­ila.
Fari svo að sveit­ar­fé­lag selji eign­ar­hlut í fé­lag­inu til ann­arra op­in­berra að­ila, skuld­bind­ur sveit­ar­fé­lag­ið sig til að sjá til þess að nýr eig­andi yf­ir­taki jafn­framt ábyrgð á lán­inu í sam­ræmi við eign­ar­hluta.

Jafn­framt er Regínu Ás­valds­dótt­ur, bæj­ar­stjóra, veitt fullt og ótak­markað um­boð til þess f.h. Mos­fells­bæj­ar að und­ir­rita láns­samn­ing við Lána­sjóð sveit­ar­fé­laga sbr. fram­an­greint, sem og til þess að móttaka, und­ir­rita og gefa út, og af­henda hvers kyns skjöl, fyr­ir­mæli og til­kynn­ing­ar, sem tengjast lán­töku þess­ari, þ.m.t. beiðni um út­borg­un láns.

Af­greiðsla 1657. fund­ar bæj­ar­ráðs stað­fest á 866. fundi bæj­ar­stjórn­ar með 11 at­kvæð­um.

Lovísa Jóns­dótt­ir vék af fundi við um­ræðu og af­greiðslu máls­ins. Anna Sig­ríð­ur Guðna­dótt­ir tók við stjórn fund­ar­ins und­ir þess­um dag­skrárlið.

***
Bæj­ar­ráð sam­þykk­ir með fjór­um at­kvæð­um að sam­þykkja beiðni stjórn­ar SORPU bs. um heim­ild til að end­ur­fjármagna lán hjá Ís­lands­banka nr. 505200687, frá 20. fe­brú­ar 2019, að fjár­hæð kr. 666.666.670. Lán­ið gjald­fell­ur þann 5. júní 2025 og eru nú­ver­andi vaxta­kjör upp á 10,75%. SORPA bs. hef­ur tryggt sér láns­lof­orð frá Lána­sjóði sveit­ar­fé­laga (LSS) með eft­ir­far­andi hag­stæð­ari kjör­um:
Vaxta­kjör: 4,2% verð­tryggt.
Láns­tími: 15 ár.
Heild­ar­kostn­að­ur: 872 millj­ón­ir króna að við­bætt­um verð­bót­um.
Ár­leg greiðslu­byrði árið 2026: 72 millj­ón­ir króna að við­bætt­um verð­bót­um.