Sunnukriki 7 - ósk um íbúð­ir

Af­greiðsla 558. fund­ar skipu­lags­nefnd­ar sam­þykkt á 798. fundi bæj­ar­stjórn­ar með átta at­kvæð­um, bæj­ar­full­trúi M-lista sat hjá við af­greiðsl­una.

Bók­un Ólafs Inga Ósk­ars­son­ar áheyrn­ar­full­trúa S-lista, Sam­fylk­ing­ar:
Áheyrn­ar­full­trúi Sam­fylk­ing­ar­inn­ar í skipu­lags­nefnd álít­ur að í stað þess að vera sí­fellt að gera breyt­ing­ar á aðal- og mið­bæj­ar­skipu­lagi fyr­ir ein­stak­ar lóð­ir í mið­bæ Mos­fells­bæj­ar sé heppi­legra að taka mið­bæj­ar­skipu­lag­ið upp í heild sinni og efna til hug­mynda­sam­keppni um það með það að mark­miði að þar skap­ist rými fyr­ir að­lað­andi mið­bæ til ánægju og hags­bóta fyr­ir alla íbúa.

Áheyrn­ar­full­trúi C-lista, Við­reisn­ar, Lovísa Jóns­dótt­ir tek­ur und­ir bók­un áheyrn­ar­full­trúa Sam­fylk­ing­ar.

Bók­un Stefáns Óm­ars Jóns­son­ar full­trúa L-lista, Vina Mos­fells­bæj­ar:
Ákvörð­un um að heim­ila íbúð­ir á lóð­inni Sunnukrika 3 á sín­um tíma virð­ist ekki hafa ver­ið byggð á traust­um grunni gild­andi deili­skipu­lags fyr­ir Krika­hverfi sem sett var árið 2005. Það er af­staða full­trúa L-lista Vina Mos­fells­bæj­ar í þessu máli að ef gera eigi breyt­ing­ar á deili­skipu­lagi Krika­hverf­is í þá veru að heim­ila fleiri íbúð­ir við Sunnukrika, þá verði sú breyt­ing aug­lýst al­mennri op­in­berri aug­lýs­ingu skv. Skipu­lagslög­um, eins og nú hef­ur ver­ið ákveð­ið að gera, þar sem al­menn­ingi, þar með tal­ið íbú­um í Krika­hverfi, gefst þá kost­ur á að koma að at­huga­semd­um sín­um ef ein­hverj­ar eru.

***

Skipu­lags­nefnd sam­þykk­ir að gerð skuli breyt­ing á aðal- og deili­skipu­lagi sem skil­grein­ir frek­ar heim­ild­ir um íbúð­ir inn­an svæð­is­ins. Skipu­lags­nefnd sam­þykk­ir að kynna skuli skipu­lags­lýs­ingu fyr­ir aðal- og deili­skipu­lags­breyt­ingu á mið­svæð­inu til um­sagna skv. 3. mgr. 40. gr. skipu­lagslaga nr. 123/2010.
Sam­þykkt með fjór­um at­kvæð­um. Jón Pét­urs­son full­trúi M-Lista, Mið­flokks, sit­ur hjá við af­greiðslu máls­ins.

Af­greiðsla 557. fund­ar skipu­lags­nefnd­ar sam­þykkt á 797. fundi bæj­ar­stjórn­ar með níu at­kvæð­um.

Mál­inu frestað.

Bók­un Sveins Ósk­ars Sig­urðs­son­ar full­trúa M-lista, Mið­flokks:
Hér er um að ræða um­tals­verða breyt­ingu á gild­andi deili­skipu­lagi og þeg­ar búið að auka fjölda íbúða á svæð­inu um­fram það sem gert var ráð fyr­ir í fyrra skipu­lagi. Íbú­ar á svæð­inu verða að geta treyst þeim for­send­um sem hafa byggt kaup sín á þeg­ar áform eru um að flytja í þetta hverfi sem og önn­ur í bæj­ar­fé­lag­inu. Rétt­ar væri að fara í heild­ar­end­ur­skoð­un á aðal- og deili­skipu­lag­inu í sam­ráði við íbúa sé á ann­að borð mark­mið­ið að breyta skipu­lagi með svona af­ger­andi hætti.